Prabhas on Unstoppable : ఫ్యాన్స్ గెట్ రెడీ.. ఒక రోజు ముందే బాలయ్య – ప్రభాస్ ఎపిసోడ్

Prabhas

ప్రేక్షకులంతా ఎప్పుడెప్పుడా అని ఎదురుచూస్తున్న బాలయ్య, ప్రభాస్ ఎపిసోడ్ నుంచి క్రేజీ ఆప్డేట్ ఇచ్చారు ఆహా టీమ్. ప్రముఖ ఓటీటీ సంస్థ ఆహా లో టెలికాస్ట్ అవుతోన్న నెంబర్ వన్ టాక్ షో అన్ స్టాపబుల్. ఈ టాక్ షోను నందమూరి బాలకృష్ణ హోస్ట్ చేస్తున్న విషయం తెలిసిందే. ఈ టాక్ షో కు ఇప్పటికే చాలా మంది సెలబ్రెటీలు గెస్ట్ లుగా వచ్చారు. మొదటి సీజన్ సక్సెస్ ఫుల్ గా కంప్లీట్ చేసుకున్న అన్ స్టాపబుల్.. ఇప్పుడు సీజన్ 2లో కూడా అదే ఉత్సహంతో దూసుకుపోతోంది. ఈ క్రమంలోనే ఈ షోకు పాన్ ఇండియా స్టార్ ప్రభాస్ గెస్ట్ గా హాజరయ్యారు. ఈ ఎపిసోడ్ ను రెండు భాగాలుగా ప్రేక్షకుల ముందుకు తీసుకురానున్నారు. ఈ క్రమంలో ప్రభాస్ ఎపిసోడ్ కు సంబంధించిన మొదటి పార్ట్ ను ఈ రోజు (గురువారం)రాత్రి 9 గంటల నుంచి స్ట్రీమింగ్ చేయనున్నారు. ముందుగా ఈనెల 30 నుంచి మొదటి పార్ట్ ను స్ట్రీమింగ్ చేయాలనుకున్నారు.

కానీ ఇప్పుడు ఈ ఎపిసోడ్ ను ఒక రోజు ముందుగానే స్ట్రీమింగ్ చేయనున్నారు. ఈ మేరకు అఫీషియల్ అనౌన్స్ మెంట్ ఇచ్చారు ఆహా టీమ్. అభిమానుల డిమాండ్ నేపథ్యంలో బాహుబలి మొదటి ఎపిసోడ్ ను ఒక రోజు ముందుగానే స్ట్రీమింగ్ చేయనున్నారు. సోషల్ మీడియా వేదికగా సరికొత్త పోస్టర్ ను రిలీజ్ చేశారు. ఇక మొదటి ఎపిసోడ్ లో కేవలం ప్రభాస్ మాత్రమే ఉంటాడు. ఆయనతో బాలయ్య చేసే సందడి, సరదా కబుర్లు చూపించనున్నారు. అలాగే రెండో పార్ట్ లో ప్రభాస్ తో పాటు అతని మిత్రుడు గోపీచంద్ కూడా జాయిన్ అవ్వనున్నాడు. ఈ ఇద్దరు ఇండస్ట్రీలో ఎలాంటి స్ట్రగుల్స్ ఎదుర్కొన్నారు అన్నది ఈ ఎపిసోడ్ ను చూపించనున్నారు. ఇది జనవరి 6న స్ట్రీమింగ్ చేయనున్నారు. ఈ రెండు ఎపిసోడ్స్ కు అన్ స్టాపబుల్ విత్ ఎన్బీకే బిగినింగ్ అని.. రెండో పార్ట్ కు అన్ స్టాపబుల్ విత్ ఎన్బీకే ది కంక్లూజన్ అని పేరుపెట్టారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.