Breaking News
  • అసెంబ్లీ.. సీఎం కేసీఆర్: కేంద్ర విద్యుత్ చట్టం చాలా ప్ర‌మాద‌క‌రం, ఈ బిల్లును పార్ల‌మెంట్‌లో పూర్తి స్థాయిలో వ్య‌తిరేకిస్తున్నామ‌ని శాస‌న‌స‌భ వేదికగా చెప్తున్నాం. దేశంలో 70 వేల టీఎంసీల నీరు ఉంది. కానీ చెన్నైలో తాగునీటికి అనేక స‌మ‌స్య‌లు ఉన్నాయి. దేశంలో 75 శాతం మంది మంచినీటి కోసం అల్లాడుతున్నారు. ప్ర‌జ‌ల ప్రాథ‌మిక అవ‌స‌రాలు తీర్చాల‌నే దృక్ప‌థం బీజేపీ, కాంగ్రెస్ పార్టీల‌కు లేకుండా పోయింది. దేశంలో 40 కోట్ల ఎక‌రాల భూమి సాగులో ఉంది. పుష్క‌లంగా స‌రిపోయే నీరు ఉన్నా.. సాగుకు ఇవ్వ‌లేదు. దేశంలో స్థాపిత విద్యుత్ శ‌క్తి 4 ల‌క్ష‌ల మెగావాట్ల పైనే ఉంది. ఇప్ప‌టి వ‌ర‌కు 2 ల‌క్ష‌ల 16 వేల మెగావాట్లు మాత్ర‌మే దేశంలో వాడారు. దేశ ప్ర‌గ‌తి కోసం మిగులు విద్యుత్‌ను వినియోగంలోకి తేవాల‌నే ఆలోచ‌న లేదు. కేంద్ర విద్యుత్ చ‌ట్టాన్నీ పార్ల‌మెంట్‌లో వ్య‌తిరేకిస్తాము. విద్యుత్ రంగంలో రాష్‌ర్టాల హ‌క్క‌లు హ‌రించారు .. కేంద్రం ప్ర‌వేశ‌పెట్టిన చ‌ట్టం చాలా ప్ర‌మాద‌క‌రంగా ఉంది.
  • తిరుమల: టీవీ9తో శ్రీవారి ఆలయ ప్రధాన అర్చకుడి వేణుగోపాల దీక్షితులు. తిరుమల శ్రీవారి ఆలయ చరిత్రలో బ్రహ్మోత్సవాలను ఏకాంతంగా నిర్వహించడం ఇదే తొలిసారి. ప్రస్తుత సంక్షోభ పరిస్థితిలో శ్రీవారి బ్రహ్మోత్సవాలను ఆపకుండా నిర్వహించేందుకు ఆలయంలో ఏకాంతంగా నిర్వహించాలని నిర్ణయించాం. రథోత్సవ స్థానంలో సర్వభూపాల వాహనాన్ని నిర్వహించడానికి ఆగమశాస్త్రం ప్రకారం ఎటువంటి అభ్యంతరంలేదు. సర్వభూపాల వాహనం స్వామివారి రథాన్ని పోలి ఉండటంతో రథోత్సవస్థానంలో నిర్వహించాలని నిర్ణయించాం. బ్రహ్మోత్సవసేవల్లో ఎక్కువమంది అర్చకులు, ఆలయ సిబ్బంది పాల్గొనే ఆవశ్యకత ఉండటంతో ఆలయంలోని కళ్యాణోత్సవ మండపంలో వాహనసేవలు నిర్వహించాలని నిర్ణయించాం. మాడవీధుల్లో నిర్వహించే దివ్య ప్రబంధం, మంగళవాయిద్యాలు, వేద పారాయణాన్ని ఆలయంలోనే ఏకాతంగా నిర్వహిస్తాం. ఉదయం 9 నుండి 10 గంటల వరకు, సాయంత్రం 7 నుండి 8 గంటల వరకు వాహనసేవలు నిర్వహిస్తాం. ఉత్సవమూర్తి అలంకరణ, వైదిక కార్యక్రమాలను యథావిధిగా నిర్వహిస్తాం. గరుడవాహనంరోజు సీఎం జగన్ స్వామివారికి పట్టు వస్త్రాలు సమర్పిస్తారు. చక్రస్నానాన్ని పుష్కరిణీలో చేసే పరిస్థితి లేకపోవడంతో ఆలయంలోనే గంగాళంలో చక్రస్నానాన్ని నిర్వహిస్తాం. టీవీ9తో శ్రీవారి ఆలయ ప్రధాన అర్చకుడు వేణుగోపాల దీక్షితులు.
