Samantha: బాలీవుడ్ పై కన్నేసిన సామ్.. అక్కడికి యువరాణిలా ఎంట్రీ ఇవ్వబోతున్న సమంత..
హీరోయిన్ తాప్సీ నిర్మాణంలో సామ్ బాలీవుడ్ ఎంట్రీ ఇవ్వబోతుంది. తాజాగా మరో కొత్త ప్రాజెక్ట్ ఓకే చేసిందట సామ్. అంతేకాదు. ఇందులో ఆమె పాత్రకు సంబంధించి ఇంట్రెస్టింగ్ అప్డేట్ ఒకటి నెట్టింట వైరల్ అవుతుంది.
ప్రస్తుతం సౌత్ ఇండస్ట్రీలో వరుస సినిమాలతో దూసుకుపోతుంది సమంత (Samantha). ఇటీవలే ఊ అంటావా స్పెషల్ సాంగ్తో సోషల్ మీడియాను షేక్ చేసిన సామ్.. ఇప్పుడు యశోదగా ప్రేక్షకుల ముందుకు రాబోతుంది. ఇప్పటికే విడుదలైన పోస్టర్స్, టీజర్ సినిమాపై ఆసక్తిని కలిగించాయి. అలాగే మరోవైపు శాకుంతలం మూవీ విడుదలకు సిద్ధంగా ఉంది. డైరెక్టర్ శివ నిర్వాణ దర్శకత్వంలో రౌడీ హీరో విజయ్ దేవరకొండ నటిస్తోన్న ఖుషి సినిమాలోనూ కనిపించనుంది. ఇలా చేతినిండా చిత్రాలతో బిజీగా ఉన్న సామ్.. బాలీవుడ్ ఎంట్రీ సైతం ఇవ్వబోతుంది. ఇప్పటికే బీటౌన్లో ఆమె అరంగేట్రం కన్ఫార్మ్ అయిన సంగతి తెలిసిందే. హీరోయిన్ తాప్సీ నిర్మాణంలో సామ్ బాలీవుడ్ ఎంట్రీ ఇవ్వబోతుంది. తాజాగా మరో కొత్త ప్రాజెక్ట్ ఓకే చేసిందట సామ్. అంతేకాదు. ఇందులో ఆమె పాత్రకు సంబంధించి ఇంట్రెస్టింగ్ అప్డేట్ ఒకటి నెట్టింట వైరల్ అవుతుంది.
తాజా సమాచారం ప్రకారం డైరెక్టర్ అమర్ కౌశిక్ దర్శకత్వంలో ఆయుష్మాన్ ఖురానా హీరోగా ఓ హారర్ కామెడీ చిత్రం తెరకెక్కనుంది. ఈ సినిమాను ప్రొడ్యూసర్ దినేష్ విజన్ నిర్మించనున్నారు. ఇందులో సామ్ యువరాణిలా కనిపించనున్నారని టాక్. అంతేకాకుండా.. ఆయుష్మాన్ ఖురానా రక్తపిశాచిగా కనిపించనున్నారని తెలుస్తోంది. రాజస్థానీ జానపద గాథ ఆధారంగా ఈ మూవీ రాబోతుందని సమాచారం. ఫ్యామిలీ మ్యాన్ 2 సిరీస్ ద్వారా పాన్ ఇండియా లెవల్లో గుర్తింపు తెచ్చుకుంది సామ్. ఇందులో రాజీ అనే నెగిటివ్ రోల్ లో తన నటనతో మెప్పించింది.