Spark Movie: స్పార్క్ సినిమా కోసం హృదయం మూవీ మ్యూజిక్ డైరెక్టర్.. అధికారికంగా ప్రకటించిన మేకర్స్..
ఈ సినిమాకు ప్రముఖ మ్యూజిక్ డైరెక్టర్ హెష‌మ్ వహాబ్ సంగీతం అందించనున్నట్లు అధికారికంగా ప్రకటించారు మేకర్స్..
యంగ్ హీరో విక్రాంత్.. అందాల ముద్దుగుమ్మ మెహ‌రీన్ ఫిర్జాదా హీరో హీరోయిన్లుగా నటిస్తోన్న చిత్రం స్పార్క్ (Spark). ఈ సినిమాను భారీ బ‌డ్జెట్‌తో డెఫ్‌ ఫ్రాగ్‌ ప్రొడక్షన్ బ్యాన‌ర్‌పై నిర్మిస్తున్నారు. మే నెల‌లో పూజా కార్య‌క్ర‌మాల‌ను పూర్తి చేసుకున్న ఈ సినిమా ప్రస్తుతం ప్రీ ప్రొడక్షన్ ప‌నుల‌ను జరుపుకుంటోంది.. ఈ చిత్రాన్ని చేయ‌బోతున్న‌ట్లు ప్ర‌క‌టించినప్ప‌టి నుంచే సినిమాపై భారీ అంచ‌నాలు నెల‌కొన్నాయి. సినిమా అనౌన్స్ చేసిన రోజునే ప్రముఖ సంగీత ద‌ర్శ‌కుడు ఈ సినిమాకు సంగీతాన్ని అందిస్తార‌ని మేకర్స్ చెప్పిన సంగ‌తి తెలిసిందే. తాజాగా స్పార్క్ సినిమా మ్యూజిక్ డైరెక్టర్ ఎవరనేది రివీల్ చేసింది చిత్రయూనిట్.
ఈ సినిమాకు ప్రముఖ మ్యూజిక్ డైరెక్టర్ హెష‌మ్ వహాబ్ సంగీతం అందించనున్నట్లు అధికారికంగా ప్రకటించారు మేకర్స్.. ప్ర‌ణ‌వ్ మోహ‌న్ లాల్‌, క‌ళ్యాణి ప్రియ‌ద‌ర్శ‌న్ జంట‌గా న‌టించిన మ‌ల‌యాళ సూప‌ర్ హిట్ హృదయం సినిమాకు మ్యూజిక్‌ను అందించారు. ఈ సినిమాలోని ప్ర‌తి పాట ఎంత పెద్ద స‌క్సెస్ అయ్యిందో అంద‌రికీ తెలిసిందే. సూప‌ర్ స్టార్ డ‌మ్‌ను అందుకున్న హెష‌మ్ వహాబ్ ఇప్పుడు రెండు తెలుగు సినిమాలు చేస్తున్నారు. విజ‌య్ దేవ‌ర‌కొండ – స‌మంత జంట‌గా న‌టించిన ఖుషి సినిమాకు సంగీతాన్ని అందిస్తుండగా… ఇప్పుడు స్పార్క్ సినిమాకు కూడా హెష‌మ్ సంగీతాన్ని అందించ‌డానికి గ్రీన్ సిగ్నల్ ఇచ్చారు. ప్రస్తుతం ఈ సినిమా హైద‌రాబాద్‌లో తొలి షెడ్యూల్ చిత్రీక‌ర‌ణ‌ను జరుపుకుంటోంది. త్వరలోనే యూర‌ప్‌లోని అంద‌మైన లొకేష‌న్స్‌లో త‌దుప‌రి షెడ్యూల్‌ను చిత్రీక‌రించ‌బోతున్నారు. ఈ సినిమాకు సంబంధించిన పూర్తి వివరాలను త్వరలోనే తెలియజేయనున్నారు మేకర్స్.
Spark 1