Breaking News
  • దిశ నిందితుల ఎన్‌కౌంటర్‌పై మహిళా సంఘాల అభ్యంతరం. ఎన్‌కౌంటర్‌కు వ్యతిరేకంగా హైకోర్టుకు లేఖ రాసిన మహిళా సంఘాలు. కస్టడీలో ఉన్న నిందితులను ఎలా ఎన్‌కౌంటర్‌ చేస్తారని లేఖ. కోర్టులో కేసు నడుస్తుండగా చట్టాన్ని ఎలా చేతుల్లోకి తీసుకుంటారు. ఎన్‌కౌంటర్‌ చేసిన వారిపై చర్యలు తీసుకునేలా డీజీపీని ఆదేశించాలి. మృత దేహాలకు ఫోరెన్సిక్‌ నిపుణులతో పోస్టుమార్టం చేయించాలి. పోస్టుమార్టం వీడియో తీయించాలి-లేఖలో మహిళా సంఘాలు. హైకోర్టు చీఫ్‌ జస్టిస్‌ అందుబాటులో లేకపోవడంతో సోమవారం విచారిస్తామన్న హైకోర్టు.
  • కేంద్రీయ సైనిక్‌ బోర్డ్‌కు పవన్‌కల్యాణ్‌ విరాళం. కోటి రూపాయలు విరాళం ప్రకటించిన పవన్‌కల్యాణ్‌. స్వయంగా ఢిల్లీ వెళ్లి డీడీ అందిస్తా-పవన్‌కల్యాణ్‌.
  • ఎన్‌కౌంటర్లు సమస్యకు పరిష్కారం కాదు-ట్విట్టర్‌లో ఆర్జీవీ. సమాజంలో ఉద్రేకాలను తగ్గించేందుకు ఎన్‌కౌంటర్లు దోహదం చేయొచ్చు-ట్విట్టర్‌లో రామ్‌గోపాల్‌వర్మ.
  • తూ.గో: ఆంధ్రా పాలిటెక్నిక్‌ కాలేజ్‌లో విద్యార్థులపై దాడి. విద్యార్థులపై దాడి చేసిన బయటి వ్యక్తులు. ఇద్దరు విద్యార్థులకు గాయాలు పోలీసులకు ఫిర్యాదు, కేసు నమోదు.
  • గుంటూరు: పిడుగురాళ్ల సబ్‌ రిజిస్ట్రార్‌ కార్యాలయంలో ఏసీబీ తనిఖీలు. లెక్కలు చూపని రూ.56,700 స్వాధీనం, కేసు నమోదు.
  • ధరల నియంత్రణలో ప్రభుత్వం విఫలమైంది-చంద్రబాబు ట్వీట్‌. ఉల్లి ధరలతో జనం అల్లాడుతుంటే దేశమంతా ధరలు పెరిగాయని వైసీపీ మంత్రులు చెప్పడం హాస్యాస్పదం-ట్విట్టర్‌లో చంద్రబాబు. ఆరు నెలల్లోనే రాష్ట్రాన్ని దళారుల రాజ్యంగా మార్చారు. ఒక్క ఉల్లి మాత్రమే కాదు.. నిత్యావసరాల ధరలన్నీ చుక్కలనంటాయి. రూ.5 వేల కోట్లతో ధరల స్థిరీకరణ నిధి అన్నారు.. ఏమైంది. ఉల్లి కోస్తే వచ్చే కన్నీళ్లు.. ఉల్లిని కొంటున్నప్పుడే వస్తున్నాయి. ఉల్లి ధరల తడాఖా ఏంటో స్థానిక సంస్థల్లో మహిళలు చూపిస్తారు -ట్విట్టర్‌లో చంద్రబాబు
  • మహబూబ్‌నగర్‌: దిశ నిందితుల మృతదేహాలకు పోస్ట్‌మార్టం పూర్తి. రాత్రికి మహబూబ్‌నగర్‌ ప్రభుత్వాస్పత్రిలోనే నిందితుల మృతదేహాలు. రేపు మహబూబ్‌నగర్ ఆస్పత్రికి వెళ్లనున్న ఎన్‌హెచ్ఆర్సీ ప్రతినిధులు. ఎన్‌హెచ్‌ఆర్సీ ప్రతినిధుల బృందం పరిశీలించిన తర్వాతే నిందితుల మృతదేహాలకు అంత్యక్రియలు. మహబూబ్‌నగర్‌ ప్రభుత్వాస్పత్రి దగ్గర భారీగా పోలీస్‌ బందోబస్తు.

హీటెక్కిన జార్ఖండ్.. మళ్లీ అదే ప్రచారం చేస్తోన్న బీజేపీ..

Jharkhand Assembly Election 2019 : Amit Shah Focuses On Ayodhya and Kashmir, హీటెక్కిన జార్ఖండ్.. మళ్లీ అదే ప్రచారం చేస్తోన్న బీజేపీ..

