Prabhas: ఇలా చేస్తే ఎలా డార్లింగ్.. తీవ్ర నిరాశలో ప్రభాస్ ఫ్యాన్స్.. మొర ఆలకించవూ
రీసెంట్‌గా రాధేశ్యామ్సి నిమాతో ఆడియన్స్ ముందుకు వచ్చిన ప్రభాస్ అభిమానులను తీవ్రంగా నిరాశపరిచారు. దీంతో డార్లింగ్ నెక్ట్స్ మూవీ కోసం ఆడియన్స్ మరింత ఈగర్‌గా వెయిట్ చేస్తున్నారు.
Tollywood: గత ఎనిమిదేళ్లలో ప్రభాస్ నుంచి నాలుగంటే నాలుగే సినిమాలు వచ్చాయి. డార్లింగ్ రేంజ్‌ ఎంత స్పీడుగా పెరుగుతుందో… సినిమాల నెంబర్ మాత్రం అదే స్పీడుగా తగ్గుతోంది. తాజాగా త్వరలో రిలీజ్ అవుతుందనుకుంటున్న ఓ మూవీ కూడా ఏడాది పాటు వాయిదా పడింది. దీంతో డార్లింగ్ ఫ్యాన్స్‌లో టెన్సన్‌ మొదలైంది. రీసెంట్‌గా రాధేశ్యామ్(Radhe Shyam) సినిమాతో ఆడియన్స్ ముందుకు వచ్చిన ప్రభాస్ అభిమానులను తీవ్రంగా నిరాశపరిచారు. దీంతో డార్లింగ్ నెక్ట్స్ మూవీ కోసం ఆడియన్స్ మరింత ఈగర్‌గా వెయిట్ చేస్తున్నారు. ప్రభాస్ కూడా నాలుగు సినిమాలను లైన్‌లో పెట్టి… గట్టిగానే హడావిడి చేశారు. కానీ ఈ హడావిడి తెర మీద చూడాలంటే మాత్రం ఇంకా చాలా రోజులు వెయిట్ చేయాల్సిందే అన్న టాక్ వినిపిస్తోంది. ఆదిపురుష్(adipurush) షూటింగ్ ఆల్రెడీ ఫినీష్ అయ్యింది. సంక్రాంతి రిలీజ్ అంటూ డేట్‌ కూడా లాక్ చేశారు మేకర్స్‌. కానీ భారీ గ్రాఫిక్స్‌తో తెరకెక్కుతున్న మూవీ కావటంతో అనుకున్న టైమ్‌కు రిలీజ్ అవుతుందా లేదా అన్న అనుమానాలు ఆడియన్స్‌ను వెంటాడుతున్నాయి.
సలార్ షూటింగ్ కూడా ఫుల్‌ స్వింగ్‌లో జరుగుతోంది. ఆల్రెడీ మేజర్‌ పార్ట్ షూటింగ్ పూర్తయ్యింది. దీంతో ఆదిపురుష్ రిలీజ్ అయినా… కాకపోయినా.. నెక్ట్స్ ఇయర్ సమ్మర్‌కు సలార్ రిలీజ్ పక్కా అని ఫిక్స్ అయ్యారు ఆడియన్స్. కానీ, ఇప్పుడు ఆ పరిస్థితి కూడా కనిపించటం లేదు. సలార్ రిలీజ్‌ను వాయిదా వేశారన్న న్యూస్ ఫిలిం సర్కిల్స్‌లో హల్‌చల్‌ చేస్తోంది. షూటింగ్ షెడ్యూల్స్ ఆలస్యం అవుతుండటం… పోస్ట్ ప్రొడక్షన్‌ వర్క్ ఇంత వరకు షురూ కాకపోవటంతో సమ్మర్‌కు సలార్ రిలీజ్ కష్టమే అన్నది ఇండస్ట్రీ టాక్. అంతేకాదు ఈ సినిమాను ఏకంగా నెక్ట్స్ ఇయర్ దసరాకు రిలీజ్ చేసే ఆలోచనలో ఉందట మూవీ టీమ్‌. ఈ న్యూస్ వైరల్‌ కావటంతో డార్లింగ్‌తో సినిమా అంటే డీలే తప్పదని ఫిక్స్ అవుతున్నారు డై హార్డ్‌ ఫ్యాన్స్.
మరిన్ని సినిమా వార్తలు చదవండి..