Nose Picking: మీకు ముక్కులో వేలు పెట్టుకునే అలవాటు ఉందా.? ఈ ప్రమాదకర వ్యాధులు తప్పవు జాగ్రత్త..
మనలో చాలా మందికి ముక్కులో వేలు పెట్టుకునే అలవాటు ఉంటుంది. ఇది సర్వసాధారణమైన విషయం. అయితే ముక్కులో దురదగా ఉన్నప్పుడో, జలుబు చేసి మానిన తర్వాత పక్కులు తీయడం పరిపాటే. కానీ కొందరు మాత్రం నిత్యం ముక్కులో వేలు పెడుతుంటారు. చేతులు కాస్త ఖాళీగా..
మనలో చాలా మందికి ముక్కులో వేలు పెట్టుకునే అలవాటు ఉంటుంది. ఇది సర్వసాధారణమైన విషయం. అయితే ముక్కులో దురదగా ఉన్నప్పుడో, జలుబు చేసి మానిన తర్వాత పక్కులు తీయడం పరిపాటే. కానీ కొందరు మాత్రం నిత్యం ముక్కులో వేలు పెడుతుంటారు. చేతులు కాస్త ఖాళీగా ఉన్నాయంటే చాలు వెంటనే ముక్కులో వేలు పెట్టి ఓ తెగ తిప్పేస్తుంటారు. అయితే ముక్కులో వేలు పెట్టుకోవడం పెద్ద సమస్య కాదని చాలా మంది భావిస్తుంటారు. కానీ ముక్కులో వేలు పెట్టుకునే అలవాటు అంత శ్రేయస్కరం కాదని నిపుణులు చెబుతున్నారు. దీనివల్ల మతిమరుపు, న్యుమోనియా వంటి వ్యాధులు వచ్చే ప్రమాదం ఉందని చెబుతున్నారు. అదేంటి ముక్కులో వేలు పెట్టుకుంటే ఇంత ప్రమాదమా అనుకుంటున్నారా? ఇంతకీ ముక్కులో వేలు పెట్టుకోవడం వల్ల కలిగే నష్టాలు ఏంటో ఇప్పుడు చూద్దాం.
మనిషి గాలి పీల్చుకోవడానికి, వాసన చూడడానికి ఉపయోగపడే జ్ఞానేంద్రియం ముక్కు. గాలి పీల్చుకునే సమయంలో గాలితో పాటు ధుమ్ము, ధూళి, బ్యాక్టీరియా వంటివి లోపలికి వెళుతుంటాయి. అయితే ముక్కులో ఉండే వెంట్రుకలు గాలిని ఫిల్టర్ చేస్తాయి. ధుమ్ము, ధూళి, బాక్టీరియా వంటివి లోనికి వెళ్లకుండా అడ్డుకుంటాయి. అలాగే ముక్కులో ఉండే మ్యూకస్ మైంబ్రేన్ బయటకు వెళ్లకుండా చేస్తాయి. అయితే తరచూ ముక్కులో వేలు పెట్టుకోవడం వ్లల ముక్కు వెంట్రుకల దగ్గర ఆగిపోయిన బాక్టీరియా తిరిగి లోపలికి వెళుతుంది.
ఇలా బ్యాక్టీరియా లోపలికి నేరుగా వెళ్లడం వల్ల ఊపిరిత్తులతో పాటు మెదడుపై ప్రభావం పడుతుంది. ఈ బాక్టీరియా మెదడును చేరితే మనిషి వాసన చూసే సామర్థ్యం కోల్పోతారు. అలాగే కొన్ని రకాల బ్యాక్టీరియాల వల్ల దీర్ఘకాలంలో అల్జీమర్స్ వ్యాధి వచ్చే అవకాశాలు ఉంటాయి. అలాగే బ్యాక్టీరియా ఊపిరితిత్తుల్లోకి వెళుతుంది. ఇది న్యుమోనియా వంటి వ్యాధులకు కారణంగా మారుతుంది. చూశారుగా తెలిసో తెలియకో ముక్కులో వేలు పెట్టుకోవడం వల్ల ఎన్ని నష్టాలు ఉన్నాయో. మీకు కూడా ఈ అలవాటు ఉంటే వెంటనే మానేయండని నిపుణులు చెబుతున్నారు.
మరిన్ని హెల్త్ ఆర్టికల్స్ కోసం క్లిక్ చేయండి..