Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

టైం పాస్ రెస్క్యూ ఆపరేషన్.. నిధులు మింగేందుకేనా..?

Story On Royal Vasista Boat Operation Update, టైం పాస్ రెస్క్యూ ఆపరేషన్.. నిధులు మింగేందుకేనా..?

రాయల్ వశిష్ట బోటు ఆపరేషన్ కొనసాగుతూనే ఉంది. రెండు, మూడు రోజుల్లో బోటును వెలికి తీస్తామని చెప్పిన ధర్మాడి సత్యం టీం రోజులు గడుపుతూ వస్తోంది. కాని, బోటును మాత్రం తీయలేకపోతోంది. మొదటి సారి ఆపరేషన్ మొదలు పెట్టినప్పుడు వర్షాలు పడటం, వాతావరణ పరిస్థితులు అనుకూలించకపోడంతో ప్రయత్నాన్ని ఆపివేశారు. ఇక సరిగ్గా వారం రోజుల తర్వాత మళ్లీ ఆపరేషన్‌ను ప్రారంభిస్తామని చెప్పి హడావుడి చేయడం మొదలు పెట్టారు. రెండు రోజులుగా బోటు వెలికితీతకు కావాల్సిన సామాగ్రిని కచ్చులూరు వద్దకు చేర్చారు. ఇక మూడవ రోజు కూడా అదే పరిస్థితి. ఎక్కడ వేసిన గొంగళి అక్కడే అన్నట్లు కనిపిస్తోంది. అయితే బోటు వెలికితీతకు సంబంధించిన సామాగ్రికి ప్రభుత్వమే నిధులను సమకూరుస్తోంది. ప్రభుత్వం ఇచ్చే నిధుల కోసమే.. సత్యం టీం బోటును తీయకుండా సమయాన్ని వృధా చేస్తోందని కొందరు అభిప్రాయం వ్యక్తం చేస్తున్నారు.

అసలు 300 అడుగులకు పైగా లోతులో మునిగిపోయిన బోటును వెలికితీయడం వీరికి సాధ్యం అవుతుందా అన్న అనుమానం వ్యక్తం అవుతోంది. ఏదో మాటలు చెప్పి ప్రభుత్వ నిధులను దోచుకుంటున్నారని విమర్శలు వస్తున్నాయి. ఇందులో ప్రభుత్వ అధికారుల ప్రమేయం కూడా ఉందేమోనన్న సందేహాలు మొదలయ్యాయి. కాగా బోటు ప్రమాదంలో 26 మంది ప్రాణాలతో బయటపడ్డారు. ఇక ఇప్పటివరకూ 39 మృతదేహాలు లభ్యమయ్యాయి. అధికారులు మాత్రం ఇంకా 14 మంది ఆచూకీ తెలియాల్సి ఉందని చెబుతున్నారు. మరోవైపు ప్రమాదానికి కారణమైన వారికోసం పోలీసుల గాలింపు చర్యలు కొనసాగుతూనే ఉన్నాయి.