Pushpa 2: అల్లు అర్జున్‏ను ఢీకొట్టనున్న మక్కల్ సెల్వన్.. పుష్ప 2లో విజయ్ సేతుపతి ?.. ఇక థియేటర్లు దద్దరిల్లాల్సిందే..

Pushpa 2

డైరెక్టర్ సుకుమార్.. ఐకాన్ స్టార్ అల్లు అర్జున్ (Allu Arjun) కాంబోలో వచ్చిన పుష్ప (Pushpa) బాక్సాఫీస్ వద్ద సంచలనం సృష్టించిన సంగతి తెలిసిందే. ఎర్రచందనం స్మగ్లింగ్ నేపథ్యంలో వచ్చిన ఈ మూవీ పాన్ ఇండియా లెవల్లో బ్లాక్ బస్టర్ హిట్ అయ్యింది.. ప్రేక్షకులే కాదు.. సినీ ప్రముఖులు … బాలీవుడ్ స్టార్ డైరెక్టర్స్ సైతం పుష్ప సినిమాపై .. అల్లు అర్జున్ నటనపై ప్రశంసలు కురిపించారు. ప్రస్తుతం డైరెక్టర్ సుకుమార్ ఈ మూవీ సిక్వెల్ పనులలో బిజీగా ఉన్నారు.. త్వరలోనే ఈ మూవీ సెట్స్ పైకీ వెళ్లనున్నట్లు సమాచారం.. తాజాగా ఈ మూవీ గురించి ఓ ఇంట్రెస్టింగ్ అప్డేట్ నెట్టింట వైరల్ అవుతుంది..

తాజా సమాచారం ప్రకారం ఈ సినిమాలో ఓ కీలకపాత్రలో తమిళ్ స్టార్ విజయ్ సేతుపతి నటించనున్నాడట.. నిజానికి పుష్ప పార్ట్ 1లోనే విజయ్ పవర్ ఫుల్ పోలీస్ ఆఫీసర్ పాత్ర చేయాల్సి ఉందట.. కానీ డేట్స్ కుదరకపోవడంతో ఆ పాత్రను ఫాజిల్ చేశాడు.. ఇక ఇప్పుడు పుష్ప 2లో మరో కీలకపాత్రలో ఈ స్టార్ కనిపించనున్నాడని ఇండస్ట్రీ వర్గాల్లో టాక్ వినిపిస్తోంది.. ఉప్పెనలో రాయనం పాత్రలో నటించి తెలుగు ప్రేక్షకులకు చేరువయ్యాడు విజయ్.. ఇందులో ప్రతినాయకుడి పాత్రలో అదరగొట్టాడు మక్కల్ సెల్వన్.. ఇక ఇప్పుడు స్టైలీష్ స్టార్ ‏తో విజయ్ సేతుపతి ఢీకొట్టబోతుండడంతో పుష్ప 2 పై అంచనాలు మరింత పెంచుతున్నాయి.. ఇందులో శ్రీవల్లి పాత్రలో రష్మిక మందన్న నటించగా.. అనసూయ, సునీల్ కీలకపాత్రలలో నటించారు..

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.