Sreekaram Movie : ‘కనివిని ఎరుగని కదలిక మొదలయింది’.. ఆకట్టుకుంటున్న శ్రీకారం టైటిల్ సాంగ్
టాలీవుడ్ యంగ్ హీరో శర్వానంద్ మంచి స్వింగ్ లో ఉన్నాడు. వరుస సినిమాలను పట్టాలెక్కిస్తూ ఫుల్ బిజీగా గడిపేస్తున్నాడు. ఈ యంగ్ హీరో విభిన్న మైన కథలను ఎంచుకుంటూ తనకంటూ ఓ ప్రత్యేక గుర్తింపును తెచ్చుకున్నాడు.
Sreekaram Movie song : టాలీవుడ్ యంగ్ హీరో శర్వానంద్ మంచి స్వింగ్ లో ఉన్నాడు. వరుస సినిమాలను పట్టాలెక్కిస్తూ ఫుల్ బిజీగా గడిపేస్తున్నాడు. ఈ యంగ్ హీరో విభిన్న మైన కథలను ఎంచుకుంటూ తనకంటూ ఓ ప్రత్యేక గుర్తింపును తెచ్చుకున్నాడు. హిట్లు ఫ్లాపులతో సంబంధం లేకుండా సినిమాలు చేస్తూ దూసుకుపోతున్నాడు. ఈ క్రమంలోనే శ్రీకారం అనే సినిమా చేస్తున్నాడు.బి కిషోర్ అనే కొత్త దర్శకుడు డైరెక్ట్ చేస్తోన్న ఈ సినిమాలో శర్వానంద్ బాగా చదువుకున్న ఓ రైతు పాత్రలో నటిస్తున్నాడు. శర్వా సరసన ప్రియాంక మోహన్ హీరోయిన్ గా నటిస్తుంది.
మిక్కీ జే మేయర్ మ్యూజిక్ కంపోజ్ చేసిన ఈ సినిమా నుండి ఇప్పటికే భలేగుంది బాలా… అనే పాట యూట్యూబ్ ను షేక్ చేసింది. మిలియన్ కొద్దీ వ్యూస్ లక్షల కొద్దీ లైక్స్ తో ఈ పాట మంచి క్రేజ్ ను తెచ్చుకోవడమే కాకుండా సినిమా పైన కూడా మంచి బజ్ ను క్రియేట్ చేసింది. ఆతర్వాత విడుదలైన పాటలు కూడా శ్రోతలను అలరించాయి. ఈ క్రమంలో శ్రీకారం సినిమానుంచి టైటిల్ సాంగ్ ను రిలీజ్ చేశారు చిత్రయూనిట్.
‘కనివిని ఎరుగని కదలిక మొదలయింది.. అడుగులో అడుగుగా..’ అంటూ సాగిన ఈ గీతానికి మిక్కీ తనదైన శైలిలో ట్యూన్ అందించారు. గేయ రచయిత రామజోగయ్య శాస్త్రి వ్యవసాయం యొక్క ప్రాధాన్యతను వివరిస్తూ అద్భుతంగా రాసారు. ఈ పాటను యువ గాయకుడు పృథ్వీ చంద్ర వినసొంపుగా ఆలపించారు. వాస్తవ సంఘటనల ఆధారంగా తెరకెక్కుతున్న ‘శ్రీకారం’ చిత్రాన్ని 14 రీల్స్ ప్లస్ పతాకంపై రామ్ ఆచంట – గోపీ ఆచంట ఈ చిత్రాన్ని నిర్మిస్తున్నారు. శివరాత్రి కానుకగా మార్చి 11న ఈ సినిమా ప్రేక్షకుల ముందుకు రానుంది. మరి ఈ సినిమాతో శర్వా ఎలాంటి హిట్ అందుకుంటాడో చూడాలి.
మరిన్ని ఇక్కడ చదవండి :