Bladder Cancer Awareness Month 2022: భారత్‌లో ఆందోళన కలిగిస్తోన్న ఆ క్యాన్సర్ మరణాలు.. అసలు కారణమదేనంటోన్న నిపుణులు..

Bladder Cancer Awareness Month 2022

Bladder Cancer Awareness Month 2022: ‘మే’ను బ్లాడర్ క్యాన్సర్ అవేర్‌నెస్ నెలగా పాటిస్తుంటారు. ప్రపంచవ్యాప్తంగా మూత్రాశయ క్యాన్సర్ వ్యాప్తిని తగ్గించడానికి, దాని గురించి అవగాహన కల్పించడమే దీని లక్ష్యం. కాగా, ఈ ఏడాది డోంట్ గో రెడ్ అంటూ పిలుపునిచ్చారు. రాజీవ్ గాంధీ క్యాన్సర్ ఇన్‌స్టిట్యూట్‌లోని యూరోన్కాలజీ విభాగం కన్సల్టెంట్ డాక్టర్ అమితాబ్ సింగ్ ఈ సందర్భంగా News9తో మాట్లాడారు. భారత్‌లో మూత్రాశయ క్యాన్సర్‌ బారిన పడుతున్న వారి సంఖ్య ఏటా పెరుగుతోందని ఆయన ఆందోళన వ్యక్తం చేశారు. GLOBOCAN 2018 ప్రకారం, 18,921 కొత్త కేసులు, 10,231 మరణాలు సంభవిస్తున్నట్లు పేర్కొన్నారు. ప్రస్తుతం భారత్ మరణాలలో 19వ స్థానంలో ఉంది. అలాగే కొత్త కేసులలో 17వ స్థానంలో నిలిచింది.

worldbladdercancer.org ప్రకారం ప్రతి సంవత్సరం 5,70,000 మందికిపైగా ప్రజలు మూత్రాశయ క్యాన్సర్‌తో బాధపడుతున్నారు. ప్రస్తుతం 1.7 మిలియన్ల మంది ప్రజలు ఈ వ్యాధితో జీవిస్తున్నారు. ఇది ప్రస్తుతం ఉన్న అన్ని క్యాన్సర్లలో ఎక్కువగా అటాక్ అయ్యే లిస్టులో10వ స్థానంలో, మరణాలలో 13వ స్థానంలో నిలిచింది.

“మూత్రాశయ క్యాన్సర్ రోగుల సంఖ్య పెరుగుదల ప్రధానంగా పేలవమైన జీవనశైలి కారణంగా ఉంటుంది” అని డాక్టర్ సింగ్ అన్నారు. ఎక్కువగా ధూమపానం చేయడం వల్ల ఈ వ్యాధి బారిన పడే అవకాశం ఉందని ఆయన అన్నారు. 10 సంవత్సరాలకు పైగా అధిక ధూమపానం చరిత్రను కలిగి ఉన్న వ్యక్తులు మూత్రాశయ క్యాన్సర్‌కు అత్యంత ఎక్కువగా అటాక్ అవుతారని పేర్కొన్నారు.

మూత్రాశయ క్యాన్సర్‌లో కండరాలు-ఇన్వేసివ్, నాన్-మజిల్ ఇన్వేసివ్ అని రెండు రకాలు ఉన్నాయని ఆయన వివరించారు. కండరాల ఇన్వేసివ్ బ్లాడర్ క్యాన్సర్ (MIBC) అనేది మూత్రాశయం డిట్రసర్ కండరాల్లో వ్యాపించే క్యాన్సర్. డిట్రసర్ కండరం మూత్రాశయ గోడలో లోతైన మందపాటి కండరం. ఈ క్యాన్సర్ శరీరంలోని ఇతర భాగాలకు వ్యాపించే అవకాశం ఉంది. అయినప్పటికీ, నాన్-మస్కిల్-ఇన్వాసివ్ బ్లాడర్ క్యాన్సర్ (NMIBC) అనేది మూత్రాశయం లోపలి ఉపరితలంపై ఉండే కణజాలంలో కనిపించే క్యాన్సర్.

నిపుణుల అభిప్రాయం ప్రకారం, 70 శాతం మంది రోగులు ఎన్‌ఎంఐబీసీతో, మిగిలిన 30 శాతం మంది ఎంఐబీసీతో బాధపడుతున్నారంట.

కీలకమైన హెచ్చరికలు..

