ఒకప్పుడు కేవలం గ్రాడ్యుయేషన్ స్టేజ్లో ఉండే వారు మాత్రమే కంప్యూటర్ లేదా ల్యాప్టాప్ ఉపయోగించే వారు. కానీ ప్రస్తుతం స్కూల్ స్టేజ్లో ఉన్నప్పుడే వీటిని ఉపయోగించే వారి సంఖ్య పెరుగుతోంది. ప్రతీ పనికి ప్రస్తుతం కంప్యూటర్ వినియోగం అనివార్యంగా మారిందని చెప్పాలి. అయితే ఇందులో మనకు తెలియని ఆసక్తికర విషయాలు ఉంటాయి. అలాంటి ఒక దాని గురించి ఇప్పుడు తెలుసుకుందాం..
సాధారణంగా మనం ఉపయోగించే ప్రతీ కంప్యూటర్ కీబోర్డ్పై ఉండే ‘F’, ‘J’ లెటర్స్పై చిన్న సింబల్ ఉంటుంది. ఇంతకీ ఈ సింబల్ ఎందుకు ఉంటుందని ఎప్పుడైనా ఆలోచించారా.? ల్యాప్టాప్కి ఉండే కీ బోర్డ్లో కూడా ఇదే సింబల్ ఉంటుంది. అయితే ఈ సింబల్ ఏర్పాటు చేయడం వెనకాల ఒక బలమైన కారణం ఉందడోయ్. ఇంతకీ ఈ సింబల్స్ ముఖ్య ఉద్దేశం ఏంటో ఇప్పుడు తెలుసుకుందాం..
ఈ సింబల్స్కి ముఖ్య ఉద్దేశం టైపింగ్ కోసమే. కంప్యూటర్ కీబోర్డ్లో ఈ రెండు బటన్స్ సరిగ్గా మధ్యలో ఉంటాయి. టైపింగ్ వచ్చిన వారు ఎవరైనా తమ రెండు చేతుల చూపుడు వేళ్లను ఈ రెండు లెటర్స్పై ఉంచే టైపింగ్ చేస్తుంటారు. కీ బోర్డ్లోని అన్ని బటన్స్.. ఈ F,J బటన్స్కి సమాన దూరంలో ఉంటాయి. ఇవి టైపింగ్ సులభంగా చేయడానికి దోహదపడతాయి.
అంతేకాకుండా టైపింగ్ నేర్చుకునే సమయంలో ఏడమ చేతి వైపున్న అక్షరాలను, కుడి చేతు వైపు ఉండే బటన్స్ను అంచనా వేస్తూనే టైపింగ్ ప్రాక్టీస్ చేస్తుంటారు. ఇది టైపింగ్ వేగాన్ని పెంచడంతో పాటు, పర్ఫెక్షన్ను అందిస్తుంది. ఇక కీబోర్డ్ పై నుంచి చేయి తీసిన ప్రతీసారి ఈ రెండు లెటర్స్ కోసం వెతుక్కునే పని లేకుండా ఉండేందుకు ఈ సింబల్స్ని ఏర్పాటు చేశారు. దీంతో రెండు వేళ్లు నేరుగా F, J లెటర్స్పైకి వెళ్తాయి. టైప్ రైటర్ ఉపయోగిస్తున్న రోజుల నుంచి ఇదే విధానాన్ని ఫాలో అవుతున్నారు. ఇదండీ కీ బోర్డులపై ఉండే ఈ సింబల్ అసలు కారణం.
మరిన్ని ఇంట్రెస్టింగ్ వార్తల కోసం క్లిక్ చేయండి..