సీరియల్స్ నుంచి బిగ్ బాస్ స్టేజ్ పైకి.. హౌస్లోకి ఎంట్రీఇచ్చిన చైత్ర రాయ్ గురించి ఈ విషయాలు తెలుసా
బిగ్ బాస్ సీజన్ 10 మొదలైపోయింది. సీజన్ 10 ప్రారంభం అయ్యింది. ఈ సీజన్ మరింత ఆసక్తికరంగా ఉండనుంది. బుల్లితెర ప్రేక్షకులు ఎంతగానో ఎదురుచూస్తోన్న బిగ్ బాస్ కొత్త సీజన్ కోసం ఆడియన్స్ ఎంతగానో ఎదురుచూస్తున్నారు. తెలుగులో విజయవంతంగా తొమ్మిది సీజన్లు పూర్తి చేసుకున్న ఈ రియాలిటీ షో ఇప్పుడు పదో సీజన్ కోసం అట్టహాసంగా ముస్తాబైంది
కన్నడ నాటకు చెందిన చైత్ర రాయ్ తెలుగు ఆడియెన్స్ కు కూడా బాగా పరిచయమే. ముఖ్యంగా సీరియల్స్ చూసే ప్రేక్షకుల్లో చాలా మందికి ఈ నటి ఫేవరెట్ అని చెప్పుకోవచ్చు. అష్టాచమ్మా సీరియల్తో తెలుగు నాట మంచి గుర్తింపు తెచ్చుకుంది చైత్ర రాయ్. అందులో ఆమె అభినయం అందరినీ కట్టి పడేసింది. అత్తో అత్తమ్మ కూతురో, దట్ ఈజ్ మహాలక్ష్మి, ఒకరికి ఒకరు, మనసున మనసై, అత్తారింట్లో అక్కాచెల్లెళ్లు వంటి పలు సూపర్ హిట్ సీరియల్స్లోనూ నటించింది చైత్ర.
సీరియల్స్ తో పాటు అప్పుడప్పుడూ సినిమాల్లో కనిపించే చైత్ర ఆ మధ్యన ఎన్టీఆర్ బ్లాక్ బస్టర్ మూవీ దేవరలో ఓ కీలక పాత్రలో నటించింది. దేవరలో విలన్ సైఫ్ అలీ ఖాన్ భార్యగా కనిపించిన చైత్ర తాజాగా బిగ్ బాస్ హౌస్ లోకి ఎంట్రీ ఇచ్చింది. కూర్గ్ లో జన్మించిన ఈ చిన్నది. అనుకోకుండా సినిమాల్లోకి వచ్చింది. ఆతర్వాత సినిమాలతో పాటు సీరియల్స్ లోనూ నటించింది. ఇటీవలే ఈ అమ్మడు పండంటి బాబుకు జన్మనిచ్చింది. అయితే సోషల్ మీడియాలో ఓ నెటిజన్ చేసిన కామెంట్ ఎంతగానో బాధపెట్టిందని. దాంతో మూడు నెలల్లోనే బరువు తగ్గి చూపించా అని తెలిపింది చైత్ర
అలాగే 10నెలల బాబును విడిచి ఆమె బిగ్ బాస్ హౌస్ లోకి వచ్చింది. తాను ఎమోషనల్ అని తొందరగా అందరికి కనెక్ట్ అవుతా అని చెప్పింది. కన్నడ పరిశ్రమలో అనేక సీరియల్స్ ద్వారా నటిగా గుర్తింపు తెచ్చుకుంది చైత్ర. ఇప్పుడు సినిమాలు, సీరియల్స్ లో అలరిస్తుంది. తాజాగా బిగ్ బాస్ హౌస్ లోకి అడుగుపెట్టింది. మరి ఈ అమ్మడు హౌస్ లో ఎలా ఆకట్టుకుంటుందో చూడాలి.
మరిన్ని సినిమా వార్తల కోసం ఇక్కడ క్లిక్ చేయండి.