  • కృష్ణవరం టోల్‌గేట్ వద్ద లారీ బీభత్సం . తూర్పుగోదావరి జిల్లా : కిర్లంపూడి మండలం కృష్ణవరం టోల్‌గేట్ వద్ద లారీ బీభత్సం సృష్టించింది. కామారెడ్డి నుంచి నిజామాబాద్ వైపు వేగంగా వస్తున్న లారీ ఒక్కసారిగా బ్రేకులు ఫెయిల్ కావడంతో మూడు కార్లను ఢీకొట్టి, టోల్ గేట్ డివైడర్‌ను ఢీకొట్టింది. ఈ ఘటనలో ఇద్దరికి గాయాలయ్యాయి, గాయపడ్డ వారిని ఆస్పత్రికి తరలించారు.
  • అమరావతి: మాజీ అడ్వకేట్‌ జనరల్‌ దమ్మాలపాటి శ్రీనివాస్‌పై ఏసీబీ కేసు నమోదు. రాజధాని భూముల ఇన్‌సైడర్‌ ట్రేడింగ్‌లో భాగస్వామి అయ్యారన్న ఏసీబీ. భూముల కొనుగోళ్లలో ఏజీగా అధికార దుర్వినియోగానికి పాల్పడినట్లు అబియోగం. పదవిని అడ్డుపెట్టుకుని బంధువులతో 2014లో భూమి కొనుగోలు చేయించిన శ్రీనివాస్. 2015, 2016లో ఆ భూములు కొన్నట్లు ఏసీబీ అభియోగాలు. తన పేరిట, భార్య పేరిట దమ్మాలపాటి శ్రీనివాస్ భూముల కొనుగోళ్లు. ఇప్పటికే తనపై ఎలాంటి చర్యలు తీసుకోకుండా ఆదేశాలు కోరుతూ హైకోర్టులో పిటిషన్‌.
  • ఎయిర్‌క్రాఫ్ట్ (సవరణ) బిల్లుపై మాట్లాడిన బీజేపీ ఎంపీ జీవీఎల్ నరసింహారావు. ప్రధాని మోదీ నేతృత్వంలో దేశంలో విమానయాన రంగం శరవేగంగా వృద్ధి చెందింది. గత ఆరేళ్ల కాలంలో ఈ రంగం 118% శాతం పురోగతిని సాధించింది. యూపీఏ-2 హయాంలో 54% శాతం మాత్రమే పురోగతి ఉంది. దేశీయ విమానయాన రంగంలో భారత్ ప్రపంచంలోనే 3వ స్థానంలో ఉంది. అంతర్జాతీయ విమానయానంలో 4-5 స్థానాల్లో ఉంది. శరవేగంగా విమానయానం పెరుగుతున్న దేశాల్లో భారత్ మొదటిస్థానంలో ఉంది.
  • జయబచ్చన్ వ్యాఖ్యలపై స్పందించిన బీజేపీ ఎంపీ (నటుడు) రవికిషన్. నా వ్యాఖ్యలను జయాబచ్చన్ సమర్థిస్తారని అనుకున్నాను. పరిశ్రమలో అందరూ డ్రగ్స్ ఉపయోగించడం లేదు. కానీ డ్రగ్స్ వినియోగించేవారు బాలీవుడ్ సినీ పరిశ్రమను అంతం చేయాలన్న ప్రణాళికతో ఉన్నారు. నేను, జయాబచ్చన్ పరిశ్రమలోకి వచ్చినప్పుడు పరిస్థితులు ఇలా ఉండేవి కావు. ఇప్పుడు పరిశ్రమను కాపాడుకోవాల్సిన బాధ్యత ఉంది. రవి కిషన్, బీజేపీ ఎంపీ (రేసుగుర్రం ఫేమ్ మద్దాలి శివారెడ్డి).

