Breaking News
  • తెలంగాణ లో ఈరోజు భారీ నుంచి అతి భారీ వర్షాలు. తెలంగాణ, రాయలసీమ మీదుగా 3.1 కి.మీ ఎత్తు వద్ద ఏర్పడిన ఉపరితల ద్రోణి. తూర్పు బీహార్ పరిసర ప్రాంతాల్లో కొనసాగుతున్న అల్పపీడనం. దీనికి అనుబంధంగా 3.1 కి.మీ ఎత్తు వరకు కొనసాగుతున్న ఉపరితల ఆవర్తనం. ఈశాన్య ఝార్ఖండ్, ఒరిస్సా మీదుగా 1.5 కి.మీ 5.8 కి.మీ ఎత్తు మధ్య ఏర్పడిన మరో ఉపరితల ద్రోణి. అక్కడక్కడ ఉరుములు, మెరుపులతో పాటు తేలికపాటి నుండి ఒక మోస్తరు వర్షాలు. ఈరోజు సంగారెడ్డి, మెదక్, సిద్దిపేట, జనగామ, మేడ్చల్ మల్కాజ్గిరి, హైదరాబాద్, రంగారెడ్డి, యాదాద్రి భువనగిరి, వికారాబాద్ మహబూబ్ నగర్, వనపర్తి, జోగులాంబ గద్వాల్, నాగర్ కర్నూల్, నల్గొండ, సూర్యపేట, నారాయణ పేట జిల్లాల్లో ఒకటి రెండుచోట్ల భారీ నుండి అతిభారీవర్షాలు. ఎల్లుండి ఒకటి రెండుచోట్ల భారీవర్షాలు కురిసే అవకాశం.
  • కడప: ప్రొద్దుటూరులో సీఎం రిలీఫ్‌ ఫండ్‌ చెక్కుల ఫోర్జరీ కేసు. నిందితుడు సుబ్రమణ్యంరెడ్డిని అదుపులోకి తీసుకున్న పోలీసులు. మరికొందరిని ప్రమేయం ఉన్నట్టు గుర్తింపు.
  • ఈ దసరా పండుగ రోజున ధరణి పోర్టల్ ప్రారంభించాలని ముఖ్యమంత్రి కె.చంద్రశేఖర్ రావు నిర్ణయించారు. విజయదశమి రోజునుప్రజలు మంచి మహుర్తంగా భావిస్తున్నందున ముఖ్యమంత్రి కేసీఆర్ స్వయంగా ధరణి పోర్టల్ ను ఆరోజు ప్రారంభిస్తారు. ధరణి పోర్టల్ ప్రారంభించడానికి అవసరమైన అన్ని కార్యక్రమాలను ఈ లోపుగానే పూర్తి చేయాలని ముఖ్యమంత్రి కేసీఆర్ అధికారులను ఆదేశించారు.
  • ముంబై: బాలీవుడ్‌ డ్రగ్స్‌ కేసు. ఎన్సీబీ ఎదుట విచారణకు హాజరైన దీపికాపదుకొనె. ముంబై కొలాబాలోని ఎన్సీబీ గెస్ట్‌హౌజ్‌లో దీపికా విచారణ. కరీష్మా, దీపికా చాటింగ్‌పై ఎన్సీబీ ప్రశ్నల వర్షం. కరీష్మాతో పరిచయం, డ్రగ్స్‌ సప్లయ్‌పై 4 గంటలుగా విచారణ. పల్లార్డ్‌లోని ఎన్సీబీ కార్యాలయంలో శ్రద్ధా, సారా విచారణ. త్వరలో కరణ్‌జోహార్‌కు సమన్లు జారీ చేసే అవకాశం.
  • మంచిర్యాల: బెల్లంపల్లిలో భర్త ఇంటి ఎదుట భార్య ఆందోళన. అదనపు కట్నం కోసం భార్యను ఇంటి నుంచి గెంటేసిన భర్త మధుకర్‌. గతేడాది ఫిబ్రవరిలో మధుకర్‌తో విజయ వివాహం. అదనపు కట్నం తెస్తేనే కాపురం చేస్తానంటూ వేధింపులు. అత్తింటివారితో ప్రాణహాని ఉందంటూ పోలీసులకు ఫిర్యాదు.
  • గుంటూరు: టీడీపీ నేత నన్నపనేని రాజకుమారికి గాయం. తెనాలిలోని తన ఇంట్లో కాలుజారిపడ్డ నన్నపనేని. నన్నపనేని రాజకుమారి తలకు గాయాలు, ఆస్పత్రికి తరలింపు.

‘ఏపీ, తెలంగాణతో పాటు 12 రాష్ట్రాల్లో ఐఎస్ఐఎస్ యాక్టివ్‌గా ఉంది’

ఇస్లామిక్ స్టేట్ ఉగ్రవాద సంస్థ ముప్పు భారతదేశంలో కొనసాగుతోంది. దేశంలోని 12 రాష్ట్రాల్లో ఈ గ్రూప్ యాక్టివ్‌గా ఉందని కేంద్ర హోంశాఖ సహాయ మంత్రి కిషన్ రెడ్డి వెల్లడించారు.

