Shannu-Deepthi: షణ్ముఖ్-దీప్తిల బ్రేకప్ అనంతరం సిరి ఎమోషనల్ పోస్ట్.. నెట్టింట వైరల్.!
యూట్యూబర్స్ షణ్ముఖ్ జస్వంత్, దీప్తి సునయనల ప్రేమ బంధం ముగిసిన సంగతి తెలిసిందే. న్యూఇయర్‌కు ఒక్క రోజు ముందు దీప్తి..
యూట్యూబర్స్ షణ్ముఖ్ జస్వంత్, దీప్తి సునయనల ప్రేమ బంధం ముగిసిన సంగతి తెలిసిందే. న్యూఇయర్‌కు ఒక్క రోజు ముందు దీప్తి.. ఇన్‌స్టా వేదికగా ఎమోషనల్ పోస్ట్ ద్వారా ఈ విషయాన్ని అధికారికంగా ప్రకటించింది. ఎంతో అలోచించి ఈ నిర్ణయం తీసుకున్నట్లుగా పేర్కొంది. బిగ్ బాస్ షో ఫినాలే వరకు షణ్ముఖ్‌కు మద్దతుగా నిలిచిన దీప్తి.. ఆ షో ముగిసిన వెంటనే ఇలాంటి నిర్ణయం తీసుకుంటుందని వారి ఫ్యాన్స్‌, ఫాలోవర్స్ అస్సలు ఊహించలేదు. ఇదిలా ఉంటే.. షణ్ముఖ్, దీప్తిలు విడిపోవడానికి సిరి హన్మంత్‌నే కారణమంటూ కొంతమంది ఫ్యాన్స్‌ తీవ్ర అసహనం వ్యక్తం చేస్తున్నారు. సోషల్ మీడియా వేదికగా సిరిని టార్గెట్ చేసి ట్రోల్స్‌కు దిగారు. వీటన్నింటి మధ్య తాజాగా సిరి ఇన్‌స్టాగ్రామ్ వేదికగా తొలిసారిగా స్పందించింది.
‘ఎవరైనా మీ దగ్గరకు వచ్చి మీ జీవితం చాలా కఠినంగా ఉందని చెబితే.. దాని కంటే నేను చాలా టఫ్ అంటూ చిరునవ్వు నవ్వండి’ అని ప్రముఖ మోటివేషనల్ స్పీకర్ చెప్పిన మునిబా మజారి చెప్పిన కోట్స్‌ తన ఇన్‌స్టా‌లో పోస్ట్ చేసి.. కాసేపటికే డిలీట్ చేసింది. అయితే అంతకుముందే ఈ పోస్ట్ చూసిన నెటిజన్లు షణ్నూను స్ట్రాంగ్‌గా ఉండమని సిరి ఇన్‌డైరెక్ట్‌గా సలహా ఇచ్చిందని తమ అభిప్రాయాలను వ్యక్తం చేస్తున్నారు. కాగా, షణ్ముఖ్, దీప్తిల బ్రేకప్‌కు తాను కారణం కాదంటూ సిరి సన్నిహితుల దగ్గర ఎమోషనల్ అయినట్లు సమాచారం.
