Skylab Movie: ప్రపంచం నాశనం అవుతుందన్నారు.. కానీ వారి జీవితాల్లో ఏం జరిగింది.. ఆసక్తికరంగా ‘స్కైలాబ్’ ఫస్ట్‏లుక్ పోస్టర్..

Sky Lab

Skylab First Look Poster: టాలెంటెడ్ హీరో సత్యదేవ్, నిత్యామీనన్, రాహుల్ రామకృష్ణ ప్రధాన పాత్రల్లో నటిస్తున్న చిత్రం “స్కైలాబ్”. డాక్టర్ రవి కిరణ్ సమర్పణలో బైట్ ఫ్యూచర్స్, నిత్యామీనన్ కంపెనీ బ్యానర్లపై పృథ్వీ పిన్నమరాజు నిర్మిస్తుండగా.. విశ్వక్ కందెరావ్ దర్శకత్వం వహిస్తున్నారు. తాజాగా ఈ మూవీ టైటిల్, ఫస్ట్ లుక్ పోస్టర్‏ను హీరోయిన్ మిల్కిబ్యూటీ తమన్నా విడుదల చేశారు. 1997లో సాగే పీరియాడికల్ స్టోరీ నేపథ్యంలో తెరకెక్కుతున్న సినిమా ఇది. అమెరికా స్పేస్ స్టేషన్ నాసా ప్రయోగించిన స్పేస్ స్టేషన్ స్కైలాబ్ భూమిపై పడుతుందని.. మొత్తం ప్రపంచం నాశనమైపోతుందని అపట్లో వార్తలు వచ్చాయి.

దీంతో ఆ సమయంలో ఏం జరగబోతుందోనని అందరూ తెగ ఎదురుచూశారు. ఇక అదే సమయంలో కరీంనగర్ జిల్లా బండ లింగపల్లిలో ఉండే గౌరి, ఆనంద్, రామారావుల జీవితాల్లో స్కైలాబ్ వల్ల ఎలాంటి పరిణామాలు చోటు చేసుకున్నాయనే విషయాలను వినోదాత్మకంగా చూపించబోతున్నట్లుగా చిత్రయూనిట్ తెలిపింది. ఈ సినిమాకు ప్రశాంత్ ఆర్.విహారి సంగీతం అందిస్తున్నారు. విభిన్నమైన కథతో రాబోతున్న ఈ మూవీ ఫస్ట్ లుక్ పోస్టర్ ప్రేక్షకులను ఆకట్టుకుంటుంది. ప్రస్తుతం సత్యదేవ్.. తిమ్మరుసు, గాడ్సే, గుర్తుందా శీతాకాలం సినిమాల్లో నటిస్తున్నాడు. స్టార్ హీరోలకు పోటీగా సినిమాలతో బిజీగా ఉన్న సత్యదేవ్ మరి ఈ చిత్రాలను వెండితెరపై విడుదల చేయనున్నాడా లేదా తనకి ఇప్పటికే మంచి హిట్లు ఇచ్చిన ఓటీటీలో విడుదల చేసి ప్రేక్షకుల ముందుకు వస్తాడో చూడాలి. 

ట్వీట్..

Also Read: Ariyana Glory: నువ్వు ప్రేమలో ఉన్నావా ? ఆసక్తికర సమాధానమిచ్చిన అరియానా.. ఇప్పుడే ఎక్కువ ఇష్టమంటూ..

Narappa: అఫీషియల్ అనౌన్స్ వచ్చేసింది.. అమెజాన్ ప్రైమ్‏లోనే వెంకటేష్ “నారప్ప”… విడుదల ఎప్పుడంటే..

Ram Gopal Varma: వర్మ-నాగార్జున సినిమాపై సిరా శ్రీ కామెంట్.. రచయిత మాటల గారడీకి దండం పెట్టిన ఆర్జీవి..