పెళ్లి ఫంక్షన్‌లో డాన్స్ చేశారు.. అంతే ఆ తర్వాత ఏం జరిగిందంటే..?

దేశ వ్యాప్తంగా కరోనా కట్టడి నేపథ్యంలో లాక్‌డౌన్‌ కొనసాగుతున్న విషయం తెలసిందే. ఈ క్రమంలో కేంద్ర ప్రభుత్వం పలు ఆంక్షలను విధించింది. ముఖ్యంగా పెళ్లిళ్లు, ఇతర శుభకార్యాలపై పరిమితులను విధించింది. షరతులతో కూడిన అనుమతినే ఇచ్చింది. అయితే కొందరు మాత్రం అందుకు విరుద్ధంగా లాక్‌డౌన్‌ నిబంధనలకు తూట్లుపొడిచి కార్యక్రమాలు చేపడుతున్నారు. తాజాగా యూపీలోని అలీఘర్‌లో ఓ పెళ్లి వేడుకల్లో భాగంగా డాన్స్‌ చేశారు కొందరు. అయితే దీనికి సంబంధించిన వీడియో ఒకటి వైరల్‌ అయ్యింది. ఓ యువతి డాన్స్‌ చేస్తుండగా.. అక్కడ దాదాపు పది నుంచి పదిహేను మంది లాక్‌డౌన్‌ నిబంధనలు పాటించకుండా.. కనీసం సోషల్ డిస్టెన్స్ కూడా పాటించకుండా ఉన్నారు. అయితే దీనికి సంబంధించిన వీడియో వైరల్‌ అవ్వడంతో.. పోలీసులు దృష్టిసారించారు. ఈ ఘటనకు సంబంధించి కేసు నమోదుచేశారు.