Breaking News
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 10 గంటల సమయం. ఈరోజు శ్రీవారి హుండీ ఆదాయం రూ.2.92 కోట్లు. సాయంత్రం వరకు శ్రీవారిని దర్శించుకున్న 45,143 మంది భక్తులు.
  • హైదరాబాద్‌: గచ్చిబౌలిలో సాఫ్ట్‌వేర్‌ ఉద్యోగి సన్నీబాబు ఆత్మహత్య. ఆత్మహత్య చేసుకుంటున్నట్టు బావ సంపత్‌కు సన్నీబాబు ఈ మెయిల్‌. కేసు నమోదు చేసి దర్యాప్తు చేస్తున్న పోలీసులు.
  • ఏలూరు ప్రభుత్వాస్పత్రిలో గానాబజానా వ్యవహారంపై ప్రభుత్వం ఆగ్రహం. ఆరుగురు సిబ్బందిపై శాఖాపరమైన విచారణ చేపట్టిన వైద్యారోగ్యశాఖ. హెడ్‌ నర్సులు, నర్సింగ్‌ సూపరింటెండెంట్‌లు, ఫార్మాసిస్ట్‌లపై.. చర్యలు తీసుకుంటూ ఆదేశాలు జారీ.
  • వరంగల్‌: మేడారం సమ్మక్క-సారలమ్మ జాతర హుండీల లెక్కింపు. 436 హుండీల లెక్కింపు పూర్తి. రూ.10.29 కోట్ల ఆదాయం.
  • రామాయపట్నం పోర్టు పరిధిని నిర్ధారిస్తూ ఏపీ ప్రభుత్వం ఉత్తర్వులు. పోర్టు జియో కోఆర్డినేట్స్‌ను నోటిఫై చేసిన మౌలిక వనరులకల్పన శాఖ. పోర్టు నిర్మించిన ప్రాంతానికి 30 కి.మీ. పరిధిలో.. మరో ఓడరేవు నిర్మించేందుకు వీల్లేకుండా అంగీకారం. రామాయపట్నం పోర్టు నిర్మాణంపై.. డీపీఆర్‌ రూపకల్పనలో భాగంగా పోర్టు పరిధి నిర్ధారిస్తూ ఉత్తర్వులు. ప్రభుత్వానికి వివిధ ప్రతిపాదనలు పంపిన ఏపీ మారిటైమ్‌ బోర్డు. నాన్‌ మేజర్‌ పోర్టుగా రామాయపట్నంను అభివృద్ధి చేయనున్న ప్రభుత్వం.
  • హైదరాబాద్‌: సీసీఎస్‌ పోలీసులకు కరాటే కల్యాణి ఫిర్యాదు. సోషల్ మీడియాలో శ్రీరెడ్డి తనను అసభ్యపదజాలంతో దూషించిందని ఫిర్యాదు. శ్రీరెడ్డిపై 506, 509 ఐటీ యాక్ట్ కింద కేసు నమోదు. సోషల్‌ మీడియాలో అసభ్య కామెంట్స్ చేయడం చట్టరీత్యా నేరం. సపోర్టింగ్‌ కామెంట్స్ చేసినవారిపై కూడా చర్యలు తీసుకుంటాం -సీసీఎస్‌ సైబర్‌క్రైమ్‌ ఏసీపీ ప్రసాద్.

‘ఫలక్‌నుమా దాస్’ మూవీ రివ్యూ..!

Falaknuma Das Movie Review, ‘ఫలక్‌నుమా దాస్’ మూవీ రివ్యూ..!

వెళ్ళిపోమాకే, ఈ నగరానికి ఏమైంది సినిమాలతో నటుడిగా గుర్తింపు తెచ్చుకున్న విశ్వక్ సేన్ స్వయంగా దర్శకత్వం వహిస్తూ హీరోగా నటించిన ఫలక్‌నుమా దాస్ చిత్రం ఈ వారం ప్రేక్షకుల ముందుకు వచ్చింది. మలయాళ సూపర్ హిట్ అయిన అంగమలై డైరీస్‌ అనే సినిమాకు రీమేక్‌గా తెరకెక్కిన ఈ సినిమా టీజర్ ట్రైలర్‌ తో భారీ హైప్‌ను క్రియేట్ చేసింది. అలాగే.. ఈ సినిమా ప్రీరిలీజ్ ఈవెంట్‌లో మూవీ టీం చేసిన హంగామా అంతా ఇంతా కాదు. ఈ కార్యక్రమానికి అతిథులుగా హీరో వెంకటేష్, విజయ్ దేవరకొండలు హాజరయ్యారు. మరి ఈ చిత్రం అంతగా ప్రేక్షకులను మెప్పించిందా..? లేదా..? అనేది తెలుసుకుందాం..!

కథ:

ఫలక్‌నుమా ఏరియాలోని ‘దాస్’ అనే కుర్రాడి చుట్టూ తిరిగే కథ ఇది. దాస్ చిన్పప్పటి నుంచీ శంక‌ర‌న్న అనే లోక‌ల్ గూండా అని చూసి తాను కూడా అలా కావాలనుకుంటాడు. చిన్నగా ఉన్నప్పుడే తనకంటూ ఓ గ్యాంగ్‌ను ఏర్పాటు చేసుకుని, గొడవలు, కొట్లాటలూ చేసి అందర్నీ డామినేట్ చేయాలనుకుంటాడు. అనుకోకుండా దాస్‌కు వచ్చిన ఓ ఐడియా నిజంగానే గొడవల్లో పడేలా చేస్తుంది. మటన్ బిజినెస్ స్టార్ట్ చేసిన దాస్ ఎన్నో సవాళ్లు ఎదుర్కోవలసి వస్తుంది. ఇక దాస్ ప్రేమ గురించి అయితే చెప్పనక్కర్లేదు..! ముగ్గురు అమ్మాయిల్ని ప్రేమించినా ఏ ఒక్కటీ సెట్ కాదనే చెప్పాలి. కాగా.. సడన్‌గా దాస్ ఓ మర్డర్ కేసులో ఇరుక్కోవల్సి వస్తుంది..? మరి ఆ కేస్ ఏంటి..? ఎలా ఇరుక్కున్నాడు..? ఎలా బయటకు వచ్చాడు..? అనేదే ఈ కథ.

ఎవరెలా చేశారంటే..?

పాత్రకు వాస్తవికతకు తగ్గట్టుగా నటించాడు హీరో విశ్వక్ సేన్. తన బాడీలాంగ్వేజ్, భాషతో ఆకట్టుకునే ప్రయత్నం చేశాడు. కాకపోతే కొన్ని సెంటిమెంట్‌ సీన్స్‌లో తేలిపోయాడనే చెప్పాలి. ఇక హీరోయిన్ల విషయానికొస్తే.. గ్లామరున్నా ఆకట్టుకోలేకపోయారనే అనాలి. వాళ్ల నటన కూడా అంతంతమాత్రమనే చెప్పాలి. ఇక సైదులు పాత్రలో తరుణ్ భాస్కర్ జీవించాడు. డైరెక్టర్‌గా విశ్వక్ ఎంత న్యాయం చేయగలడో, నటుడిగా అంతే న్యాయం చేశాడు. చాలా రోజుల తరువాత ఉత్తేజ్‌ ఓ మంచి పాత్ర పోషించాడు.

ఇక డైరెక్టర్ విశ్వక్‌ సేన్‌ డైరెక్షన్‌లో అక్కడక్కడ లోపాలు కనిపించాయి. ఎన్నిపాత్రలున్నా ఎవరికీ గుర్తింపు తెచ్చే విధంగా లేదు. సాగదీసే సన్నివేశాలు, అవసరంలేని సన్నివేశాలు ఎక్కువగా ఉన్నాయి. ఎక్కువగా మాస్, బోల్డ్ డైలాగ్స్‌ చిత్రానికి చేదుగుళికల్లా అనిపిస్తాయి.

కాగా.. చివరకు పక్కా మాస్ ప్రేక్షకులకు ఈ సినిమా నచ్చవచ్చు.

Related Tags