Breaking News
  • టీవీ9 తో DME డా. రమేష్ రెడ్డి. ప్లాస్మా అనేది సంజీవని కాదని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఇప్పటికే ప్రకటించింది. ప్లాస్మా ట్రీట్ మెంట్ పై ఐసీఎంఆర్ ఇప్పటివరకు ఫైనల్ రిజల్ట్స్ ని అనౌన్స్ చేయలేదు. కొన్ని ప్రోటోకాల్స్ మాత్రమే ఇచ్చారు. గాంధీ లో 14 కేసులకు ప్లాస్మా ట్రీట్మెంట్ ట్రీట్మెంట్ ఇచ్చాము.. మంచి రిజల్ట్ వచ్చింది. ప్లాస్మా అనేది అవుట్స్టాండింగ్ ట్రీట్మెంట్లో include చేయాలా లేదా అనేది ఐ సి ఎం ఆర్ ఇంకా నిర్ధారించలేదు. ప్లాస్మా డోనర్స్ ముందుకు రావడం మంచి పరిణామం.
  • అమ‌రావ‌తి: రాష్ట్రంలో ఇద్ద‌రు ఐఏఎస్ అధికారుల పోస్టింగుల్లో మార్పులు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ బాధ్య‌త‌ల నుంచి చిన‌వీర‌భ‌ద్రుడుని త‌ప్పించిన ప్ర‌భుత్వం. పాఠ‌శాల విద్యాశాఖ డైరెక్ట‌ర్ గా చిన‌వీర‌భ‌ద్రుడు నియామ‌కం,ప్ర‌స్తుతం ఇంచార్జిగా ఉన్న చిన‌వీర‌భ‌ద్రుడు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ గా కె,వెట్రిసెల్వి నియామకం. ఇంగ్లీష్ మీడియం అమ‌లు ప్రాజెక్ట్ స్పెష‌ల్ ఆఫీస‌ర్ గా వెట్రిసెల్వికి పూర్తి అద‌న‌పు బాధ్య‌త‌లు.
  • ఏపీలో నూతన ఇండస్ట్రియల్ పాలసీ కి శ్రీకారం. ఇప్పటికే నూతన ఇండస్ట్రియల్ పాలసీ ని ఖరారు చేసిన సర్కార్ . సోమవారం పాలసీని లాంచ్ చేయనున్న పరిశ్రమల శాఖ మంత్రి మేకపాటి గౌతమ్ రెడ్డి.
  • ఈ ఏడాది సామూహిక నిమజ్జనం ఉండదు. దశల వారీ నిమజ్జనం. ప్రభుత్వానికి సహకరించాలి... కోవిడ్ నిబంధనలు పాటించాలి. ఎత్తు విషయంలో పోటీలకు పోకుండా.. చిన్న మండపాలు ఏర్పాటు చేసుకోవాలి. -- భాగ్యనగర్ గణేష్ ఉత్సవ సమితి.
  • కడపజిల్లాలో విషాదం. కమలాపురం మండలం యార్రగుడిపాడు గ్రామంలో అక్కచెల్లెళ్ల ఆత్మహత్యల్లో కొత్త కోణం. ముందురోజు ప్రొద్దుటూరులో తండ్రి బాబురెడ్డి చెట్టుకు ఉరేసుకుని ఆత్మహత్య. చనిపోయేముందు సెల్ఫీ వీడియో రికార్డ్ చేసిన బాబు రెడ్డి. తన చావుకు అల్లుడు సురేష్ రెడ్డి కారణమని సెల్ఫీ వీడియోలో చెప్పిన బాబు రెడ్డి. అల్లుడు పై చర్యలు తీసుకోవాలని కోరుతూ..తనకి న్యాయమూర్తి న్యాయం చేయాలని కోరుతూ సెల్ఫీ వీడియో. తన తండ్రి చావుకు కారణం తన భర్తేనని తెలిసి రైలుకింద పది కుమార్తె స్వేతా రెడ్డి ఆత్మహత్య. అక్క చనిపోయిందని చెల్లెలు ఇంజినీరింగ్ విద్యార్థిని సాయి ఆత్మహత్య. ఒకే కుటుంబంలో ముగ్గురు ఆత్మహత్య.
  • మొదలైన హీరో రానా దగ్గుబాటి మిహీక ల వివాహం. వేద మంత్రోచ్ఛారణ మధ్య 8.45 నిమిషాలకు వధువు మిహిక మెడలో తాళి కట్టనున్న వరుడు రానా. రామానాయుడు స్టూడియోలో వివాహ వేడుక . కరోనా నేపథ్యంలో కట్టుదిట్టమైన భద్రతా చర్యలు. స్టూడియోలో ప్రవేశించడానికి మై గేట్ యాప్ ద్వారా అనుమతి. వివాహ వేడుకలో 30మంది కి మించని కుటుంబ సభ్యులు మరియు నాగచైతన్య, సమంత.

హైదరాబాద్ సిటీకి ‘డెంగ్యూ’ ఫీవర్.. బీ అలర్ట్

all four dengue variants bare fangs in Hyderabad, హైదరాబాద్ సిటీకి ‘డెంగ్యూ’ ఫీవర్.. బీ అలర్ట్

తెలంగాణలో డెంగ్యూ వ్యాధి విజృంభిస్తోంది. రాష్ట్రవ్యాప్తంగా డెంగ్యూ కేసులు రోజురోజుకు పెరుగుతున్నాయి. ప్రభుత్వ, ప్రైవేట్ ఆసుపత్రులు డెంగ్యూ కేసులతో కిక్కిరిసిపోతున్నాయి. వారిలో కొంతమంది ఇప్పటికే మృత్యువాత పడ్డారు. ఇదిలా ఉంటే భాగ్యనగరంలో నాలుగు రకాల డెంగ్యూ వైరస్‌లు కోరలు చాచాయని డాక్టర్లు చెబుతున్నారు. దీని వలన ప్రజలకు మరింత ప్రమాదం పొంచి ఉందని వారు అన్నారు. సాధారణంగా వైరస్‌లు జన్యు పదార్ధాన్ని మార్పిడి చేసుకుంటాయని.. దీని వలన కొత్త డెంగ్యూ వైరస్‌లు వచ్చే అవకాశం కూడా ఉందని డాక్టర్లు అంటున్నారు. అంతేకాకుండా గత మూడు సంవత్సరాలుగా మరో వైరస్ వ్యాప్తి చెంది.. డాక్టర్లకు సవాల్ విసిరిందని వారు చెప్పారు. ఇటీవల నమోదైన డెంగ్యూ కేసుల్లో ఇది స్పష్టమైందని డాక్టర్లు పేర్కొన్నారు.

ఇప్పుడున్న డెంగ్యూ రకాల్లో రెండవ వైరస్(డెన్వీ-2) చాలా ప్రమాదంగా మారిందని డాక్టర్లు చెబుతున్నారు. అలాగే ప్రతి డెంగ్యూ రకంలోనూ కొన్ని లక్షణాలు కామన్‌గా ఉంటున్నాయని డాక్టర్లు చెబుతున్నారు. హైదరాబాద్‌లో ఉన్న పలు రకాల దోమ జాతుల వలన డెంగ్యూ జ్వరాలు పెరుగుతున్నాయని.. కొంతమంది ప్రజలకు ఈ వేర్వేరు రకాల వైరస్‌లు ఒకేసారి సోకుతున్నాయని డాక్టర్లు అంటున్నారు. అంతేకాకుండా డెంగ్యూ వచ్చిన వారికి చికెన్ గున్యా, టైఫాయిడ్ వంటి అంటు జ్వరాలు కూడా ప్రబలుతున్నాయని గాంధీ మెడికల్ కాలేజీలోని డాక్టర్ల బృందం తెలిపింది. డెంగ్యూ వచ్చిన ప్రతి ఇద్దరిలో ఒకరు ఈ అంటు జ్వరాలతో బాధపడుతున్నారని వారు పేర్కొన్నారు. ఓ సర్వే ప్రకారం 44శాతం మంది డెంగ్యూతో, 29 శాతం మంది చికెన్ గున్యాతో, 15శాతం టైఫాయిడ్‌తో బాధపడుతున్నట్లు వెల్లడైంది. దీనిపై అందరిలో అవగాహన పెంచాలని, ప్రజలు కూడా వ్యాధులు రాకుండా జాగ్రత్తలు తీసుకోవాలని వారు చెబుతున్నారు.

Related Tags