ఈ వ్యాధి అత్యంత సాధారణ హెచ్చరిక సంకేతం మూత్రంలో రక్తం పడడం అని డాక్టర్ సింగ్ చెప్పారు. “60, 70 లలో ఉన్న రోగులు సాధారణంగా మూత్ర విసర్జన చేసేటప్పుడు మంటగా ఉన్నట్లు ఫిర్యాదు చేస్తారు. ఇది మూత్రాశయ క్యాన్సర్‌కు సంకేతంగా ఉంటుంది. ఎవరైనా నొప్పి లేకుండా మూత్రంలో రక్తాన్ని గమనిస్తే, హెమటూరియా అని పిలుస్తారు. ఇది చాలా సాధారణ హెచ్చరిక సంకేతం” అని ఆయన తెలిపాడు.

మూత్రవిసర్జన ఫ్రీక్వెన్సీ కూడా ఓ హెచ్చరిక సంకేతమని నిపుణుడు తెలిపారు. మూత్రవిసర్జన ప్రక్రియ ఎప్పుడూ అసౌకర్యంగా ఉండకూడదు. నొప్పిని ఎప్పుడూ విస్మరించకూడదు. ఎందుకంటే ఇది మూత్రాశయ సంక్రమణకు సంకేతం కావచ్చు.

నియో-బ్లాడర్ కూడా..

అనేక చికిత్సలు ఉన్నప్పటికీ.. తగిన చికిత్స మూత్రాశయ క్యాన్సర్ రకం, రోగి పరిస్థితిపై ఆధారపడి ఉంటుందని డాక్టర్ సింగ్ అంటున్నారు. “MIBC కోసం, రోగి క్యాన్సర్ సాధారణ దశలో ఉన్నట్లయితే, దానికి చికిత్స చేయడానికి ఎన్నో శస్త్రచికిత్సలు అందుబాటులో ఉన్నాయి. ఈ శస్త్రచికిత్సలలో మూత్రాశయాన్ని తొలగించడం, నియో-బ్లాడర్‌ను (పేగు ముక్క నుంచి తయారు చేసిన కొత్త మూత్రాశయం) చేర్చడం వంటివి ఉండవచ్చు. కానీ నియో-బ్లాడర్ కోసం, రోగి ప్రక్రియను ముందుకు తీసుకెళ్లడానికి తగినంత ఆరోగ్యంగా ఉండాలి” అని అతను తెలిపాడు. క్యాన్సర్ వివిధ దశలకు కీమోథెరపీలు అవసరమవుతాయని డాక్టర్ సింగ్ పేర్కొన్నారు.

కాగా, మూత్రాశయ క్యాన్సర్ రోగులకు చికిత్స చేసేటప్పుడు అత్యంత సాధారణ సవాలు పునరావృతం కావడం. “క్యాన్సర్ మళ్లీ వచ్చే అవకాశాలు ఎక్కువగా ఉన్నాయి. అందువల్ల, రోగి చాలా ఇంటెన్సివ్ విధానాన్ని అనుసరించాలి” అని ఆయన అన్నారు. “రోగి పురోగతిని తనిఖీ చేయడానికి ప్రతి మూడు నెలలకు ఒకసారి వైద్యులను సందర్శించాలి. ఇది కనీసం ఐదు-ఆరు సంవత్సరాల పాటు కొనసాగాలి” అని ఆయన తెలిపారు.

నియో-బ్లాడర్‌తో ఉన్న రోగి ఎదుర్కొనే మరో సవాలు ఏమిటంటే పేలవనమైన జీవనం. “కొత్త మూత్రాశయంతో, రోగి కొన్ని ఇబ్బందులు ఎదుర్కొంటారు. ఇది అసలు అంత సులభం కాదు” అని డాక్టర్ సింగ్ చెప్పారు.

ధూమపానం మూత్రాశయ క్యాన్సర్‌ను ప్రేరేపిస్తుంది..

“అధికంగా ధూమపానం, మద్యపానం మూత్రాశయ క్యాన్సర్‌కు దారితీస్తుందని మాకు తెలుసు. అయితే పొగను ఎక్కువసేపు బహిరంగంగా నిష్క్రియంగా కూడా క్యాన్సర్‌ను రేకెత్తిస్తుంది” అని డాక్టర్ సింగ్ చెప్పారు. జీవనశైలిలో మార్పులు చేసుకోవడం, యాంటీ ఆక్సిడెంట్లు, మల్టీ విటమిన్‌లను ఆహారంలో చేర్చుకోవడం వల్ల ఈ క్యాన్సర్‌ను నివారించవచ్చని తెలిపారు.

మరిన్ని ఆరోగ్య వార్తల కోసం ఇక్కడ క్లిక్ చేయండి..

Also Read: Heart Problems: ఈ లక్షణాలు కనిపిస్తే మీ శరీరంలో కొలెస్ట్రాల్‌ పెరుగుతున్నట్లే..!

Menstrual Protection: దేశంలో నేటికీ చాలామంది మహిళల్లో రుతుక్రమంపై రాని అవగాహన.. ఆరోగ్యంపై సర్వేలో షాకింగ్ విషయాలు..