Venkatesh’s Drushyam 2 : దసరా కానుకగా ప్రేక్షకుల ముందుకు వెంకటేష్ సినిమా..?

Venkatesh’s Drushyam 2: విక్టరీ వెంకటేష్ కుర్ర హీరోలకు పోటీగా సినిమాలు చేస్తూ దూసుకుపోతున్న విషయంతెలిసిందే. ప్రస్తుతం ఈ సీనియర్ హీరో వరుస సినిమాలతో ఫుల్ బిజీగా ఉన్నాడు. ఇక ఇప్పటికే తమిళ్ రీమేక్ నారప్ప సినిమాను ప్రేక్షకుల ముందుకు తీసుకువచ్చాడు వెంకీ. ఓటీటీ వేదికగా విడుదలైన ఈ సినిమా మంచి టాక్‌ను సొంతం చేసుకుంది. ఈ సినిమాలో వెంకీ నటనకు ప్రేక్షకులు ఫిదా అయ్యారనే చెప్పాలి. ఇక ఇప్పుడు ఎఫ్ 2 సీక్వెల్‌గా వస్తున్న ఎఫ్ 3లో నటిస్తున్నాడు వెంకటేష్. ఈ సినిమాకు సక్సెస్ ఫుల్ డైరెక్టర్ అనీల్ రావిపూడి దర్శకత్వం వహిస్తున్నాడు. ఈ సినిమా ప్రస్తుతం షూటింగ్ దశలో ఉంది. ఈ సినిమా షూటింగ్‌ను చకచకా పూర్తిచేస్తున్నాడు అనిల్. ఈ సినిమాతోపాటు దృశ్యం 2  సినిమా చేస్తున్నాడు వెంకటేష్. గతంలో వచ్చిన దృశ్యం సినిమాకు ఇది సీక్వెల్. మలయాళంలో సూపర్ హిట్ అయిన ఈ సినిమాను ఇప్పుడు తెలుగులో రీమేక్ చేస్తున్నాడు వెంకటేష్.

దృశ్యం 2 కు సురేశ్ బాబు ఒక నిర్మాతగా వ్యవహరిస్తున్నారు. ఈ సినిమాను మలయాళంలో కేవలం 45 రోజుల్లోనే తీసాడు దర్శకుడు జీతూ జోసెఫ్. థియేటర్స్ జోలికి వెళ్లకుండా ఫిబ్రవరి 19న అమెజాన్ ప్రైమ్ వీడియోలో నేరుగా విడుదల చేసారు. అయితే తెలుగులో రీమేక్ అవుతున్న దృశ్యం 2 కూడా ఓటీటీ వేదికగానే విడుదలవుతుందని గత కొన్ని రోజులుగా వార్తలు చక్కర్లు కొడుతున్నాయి. వెంకీ దృశ్యం 2 డిజిటల్ స్ట్రీమింగ్ హక్కులను డిస్నీ+హాట్స్టార్ కొనుగోలు చేసింది. సురేష్ బాబు- ఆంటోనీ పెరుంబవూర్- రాజ్ కుమార్ సేతుపతి సంయుక్తంగా ఈ చిత్రాన్ని నిర్మించారు. ఈ సినిమాను దసరా పండుగ కానుకగా అక్టోబర్ 13 న ప్రేక్షకుల ముందుకు రావచ్చని గుసగుసలు వినిపిస్తున్నాయి.  మరి దసరా కానుకగా ఈ సినిమాను విడుదల చేస్తారేమో చూడాలి.

మరిన్ని ఇక్కడ చదవండి : 

Sai Dharam Tej Accident: తన వ్యాఖ్యలను తప్పుగా అర్థం చేసుకున్న వాళ్లకు క్లారిటీ ఇచ్చిన నరేష్.. ఏమన్నారంటే

Sai Dharam Tej Accident: సాయిధరమ్ తేజ్ హెల్త్ బులిటిన్ విడుదల.. టెన్షన్ లేదన్న వైద్యులు..

Sai Dharam Tej Accident: సాయిధరమ్ తేజ్‌పై రాయదుర్గం పీఎస్‌లో కేసు నమోదు.. అతివేగం, ర్యాష్ డ్రైవింగే కారణం..