Pushpa2: పుష్ఫ 2 సినిమాకి డబ్బింగ్ పూర్తి చేసుకున్న ఫహాద్ ఫాజిల్.. ‘షెకావత్ సార్’ ఏమన్నారంటే?

Fahad Faasil

అల్లు అర్జున్, ర‌ష్మిక మంద‌న్నా జంట‌గా న‌టిస్తున్న చిత్రం పుష్ఫ 2. సుమారు మూడేళ్ల క్రితం రిలీజై సంచలన విజయం సాధించిన పుష్ఫ సినిమాకు ఇది సీక్వెల్ గా తెరకెక్కుతోంది. ఇప్పటికే దాదాపు షూటింగ్ పూర్తి చేసుకున్న ఈ సినిమా డిసెంబర్ 05న గ్రాండ్ గా రిలీజ్ కానుంది. ప్రమోషన్స్ కార్యక్రమాల్లో భాగంగా ఆదివారం (నవంబర్ 17) బిహార్ రాజధాని పాట్నాలో ప్రి రిలీజ్ ఈవెంట్ కార్యక్రమం పెద్ద ఎత్తున నిర్వహిస్తున్నారు. ఇందుకు సంబంధించి ఏర్పాట్లు శరవేగంగా సాగుతున్నాయి. తాజాగా ఈ సినిమాలో తన పాత్రకు సంబంధించి డ‌బ్బింగ్ కంప్లీట్ చేశాడు మలయాళ నటుడు ఫాహద్ ఫాజిల్. ఈ విషయాన్ని అతనే సోషల్ మీడియా వేదికగా ప్రకటించాడు. కాగా పుష్ఫ సినిమాలో ఎస్పీ భన్వర్ సింగ్ షెకావత్ అనే ప్ర‌తినాయ‌కుడి పాత్ర‌లో న‌టిస్తున్నాడు ఫాహద్. మొదటి భాగంలో కొద్ది సేపు కనిపించినా ‘ఆ ఒక్కటి తక్కువైంది పుష్ప’ అంటూ ఆడియెన్స్ ను ఆకట్టుకున్నాడీ స్టార్ నటుడు. ఇక రెండో పార్ట్ లో ఫాహద్ రోల్ మరింత పవర్ ఫుల్ గా ఉండనుందని తెలుస్తోంది. ఈ క్ర‌మంలోనే తన పాత్ర‌కు డ‌బ్బింగ్ పూర్తి చేశాడీ వెర్సటైల్ యాక్టర్. ఇందుకు సంబంధించిన ఫొటోలు ప్రస్తుతం సామాజిక మాధ్యమాల్లో వైరల్ గా మారాయి.

కాగా ఇది తెలుగు సినిమా అయినప్పటికీ పాన్ ఇండియా రేంజ్ లో వివిధ భాషల్లోకి డబ్ చేస్తున్నారు. ముఖ్యంగా హిందీ మార్కెట్ ను టార్గెట్ గా చేసుకున్నారు. లి. ‘పుష్ప’ సినిమా నార్త్ ఇండియా ప్రేక్షకులకు బాగా నచ్చింది. ఈ క్రమంలోనే బిహార్ రాజధాని పాట్నాలో పుష్ప2 ప్రి రిలీజ్ ఈవెంట్ ను ప్లాన్ చేశారు. తద్వారా భారీ వసూళ్లు రాబట్టవచ్చని మేకర్స్ అభిప్రాయపడుతున్నారు. ఈ సినిమాకు దేవిశ్రీ ప్ర‌సాద్ సంగీతం అందిస్తున్నాడు. మైత్రీ మూవీ మేకర్స్‌ సుకుమార్ రైటింగ్స్‌తో కలిసి నవీన్ యెర్నేని, వై. రవిశంకర్ నిర్మిస్తున్న ఈ చిత్రంలో డాలీ ధనుంజయ్, రావు రమేష్, సునీల్, అనసూయ భరద్వాజ్, అజయ్ ఘోష్ త‌దిత‌రులు కీల‌క పాత్ర‌ల్లో న‌టిస్తున్నారు. శ్రీలీల ఒక స్పెషల్ సాంగ్ లో మెరవనుంది.

పుష్ఫ 2 డబ్బింగ్ స్టూడియోలో ఫహాద్ ఫాజిల్

డిసెంబర్ 05న గ్రాండ్ రిలీజ్..

.మరిన్ని సినిమా వార్తల కోసం ఇక్కడ క్లిక్ చేయండి.