అమెరికాను వణికిస్తున్న కొత్త రకం ‘బ్యాక్టీరియా’.!

కరోనా వైరస్ ప్రపంచాన్ని పట్టి పీడిస్తోంది. ముఖ్యంగా అగ్రరాజ్యం అమెరికాలో ఈ మహమ్మారి మరణ మృదంగం వాయిస్తోంది. ఇదిలా ఉంటే తాజాగా యూఎస్‌లో ఓ అరుదైన బ్యాక్టీరియల్ ఇన్ఫెక్షన్ విజృంభిస్తోందని అక్కడి డాక్టర్లు చెబుతున్నారు.
, అమెరికాను వణికిస్తున్న కొత్త రకం ‘బ్యాక్టీరియా’.!

Flesh-eating bacteria: కరోనా వైరస్ ప్రపంచాన్ని పట్టి పీడిస్తోంది. ముఖ్యంగా అగ్రరాజ్యం అమెరికాలో ఈ మహమ్మారి మరణ మృదంగం వాయిస్తోంది. అక్కడ ఇప్పటివరకు 6,749,289 పాజిటివ్ కేసులు బయటపడగా.. 199,000 మంది వైరస్ కారణంగా చనిపోయారు. ఇదిలా ఉంటే తాజాగా యూఎస్‌లో ఓ అరుదైన బ్యాక్టీరియల్ ఇన్ఫెక్షన్ విజృంభిస్తోందని అక్కడి డాక్టర్లు చెబుతున్నారు. అదే మాంసాన్ని సంగ్రహించే విచిత్రమైన బ్యాక్టీరియా.. దాన్ని ‘విబ్రియో వల్నిఫిక్స్’గా వ్యవహరిస్తున్నారు. అమెరికాలోని కనెక్టికట్‌లో ఐదుగురికి ఈ వ్యాధి సోకడంతో.. అక్కడ ఉన్న ప్రజలకు వైద్య నిపుణులు హెచ్చరికలు జారీ చేశారు.

మాంసాన్ని ఆహారంగా తినే ఈ విచిత్రమైన బ్యాక్టీరియా వల్ల కలిగే సంక్రమణను ‘విబ్రియో వల్నిఫిక్స్’ అని అంటారు. రాష్ట్రంలోని ఐదుగురికి ఈ ఇన్ఫెక్షన్ సోకినట్లు నిర్ధారణ అయింది. సంక్రమణ సోకినవారికి ఇంటెన్సివ్ కేర్ అత్యవసరం.. లేదంటే బ్యాక్టీరియా శరీరంపై తీవ్ర ప్రభావం చూపుతోంది. ఈ విబ్రియో బ్యాక్టీరియా లాంగ్ ఐలాండ్‌లోని ఉప్పు లేదా ఉప్పునీటి కయ్యల నుంచి వ్యాపిస్తుందని.. జాగ్రత్తలు తప్పనిసరిగా తీసుకోవాలని” డాక్టర్ మాథ్యూ కార్టర్ పేర్కొన్నారు.

ఈ ఏడాది జూలైలో ఒక కేసు, ఆగష్టులో నాలుగు కేసులు నమోదయ్యాయని చెప్పిన కార్టర్.. సుమారు 49 నుంచి 85 ఏళ్ల వయసు ఉన్నవారిలోనే ఈ ఇన్ఫెక్షన్ బయటపడిందన్నారు. 2010-19 మధ్య కనెక్టికట్‌లో ఇలాంటివి ఏడు కేసులే నమోదు కాగా.. ఈ సంవత్సరం ఆ సంఖ్య భారీగా పెరిగిందన్నారు. షెల్ ఫిష్ ద్వారా వ్యాపించే ఈ ‘విబ్రియో వల్నిఫిక్స్’.. వంటిపై ఏదైనా గాయాలు ఉంటే.. వాటి నుంచి వేగంగా వ్యాపించి.. ప్రాణాంతక అనారోగ్యాలను కలిగించే అవకాశం ఉందని యూఎస్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ తెలిపింది. అందువల్ల పచ్చబొట్లు, లేదా శస్త్రచికిత్సల చేసుకున్నవారు ఉప్పు నీటికి దూరంగా ఉండాలని హెచ్చరిస్తోంది.

Also Read:

ఏపీ వాహనదారులకు అలెర్ట్.. లైట్ తీసుకుంటే ఇక అంతే!

బిగ్ బాస్ 4: ఈ సీజన్‌లో ఆమెదే భారీ రెమ్యునరేషన్

‘కరోనా వైరస్‌ను ల్యాబ్‌లో తయారు చేశారు.. ఆధారాలు ఉన్నాయి’

పేద విద్యార్థుల పాలిట దేవుడిగా మారిన సోనూసూద్…

Related Tags