జార్ఖండ్‌లో అసెంబ్లీ ఎన్నికల హీట్ పెరిగింది. మరో వారం రోజుల్లో తొలి విడత ఎన్నికలు జరగనున్న నేపథ్యంలో.. బీజేపీ తన దూకుడు పెంచింది. ఎట్టిపరిస్థితుల్లోనైనా.. తిరిగి రాష్ట్రంలో అధికారం కైవసం చేసుకునేందుకు కమలనాథులు రంగంలోకి దిగారు. విజయం మనదేనంటూ కార్యకర్తల్లో ఉత్సాహాన్ని నింపుతున్నారు. ఈ క్రమంలో గురువారం బీజేపీ జాతీయాధ్యక్షుడు అమిత్ షా.. జార్ఖండ్ ఎన్నికల ప్రచారంలో పాల్గొన్నారు. డెబ్బై ఏళ్ల కాంగ్రెస్ పార్టీ పరిపాలనపై తీవ్ర స్థాయిలో మండిపడ్డారు. ఈ ఎన్నికల ప్రచారంలో మరోసారి కశ్మీర్ అంశాన్ని తెరపైకి తీసుకొచ్చారు.

ఇటీవల మహారాష్ట్ర, హర్యానాలో జరిగిన అసెంబ్లీ ఎన్నికల ప్రచారంలో కూడా బీజేపీ కశ్మీర్ అంశంతో పాటుగా.. ఎయిర్ స్ట్రైక్ వంటి అంశాలనే ప్రచారాస్త్రాలుగా ఉపయోగించారు. అయితే బీజేపీ అనుకున్నట్లుగా.. ఈ రెండు రాష్ట్రాల్లో ఫలితాలను సాధించలేకపోయింది. మహారాష్ట్రలో అత్యధిక సీట్లు సాధించినా.. ప్రభుత్వ ఏర్పాటుకు సరిపడ బలం లేకపోయింది. ఇక హర్యానాలో కూడా సేమ్ సీన్ రిపీట్ అయ్యింది. అత్యధిక సీట్లను మాత్రం సాధించగలిగారు.. కానీ.. ప్రభుత్వాన్ని ఏర్పాటు చేసేందుకు కావాల్సిన సీట్లను దక్కించుకోలేకపోయింది. తాజాగా ఇప్పుడు జరగుతున్న జార్ఖండ్ ఎన్నికల్లో కూడా బీజేపీ ఇవే అంశాల్నీ ప్రచారాస్త్రాలుగా వాడుతున్నారు. అయితే కశ్మీర్ అంశంతో పాటుగా.. ఇప్పుడు అయోధ్య అంశాన్ని కూడా లేవనెత్తుతున్నారు.

గురువారం జరిగిన ఎన్నికల ప్రచారంలో అమిత్ షా.. కశ్మీర్ ఇష్యూ, అయోధ్య తీర్పుల అంశాలను ప్రస్తావిస్తూ.. కాంగ్రెస్‌పై తీవ్ర స్థాయిలో మండిపడ్డారు. అయోధ్య వివాదం ఇన్ని సంవత్సరాలు పరిష్కారం కాకపోవడానికి కాంగ్రెస్ పార్టీనే కారణమంటూ ఆగ్రహం వ్యక్తం చేశారు. ఎన్నో ఏళ్ల అయోధ్య భూ వివాదానికి పరిష్కారం చూపిస్తూ.. సుప్రీం చారిత్రాత్మక తీర్పును వెల్లడించిన విషయాన్ని గుర్తు చేశారు. సుప్రీం తీర్పుతో రామమందిర నిర్మాణానికి మార్గం సుగమమైందన్నారు. అయోధ్యలో రామ మందిరాన్ని నిర్మించాలో వద్దో మీరే చెప్పండంటూ ప్రచారంలో ప్రజల్ని ఉద్దేశిస్తూ ప్రసంగం కొనసాగించారు. ఇక కశ్మీర్ అంశాన్ని కాంగ్రెస్ పార్టీ ఓటు బ్యాంకు కోసమే వాడుకున్నారని.. ఆర్టికల్ 370 రద్దు చేయకుండా.. కాంగ్రెస్ పార్టీ అడ్డుకునేందుకు ప్రయత్నించిందని ఆరోపించారు. ఆర్టికల్ 370 రద్దు చేసిన ప్రధాని మోదీ.. రాష్ట్రంలో అభివృద్ధికి దారులు వేశారన్నారు.

కాగా.. 81 అసెంబ్లీ స్థానాలున్న జార్ఖండ్‌లో నవంబర్ 30 నుంచి డిసెంబర్ 20 వరకు మొత్తం 5 దశల్లో ఎన్నికలు జరగనున్నాయి. తొలిదశలో నవంబర్ 30న.. 13 స్థానాలకు ఎన్నికలు జరగనున్నాయి. డిసెంబర్ 23న ఎన్నికల రిజల్ట్స్ వెలుడనున్నాయి.