Hema: ఆ హీరో భోళా శంకరుడు.. ఒక్క మెసేజ్ చేస్తే 10 మంది డాక్టర్లను పంపారు..

Actress Hema

ప్రముఖ నటి హేమ, బాలకృష్ణ వ్యక్తిత్వం, ఆయన సహాయక గుణం గురించి తన అనుభవాలను పంచుకున్నారు. బాలకృష్ణను “భోళా శంకరుడు”గా అభివర్ణించిన హేమ, ఆయన మనసు చాలా మంచిదని, ఎలాంటి కల్లాకపటం ఉండదని తెలిపారు. నటులలో ఆయనంటే తనకు చాలా ఇష్టమని పేర్కొన్నారు. చిరంజీవి, నాగార్జున వంటి నటులతో పోలిస్తే బాలకృష్ణతోనే ఎక్కువ సినిమాలలో నటించానని ఆమె వివరించారు. వెంకటేష్ బాబు కూడా సరదాగా ఉంటారని, భగవద్గీత వంటివి చదివి దైవ భక్తి వైపు మొగ్గు చూపారని, తత్వాలు చెబుతుంటారని హేమ తెలిపారు. బాలకృష్ణ లొకేషన్‌లో ఉంటే వాతావరణం అంతా నవ్వులతో నిండిపోతుందని హేమ చెప్పారు. ఒకానొక సందర్భంలో, తన ఊరికి చెందిన ఒక క్యాన్సర్ రోగి గురించి అర్ధరాత్రి 11:30 గంటలకు బాలకృష్ణకు మెసేజ్ చేశానని, వెంటనే ఆయన స్పందించి మరుసటి ఉదయం పది మంది ప్రముఖ వైద్యులను పంపించారని హేమ గుర్తుచేసుకున్నారు. డాక్టర్లు రోగిని పరీక్షించి, అది చివరి దశ అని చెప్పినప్పటికీ, ఉన్నంతలో మంచి చికిత్స అందించి పంపించారని తెలిపారు. బాలకృష్ణ చేసిన ఈ తక్షణ సహాయం వల్ల తన ఊరి ప్రజల మధ్య తన పరువు, గౌరవం పెరిగాయని హేమ సంతోషం వ్యక్తం చేశారు.

‘మా’ ఎన్నికల సమయంలో కూడా బాలకృష్ణ తమకు ఎంతో మద్దతు ఇచ్చారని, హేమ, శ్రీకాంత్‌లకే ఓటు వేస్తామని తన మనుషులు చెప్పారని ఆమె పేర్కొన్నారు. ఆయనకు అహంకారం ఉండదని, చాలా స్వీట్‌గా ఉంటారని, లొకేషన్‌కి వెళ్లినప్పుడు కూడా అందరినీ బాగా రిసీవ్ చేసుకుంటారని హేమ వివరించారు. బాలకృష్ణ ప్రస్తుతం చేస్తున్న టాక్ షోను కూడా అందరూ ఇష్టపడుతున్నారని, తన భర్త కూడా రికార్డ్ చేసుకుని చూస్తారని చెప్పారు.

 

నటిగా, తోటి కళాకారుల, స్నేహితుల సమస్యలను పరిష్కరించడంలో తాను ఒక ప్రతినిధిగా పనిచేస్తానని హేమ అన్నారు. అర్థరాత్రి ఫోన్ వచ్చినా తాను సహాయం చేయడానికి సిద్ధంగా ఉంటానని, తన ముఖం చూస్తేనే ఊరటతో రోగులకు సగం జ్వరం తగ్గిపోతుందని నమ్మకం వ్యక్తం చేశారు. తాను చేసే సహాయాన్ని ఏ మాత్రం గొప్పగా భావించనని, ఇది భగవంతుడికి తాను చేసే బిజినెస్ లాంటిదని, ఇతరులకు మంచి చేస్తే, భగవంతుడు తనకు మంచి చేస్తాడని హేమ తన అభిప్రాయాన్ని వెల్లడించారు. భయం, భక్తి, పరువు, ముక్కుసూటిగా ఉండటం, తల దించుకునే పని చేయకపోవడం వంటివి జీవితంలో ముఖ్యమని ఆమె అన్నారు.

Also Read: ఆహా.. మామిడికాయ పులిహోర ఇలా కానీ చేశారంటే.. అద్భుతం, అమోఘం..