Vijay Devarakonda: బాలీవుడ్‌లో హవా కొనసాగిస్తోన్న ‘రౌడీ బాయ్’… విజయ్‌తో జతకట్టనున్న మరో బాలీవుడ్‌ బ్యూటీ..?
Vijay Devarakonda : ఏ క్షణాన విజయ్‌ దేవరకొండ 'అర్జున్‌ రెడ్డి' సినిమాలో నటించాడో కానీ ఆయన క్రేజ్‌ ఒక్కసారిగా పెరిగిపోయింది. ఈ సినిమాలో తనదైన నటనతో ఆకట్టుకున్న విజయ్‌ ఒక్కసారిగా నేషనల్‌ హీరోగా మారాడు. పెళ్లి చూపులతో..
Vijay Devarakonda : ఏ క్షణాన విజయ్‌ దేవరకొండ ‘అర్జున్‌ రెడ్డి’ సినిమాలో నటించాడో కానీ ఆయన క్రేజ్‌ ఒక్కసారిగా పెరిగిపోయింది. ఈ సినిమాలో తనదైన నటనతో ఆకట్టుకున్న విజయ్‌ ఒక్కసారిగా నేషనల్‌ హీరోగా మారాడు. పెళ్లి చూపులతో ఫ్యామిలీ ఆడియన్స్‌ను ఆకర్షించిన విజయ్‌.. అర్జున్‌ రెడ్డితో యూత్‌లో ఫుల్‌ ఫాలోయింగ్‌ సంపాదించుకున్నాడు. దీంతో విజయ్‌ పేరు బాలీవుడ్‌లోనూ మారుమోగింది.
ఈ క్రేజ్‌ను క్యాష్‌ చేసుకునే క్రమంలోనే దర్శకుడు పూరీ జగన్నాథ్‌ ఈ ‘రౌడీ’ హీరోతో ‘లైగర్‌’ అనే పాన్‌ ఇండియా మూవీని ప్లాన్‌ చేస్తున్నాడు. కేవలం పేరుకు హిందీలో విడుదల చేస్తున్నామన్నట్లు కాకుండా సినిమా పూర్తి చిత్రీకరణ ముంబయిలో జరిగేలా దర్శకుడు చూసుకుంటున్నాడు. ప్రస్తుతం ‘లైగర్‌’ టీమ్‌ దేశ ఆర్థిక రాజధానిలోనే మకాం వేసింది. ఇక ఈ సినిమాలో విజయ్‌ సరసన అనన్యపాండే నటిస్తోన్న విషయం తెలిసిందే. అయితే తాజా సమాచారం ప్రకారం విజయ్‌ తన తర్వాతి చిత్రంలో మరో బాలీవుడ్‌ భామతో జతకట్టనున్నట్లు వార్తలు వస్తున్నాయి. ఇంతకీ ఆ బ్యూటీ ఎవరనేగా మీ సందేహం. విజయ్‌తో రోమాన్స్‌ చేయనున్న ఆ బ్యూటీ.. పటౌడీ ప్రిన్సెస్‌ సారా అలీఖాన్‌ అని సమాచారం. టాలీవుడ్‌కు చెందిన ఓ ప్రముఖ నిర్మాణ సంస్థ తెరకెక్కించనున్న పాన్‌ ఇండియా చిత్రంలో విజయ్‌ సరసన సారాను తీసుకోవాలని చూస్తున్నారట. ఇందుకు సారా కూడా ఓకే చెప్పిందని సమాచారం. ఇదిలా ఉంటే సారా ఇప్పటికే విజయ్‌కి మంచి ఫ్రెండ్‌గా మారింది. మనీశ్‌ మల్హోత్ర ఏర్పాటు ఏర్పాటు చేసిన ఓ పార్టీలో విజయ్‌తో పాటు సారా కూడా అటెండ్‌ కావడం అప్పట్లో బాగా వైరల్‌ అయిన విషయం తెలిసిందే. మరి బాలీవుడ్‌ భామలతో ఆడిపాడుతోన్న విజయ్‌.. హిందీ చిత్ర సీమలో ఏమేర రాణిస్తాడో తెలియాలంటే ‘లైగర్‌’ సినిమా విడుదల వరకు వేచి చూడాల్సిందే.
Saraalikhan
Also Read: Indian Idol: ఇప్పటివరకు ఇండియన్ ఐడల్ ప్రోగ్రామ్లో సంచలనం సృష్టించిన తెలుగు సింగర్స్ వీళ్ళే..