Megastar Chiranjeevi: మెగాస్టార్ పెద్ద మనసు.. మరణించిన అభిమాని కూతురిని పదేళ్లుగా చదవిస్తున్న చిరంజీవి..
Megastar Chiranjeevi: మెగాస్టార్ చిరంజీవి తన అభిమానులను బ్లడ్ బ్రదర్స్ అని పిలుస్తారు. అభిమానులకు ఎప్పుడు ఏ కష్టం వచ్చినా చిరంజీవి అండగా నిలబడతారు.. అదే వారసత్వాన్ని..
Megastar Chiranjeevi: మెగాస్టార్ చిరంజీవి తన అభిమానులను బ్లడ్ బ్రదర్స్ అని పిలుస్తారు. అభిమానులకు ఎప్పుడు ఏ కష్టం వచ్చినా చిరంజీవి అండగా నిలబడతారు.. అదే వారసత్వాన్ని మెగా హీరోలు కూడా కొనసాగిస్తున్నారు. చిరు ఎలా అభిమానులను సొంత ఇంటి మనుషుల్లా చూస్తూ.. ఆపద సమయంలో అండగా నిలబడతారో… అదే విధంగా మెగా హీరోలైన పవన్ కళ్యాణ్ , రామ్ చరణ్, అల్లు అర్జున్, వరుణ్ తేజ్, సాయి ధరమ్ తేజ్ ఫ్యాన్స్ ను గౌరవిస్తారు. అవసరమైనప్పుడు మేమున్నామని ఆర్ధికంగా ఆదుకుని అండగా నిలబడతారు.
తాజాగా మెగాస్టార్ చిరంజీవి అభిమాని డి.సురేష్ యాదవ్‌ కూతురు అశ్విత స్కూల్‌ ఫీజు చెక్కును చిరంజీవి తరపున చిరంజీవి యువత రాష్ట్ర వర్కింగ్‌ ప్రెసిడెంట్‌ మోడెపు సత్యనారాయణగౌడ్‌ అందజేశారు. హయత్‌నగర్‌ మండల చిరంజీవి యువత అధ్యక్షుడు డి సురేష్ 2010 లో ఒక రోడ్డు ప్రమాదంలో మరణించాడు. అప్పుడు సురేష్ కుటుంబాన్ని స్వయంగా మెగాస్టార్ చిరంజీవి పరామర్శించి.. ఆ కుటుంబానికి ఆర్ధికంగా అండగా నిలబడతానని… సురేష్ కూతురు అశ్విత చదువు పూర్తి అయ్యేవరకూ ఖర్చులన్నీ తాను భర్తిస్తానని అప్పుడు చిరంజీవి హామీనిచ్చిన సంగతి తెలిసిందే .
ఈ నేపథ్యంలో గత 10 ఏళ్ళనుంచి చిరంజీవి భారత సేవా సహకార ఫోరం అధ్యక్షుడు బసవరాజు శ్రీనివా స్‌ ద్వారా ప్రతి ఏడాది అశ్వితకు స్కూల్‌ ఫీజును అందజేస్తున్నారు. ఈ ఏడాదికి సంబంధించి ఫీజు రూ.10 వేల చెక్కును అశ్వితకు అందజేశారు. అశ్విత మంచి చదువులు చదువుకుని భవిష్యత్ లో మంచి ఉద్యోగం చేయాలనీ ఈ సందర్భంగా కోరుతున్నారు.
Also Read: