Vishnu Priya: ఎక్స్ బాయ్ఫ్రెండ్స్ అంతా ఇప్పటికీ నాకు స్నేహితులే..
యాంకర్ విష్ణుప్రియ తన మాజీ ప్రియులతో ఉన్న సంబంధాలపై ఆసక్తికర వ్యాఖ్యలు చేశారు. బ్రేకప్ తర్వాత కూడా వారితో స్నేహాన్ని కొనసాగిస్తున్నానని, వారిని తన బెస్ట్ ఫ్రెండ్స్గా భావిస్తానని ఆమె తెలిపారు. ఒకరిని ప్రేమించడానికి బలమైన కారణాలు ఉంటాయని, ప్రేమను ద్వేషంగా మార్చుకోలేమని విష్ణుప్రియ పేర్కొన్నారు.
యాంకర్ విష్ణుప్రియ తన వ్యక్తిగత జీవితం, ముఖ్యంగా మాజీ ప్రియులతో తన సంబంధాల గురించి ఆసక్తికర వ్యాఖ్యలు చేశారు. బ్రేకప్ల తర్వాత కూడా తన మాజీ ప్రియులందరూ తనకు అత్యంత సన్నిహితులు, ఉత్తమ స్నేహితులు అని ఆమె స్పష్టం చేశారు. ఎవరినైనా ఒక కారణం వల్లే ప్రేమిస్తామని, ఆ ప్రేమ ఎప్పటికీ తన మనసులో ఉంటుందని విష్ణుప్రియ అన్నారు. బ్రేకప్ జరిగిన తర్వాత కూడా తాను వారితో మాట్లాడకుండా ఉండటం ఎప్పుడూ జరగలేదని ఆమె పేర్కొన్నారు. తాను వారిని జీవితాంతం ప్రేమిస్తానని, ఎందుకంటే వారు తన కుటుంబ సభ్యుల వంటివారని విష్ణుప్రియ వివరించారు. ఒక వ్యక్తి గురించి అన్నీ తెలిసినప్పుడు, వారిని ప్రేమించినప్పుడు అనేక కారణాలు ఉంటాయని ఆమె తెలిపారు. కేవలం కొన్ని విషయాల్లో కలిసి ఉండలేకపోయామనే కారణంతో ఒక వ్యక్తిని ద్వేషించలేమని విష్ణుప్రియ బలంగా నమ్ముతున్నారు. అయితే, తాను ఫేమస్ అయిన తర్వాత మాజీ ప్రియులెవరూ తిరిగి రావడానికి ప్రయత్నించలేదని కూడా ఆమె వెల్లడించారు.
ఇటీవల వార్తల్లో విష్ణుప్రియ
యాంకర్ విష్ణుప్రియ కాంట్రవర్సీలకు కేరాఫ్గా మారుతోంది. గతంలో బెట్టింగ్ యాప్ల ప్రమోషన్ల కేసులో హైదరాబాద్ పంజాగుట్ట పోలీస్ స్టేషన్ నందు విచారణ ఎదుర్కొన్న విష్ణుప్రియ.. ఇప్పుడు మరోసారి సోషల్ మీడియా వీడియోలతో చర్చనీయాంశం అవుతోంది. ఇన్స్టాగ్రామ్లో పెట్టిన ఓ పోస్టు, వీడియోల వ్యవహారం రచ్చకు దారి తీస్తోంది. వీడియోలు చూడాలంటే నగదు చెల్లించి సబ్స్క్రైబ్ చేసుకోవాలంటూ విష్ణుప్రియ ఇన్స్టాలో ప్రచారం చేయడంపై AISF ఏపీ నేతలు మండిపడుతున్నారు. సబ్స్క్రైబ్ పేరు చెప్పి.. అసభ్య వీడియోలతో యువతను తప్పుదారి పట్టిస్తోందంటూ విజయవాడ సైబర్ క్రైమ్ పోలీసులకు ఫిర్యాదు చేశారు. ఇన్స్టాగ్రామ్లో అర్ధనగ్న వీడియోలకు సబ్స్క్రైబ్ ప్రచారం చేస్తున్న విష్ణుప్రియపై చర్యలు తీసుకోవాలని విజ్ఞప్తి చేశారు. ఆమె ఇన్స్టాగ్రామ్ అకౌంట్ను బ్లాక్ చేసి, క్రిమినల్ కేసులు నమోదు చేయాలని డిమాండ్ చేశారు.
యాంకర్ విష్ణుప్రియ తీరుపై AISF ఏపీ రాష్ట్ర ఉపాధ్యక్షుడు సాయికుమార్ ఫైర్ అయ్యారు. ఇతరులకు ఆదర్శంగా ఉండాల్సినవారు కాసులకు కక్కుర్తి పడి.. అర్ధనగ్న వీడియోలు పోస్టు చేస్తున్నారని విమర్శించారు. ఇష్టారీతి ప్రకటనలతో విష్ణుప్రియ సమాజానికి ఏం సందేశం ఇస్తోందని సాయికుమార్ ప్రశ్నించారు.
ఇక.. విష్ణుప్రియ.. గతంలోనూ బెట్టింగ్ యాప్ల ప్రమోషన్ కేసులో చిక్కుకుంది. బెట్టింగ్ యాప్లకు ప్రచారం చేస్తున్న 11మంది సెలబ్రిటీలు, సోషల్మీడియా ఇన్ఫ్లుయెన్సర్లపై హైదరాబాద్ పంజాగుట్ట పోలీస్స్టేషన్లో కేసులు నమోదు కాగా.. వీరిలో విష్ణుప్రియ కూడా ఉంది. దీంతో.. గతేడాది మార్చిలో విచారణ ఎదుర్కోవాల్సి వచ్చింది. ఏకంగా 15 బెట్టింగ్ యాప్లకు ప్రమోషన్ చేసినట్లు ఒప్పుకోవడంతో పంజాగుట్ట పోలీసులు ఆమె స్టేట్మెంట్ రికార్డ్ చేసి.. ఫోన్ను సీజ్ చేశారు. తాజాగా.. డబ్బులు చెల్లించి వీడియోలు వీక్షించాలని ఇన్స్టాగ్రామ్లో అసభ్యకర వీడియోలు పోస్టు చేస్తున్నారంటూ విద్యార్థి సంఘాలు పోలీసులకు ఫిర్యాదు చేయడం ఆసక్తిగా మారుతోంది.
పోవే పోరా.. అనే షో ద్వారా యాంకర్గా ఇండస్ట్రీలోకి అడుగుపెట్టిన విష్ణుప్రియ.. ఆ తర్వాత కొన్ని సినిమాల్లో నటించింది. ఆ తర్వాత బిగ్ బాస్తో ఫేమస్ అయింది. బిగ్బాస్ సీజన్-8లో పాల్గొనగా ఇప్పుడు వరసగా వివాదాల్లో చిక్కుకోవడంపై విమర్శలు వ్యక్తమవుతున్నాయి.