Balagam: తెలుగు మట్టి నుంచి పుట్టిన చిత్రం… ఆస్కార్ దారిలో బలగం..

Balagam Movie

బలగం సినిమా… బాక్సాఫీస్ దగ్గర ఎలాంటి సెన్సేషన్ క్రియేట్ చేసిందో స్పెషల్‌గా చెప్పాల్సిన పనిలేదు. ఓ పక్క ఓటీటీలో ఉన్నా.. కూడా.. థియేటర్లలో కిక్కిరిసి మరీ చూస్తున్న జనాల మనసులను గెలుచుకుంటూ పోతోంది. ఊర్లలో తెరలు కట్టుకుని మరీ.. కలిసి కట్టుగా చూసే సినిమాగా మారిపోయింది. పిల్లా జల్లా ముసలీ ముతకా.. ఇలా అందర్నీ ఆకట్టుకుంటోంది. వారిలో మనసు లోతుల్లోని భావోద్వేగాలను తట్టి లేపుతుంది. మనుషుల మనస్తత్వాలను నిక్కచ్చిగా మరో సారి మనకి తెలియజేసింది ఈ సినిమా. ఇక దాంతో పాటే.. ఇప్పుడు గ్లోబల్‌ రేంజ్లో కూడా బజ్ చేస్తోంది. ఇప్పటికే పలు అంతర్జాతీయ అవార్డులు గెలుచుకున్న బలగం.. తాజాగా ఆస్కార్ దారిలో పయనిస్తోంది.

కమెడియన్ జబర్దస్త్‌ వేణు డైరెక్షన్లో దిల్ రాజు ప్రొడక్షన్లో తెరకెక్కిన ఫిల్మ్ బలగం.! ఎలాంటి అంచనాలు లేకుండా చాలా చిన్న సినిమాగా రిలీజ్‌ అయిన ఈసినిమా ఇప్పుడు అందర్నీ విపరీతంగా ఆకట్టుకుంటోంది. బిగ్ హిట్ గా మారింది. అంతేకాదు.. ఇటీవల లాస్ ఏంజిల్స్ సినిమాటోగ్రఫీ అవార్డుల్లో బెస్ట్ పీచర్ ఫిల్మ్‌.. అండ్ బెస్ట్ ఫీచర్ ఫిల్మ్ సినిమాటోగ్రఫీగా కేటగిరీల్లో అవార్డు అందుకుంది. ఇక ఆ తరువాత వాషింగ్‌ టన్ డీసీ ఇంటర్నేషనల్ ఫిల్మ్ ఫెస్టివల్లో ఏకంగా 4 కేటగిరీల్లో అవార్డు అందుకుంది. ఇలా ఈ సినిమా గ్లోబల్‌ రేంజ్ లో బజ్ చేయడం మొదలెట్టి.. ఇప్పుడు మరిన్ని అవార్డ్స్‌ అందుకునేలా కనిపిస్తోంది. ట్రిపుల్ ఆర్ దారిలోనే నడుస్తుంది.

ఇక ఈ క్రమంలోనే ఈ సినిమాను ఆస్కార్ బరిలో దించేందుకు ట్రై చేస్తున్నామని.. అందుకోసం బడ్జెట్‌ను కూడా కేటాయించేందుకు రెడీగా ఉన్నామని ఈ మూవీ ప్రొడ్యూసర్ దిల్ రాజు చెప్పడం అంతటా హాట్ టాపిక్‌గా మారింది. ట్రిపుల్ ఆర్ తరువాత తెలుగు నుంచి ఆస్కార్ బరిలో నిలిచే మూవీగా బలగం మారనుందనే భరోసా తెలుగు టూ స్టేట్స్‌తో పాటు.. తెలుగు ఫిల్మ్ ఇండస్ట్రీకి ఇస్తోంది. అలా మొత్తానికి ఆస్కార్‌ చేజిక్కించుకునేందుకు బలగం తన పయనాన్ని మొదలు పెట్టనుంది. స్వచ్చమైన తెలుగు మట్టి నుంచి పుట్టిన సినిమా కావడమే బలగానికి అసలైన బలం.

మరిన్ని సినిమా వార్తల కోసం ఇక్కడ క్లిక్ చేయండి.