RRR Movie: ఉగాది శుభాకాంక్షలు తెలిపిన ఆర్ఆర్ఆర్ చిత్రయూనిట్.. ఆకట్టుకుంటున్న పోస్టర్

Rrr

RRR Movie:  దర్శక ధీరుడు రాజమౌళి తెరకెక్కిస్తున్న ప్రతిష్టాత్మక చిత్రం ఆర్ఆర్ఆర్. ఇప్పుడు ఈ సినిమా షూటింగ్ శరవేగంగా జరుగుతుంది. ఈ సినిమాలో మెగా పవర్ స్టార్ రామ్ చరణ్, యాంగ్ టైగర్ ఎన్టీఆర్ కలిసి నటింస్తున్నారు. ఈ చిత్రంలో చరణ్ అల్లూరి సీతారామరాజుగా నటిస్తుండగా.. తారక్ కొమరం భీమ్ గా కనిపించనున్నాడు. ఈ సినిమాను దాదాపు రూ.450 కోట్ల భారీ బడ్జెట్‏తో డీవీవీ దానయ్య నిర్మిస్తున్నారు. ఇందులో బాలీవుడ్ బ్యూటీ అలియా భట్, ఒలీవియా మోరీస్ హీరోయిన్లుగా నటిస్తుండగా.  సముద్రఖని, అజయ్ దేవ్ గణ్ కీలక పాత్రలలో కనిపించనున్నారు.. పలువురు హాలీవుడ్ నటులు కూడా నటిస్తున్నారు. ప్రస్తుతం ఈ మూవీ షూటింగ్ చివరిదశలో ఉన్నట్టు తెలుస్తుంది.  భారీ బడ్జెట్‏తో తెరకెక్కిస్తున్న ఈ సినిమాను అక్టోబర్ 13 ప్రపంచ వ్యాప్తంగా విడుదల చేయనున్నారు.

ఆర్ఆర్ఆర్ మూవీకి సంబంధించి ప్రతి వార్తా ఒక రేంజ్లో అభిమానులను అలరిస్తూ వస్తోంది. తాజాగా ఈ సినిమా నుంచి ఉగాది పర్వదినం సందర్భంగా ఓ పోస్టర్ ను విడుదల చేశారు చిత్రయూనిట్. ఈ పోస్టర్ లో చరణ్, తారక్ ఇద్దరు కనిపిస్తున్నారు. చరణ్ ను తారక్ ను ప్రజలు ఆకాశానికి ఎత్తుతూ సంబరాలు చేసుకుంటున్నట్టు డిజన్ చేశారు. ఇప్పుడు ఈ పోస్టర్ అభిమానులను ఆకట్టుకుంటుంది.  ఈ పోస్టర్ ను ఎన్టీఆర్ తన సోషల్ మీడియా ద్వారా పోస్ట్ చేస్తూ ఉగాది శుభాకాంక్షలు తెలిపారు.

మరిన్ని ఇక్కడ చదవండి : 

Vakeel Saab Movie: ఆ ప్రచారంలో వాస్తవం లేదు.. తేల్చి చెప్పిన ‘వకీల్ సాబ్’ చిత్ర యూనిట్..

Dil Raju Corona Positive: కరోనా బారిన పడిన నిర్మాత దిల్ రాజు.. టెన్షన్ లో మెగాస్టార్ ‘అభిమానులు’