Pawan Kalyan: ఇన్‌స్టాలో ట్రెండ్‌ సెట్ చేసిన పవన్‌ కల్యాణ్‌.. ఒక్క పోస్టు పెట్టకుండానే 2 మిలియన్స్‌ ఫాలోవర్స్‌
జనసేన అధ్యక్షులు, పవర్‌స్టార్‌ పవన్‌ కల్యాణ్‌ పేరు ప్రస్తుతం సోషల్‌ మీడియాలో మార్మోగిపోతోంది. దీనికి కారణమేంటో ప్రత్యేకంగా చెప్పక్కర్లేదనుకుంటా. మంగళవారం (జులై 4) పవన్‌ ఓపెన్‌ చేసిన ఇన్‌స్టాగ్రామ్‌ అకౌంట్‌ కు ఫాలోవర్లు పోటెత్తుతున్నారు.
జనసేన అధ్యక్షులు, పవర్‌స్టార్‌ పవన్‌ కల్యాణ్‌ పేరు ప్రస్తుతం సోషల్‌ మీడియాలో మార్మోగిపోతోంది. దీనికి కారణమేంటో ప్రత్యేకంగా చెప్పక్కర్లేదనుకుంటా. మంగళవారం (జులై 4) పవన్‌ ఓపెన్‌ చేసిన ఇన్‌స్టాగ్రామ్‌ అకౌంట్‌ కు ఫాలోవర్లు పోటెత్తుతున్నారు. ఇన్‌స్టా అకౌంట్‌ ఓపెన్‌ చేసి మూడురోజులైనా పూర్తి కాలేదు.. పైగా ఒక్క పోస్ట్‌ కూడా పెట్టలేదు. అప్పుడే పవన్‌ ఇన్‌స్టా ఫాలోవర్ల సంఖ్య 2 మిలియన్లను దాటేసింది. దీంతో పవన్‌ కల్యాణ్‌ ఫ్యాన్స్ నెట్టింట చేస్తున్న హంగామా అంతా ఇంతకాదు. ‘పవర్‌ స్టార్‌ రేంజ్‌ అంటే ఇది’, ‘ట్రెండ్‌ సెట్ చేయడంలో పవన్‌ తర్వాతే ఎవరైనా’ అంటూ డైలాగులతో సోషల్‌ మీడియాను హోరెత్తిస్తున్నారు పవన్‌ ఫ్యాన్స్. మరోవైపు పవన్‌ కల్యాణ్‌ ఇన్‌స్టాగ్రామ్‌లో ఫస్ట్‌ పోస్ట్‌ ఏం పెడతారోనని అభిమానులు ఆసక్తిగా ఎదురుచూస్తున్నారు. ఒకవేళ మొదటి పోస్ట్‌ పెడితే మాత్రం మరింత మంది ఫాలోవర్స్‌ పెరిగే అవకాశం ఉంది. దీంతో ఇన్‌స్టాలో మరిన్ని రికార్డులు బద్దలవుతాయి.
ఇటీవలే వారాహి విజయ యాత్ర మొదటి విడతను పూర్తి చేసుకున్న పవన్‌ కల్యాణ్‌ మళ్లీ సినిమాల్లో బిజీ కానున్నట్లు తెలుస్తోంది. ఆయన నటించిన తాజా చిత్రం బ్రో. సముద్ర ఖని దర్శకత్వంలో తెరకెక్కుతోన్న ఈ మూవీలో మెగా మేనల్లుడు సాయి ధరమ్‌ తేజ్‌ మరో హీరోగా నటిస్తున్నాడు. ఇప్పటికే షూటింగ్ పూర్తి చేసుకున్న ఈ చిత్రం జులై 28న గ్రాండ్‌గా రిలీజ్‌ కానుంది. ఇప్పటికే విడుదలైన గ్లింప్స్‌, టీజర్లు ఓ రేంజ్‌లో సెన్సేషన్‌ క్రియేట్‌ చేశాయి.
Pawan Kalyan Instagram Account
మరిన్ని సినిమా వార్తల కోసం క్లిక్ చేయండి..