ISIS most active in 12 Indian states, ‘ఏపీ, తెలంగాణతో పాటు 12 రాష్ట్రాల్లో ఐఎస్ఐఎస్ యాక్టివ్‌గా ఉంది’

ఇస్లామిక్ స్టేట్ ఉగ్రవాద సంస్థ ముప్పు భారతదేశంలో కొనసాగుతోంది. దేశంలోని 12 రాష్ట్రాల్లో ఈ గ్రూప్ యాక్టివ్‌గా ఉందని కేంద్ర హోంశాఖ సహాయ మంత్రి కిషన్ రెడ్డి వెల్లడించారు. ఆ లిస్టులో ఆంధ్రప్రదేశ్, తెలంగాణ, కేరళ, కర్ణాటక, తమిళనాడు, మహారాష్ట్ర, పశ్చిమ బెంగాల్, రాజస్థాన్, బీహార్, ఉత్తరప్రదేశ్, మధ్యప్రదేశ్, జమ్మూ కాశ్మీర్ రాష్ట్రాలు ఉన్నాయన్నారు. వివిధ రాష్ట్రాలకు చెందిన యువత ఈ ఉగ్రవాద సంస్థలోకి చేరుతుండటంతో కేంద్ర, రాష్ట్ర భద్రతా సంస్థల దృష్టికి వచ్చిందని కిషన్ రెడ్డి స్పష్టం చేశారు.

యువతను ఉగ్రవాదం వైపు మళ్ళించేందుకు ఐఎస్ఐఎస్ సోషల్ మీడియాను వినియోగిస్తోందని రాజ్యసభలో తెలిపారు. బీజేపీ ఎంపీ పీ. సహస్రాబుద్దే అడిగిన ప్రశ్నకు కిషన్ రెడ్డి పైవిధంగా లిఖితపూర్వక సమాధానాన్ని ఇచ్చారు. ”వారి ఇంటర్నెట్ కదలికలపై ఎప్పటికప్పుడు భారత ఏజెన్సీలు నిఘా ఉంచాయని.. చట్టప్రకారం చర్యలు తీసుకుంటామని” కిషన్ రెడ్డి తెలిపారు.

2014 నుండి సిరియా, ఇరాక్‌ దేశాలపై పట్టు సాధించిన ఇస్లామిక్ స్టేట్ ఉగ్రవాద సంస్థ.. బంగ్లాదేశ్, మాలి, సోమాలియా, ఈజిప్ట్ వంటి దేశాలను తమ అడ్డాలుగా మార్చుకుని కార్యకలాపాలను కొనసాగిస్తూ వస్తోంది. అంతేకాకుండా ఐఎస్ఐఎస్.. లష్కర్-ఎ-తైబా, అల్-ఖైదా వంటి ఇతర ఉగ్రవాద సంస్థలతో కూడా సంబంధాలు ఏర్పరుచుకుంది. అటు భారతదేశంలోని యువతను ఉగ్రవాదం వైపు మళ్ళించేందుకు.. తమ భావజాలాన్ని ప్రచారం చేయడానికి వివిధ సోషల్ మీడియా ప్లాట్‌ఫామ్‌లను ఉపయోగిస్తూ వస్తోంది.

తాజాగా ఎన్‌ఐఏ చేసిన ఓ దర్యాప్తులో కేరళ, కర్ణాటక, ఆంధ్రప్రదేశ్, తెలంగాణ, మహారాష్ట్ర, తమిళనాడు, వెస్ట్ బెంగాల్, రాజస్తాన్, బీహార్, ఉత్తరప్రదేశ్, మధ్యప్రదేశ్, జమ్మూకశ్మీర్ రాష్ట్రాల్లో ఐఎస్ఐఎస్ చురుగ్గా ఉన్నట్లు వెల్లడైందని కిషన్ రెడ్డి స్పష్టం చేశారు. అంతేకాదు ఆయా రాష్ట్రాల్లో ఐఎస్ఐఎస్ ఉనికికి సంబంధించి ఎన్ఐఏ 17 కేసులు నమోదు చేసిందని.. ఇప్పటికే 122 మంది నిందితులను కూడా అరెస్ట్ చేసిందని ఆయన అన్నారు. (ISIS most active in 12 Indian states)

Also Read:

ఏపీ వాహనదారులకు అలెర్ట్.. లైట్ తీసుకుంటే ఇక అంతే!

అమెరికాను వణికిస్తున్న కొత్త రకం ‘బ్యాక్టీరియా’.!

కేంద్రం మరో సంచలనం.. త్వరలోనే హైదరాబాద్‌కు బుల్లెట్ ట్రైన్.!

సచివాలయ పరీక్షలకు సర్వం సిద్ధం.. వారికి ఐసోలేషన్ రూంలో ఎగ్జామ్!

Related Tags