Super Star Krishna: సూపర్ స్టార్ కృష్ణ సినిమా టైటిల్ విషయంలో చాలా రచ్చ జరిగిందట..కానీ
ఫ్యామిలీ సినిమాలతో పాటు మాస్ సినిమాలను కూడా ప్రేక్షకులకు అందించారు కృష్ణారెడ్డి. ఆయనకు సూపర్ స్టార్ కృష్ణ అంటే చాలా అభిమానం.. ఆయనను హీరోగా పెట్టి పలు సినిమాలు చేశారు.
ఒకప్పుడు స్టార్ డైరెక్టర్ గా రాణించారు మల్టీ టాలెంటెడ్ డైరెక్టర్ ఎస్వీ కృష్ణారెడ్డి. దర్శకుడిగా, మ్యూజిక్ డైరెక్టర్‌గా, హీరోగా ఇలా ఆయన చేయని పని లేదు. ఎన్నో అంద్భుతమైన సినిమాలు తెరకెక్కించారు కృష్ణారెడ్డి. ఎన్నో సూపర్ హిట్స్ ను అందించారు. ఫ్యామిలీ సినిమాలతో పాటు మాస్ సినిమాలను కూడా ప్రేక్షకులకు అందించారు కృష్ణారెడ్డి. ఆయనకు సూపర్ స్టార్ కృష్ణ అంటే చాలా అభిమానం.. ఆయనను హీరోగా పెట్టి పలు సినిమాలు చేశారు. అలాగే ఆయన వేరే హీరోలతో సినిమాలు చేసినప్పటికీ ఆ సినిమాల్లో ఒక పాట కృష్ణ గారితో చేయించేవారు ఈ దర్శకుడు. అయితే ఆయన కృష్ణ తో కలిసి చేసిన సినిమాల్లో నెంబర్ వన్ సినిమా ఒకటి. గతంలో ఈ సినిమా గురించి కృష్ణ రెడ్డి మాట్లాడుతూ ఆసక్తికర విషయాలను పంచుకున్నారు.
అయితే ఈ సినిమా గురించి కృష్ణ గారిని సంప్రదించినప్పుడు కేవలం ఒకే ఒక్క సీన్ చెప్పారట.. బాగుంది సినిమా చేద్దాం అన్నారట. మిగిలిన కథ రెడీగా ఉందా అని అడిగితే లేదు మీకు తగ్గట్టుగా కథను సిద్ధం చేస్తా అని చెప్పను. దాంతో ఆయన కూడా సినిమా మంచి హిట్ అవుతుంది. ఆ ఒక్క సీన్ చాలు సినిమా హిట్ అవ్వడానికి పుతి కథ రెడీ చేసుకో అని చెప్పారట.
అలాగే ఈ సినిమా టైటిల్ విషయం లోనూ కొన్ని అభ్యంతరాలు కూడా ఎదురయ్యాయట. ఇండస్ట్రీలో నెంబర్ వన్ హీరోలు చాలా మంది ఉన్నారు. కృష్ణగారికే ఆ టైటిల్ పెట్టడం పై చాలా మంది నన్ను ప్రశ్నించారు. కానీ నా సినిమా కథ ప్రకారం అదే టైటిల్ కరెక్ట్ గా ఉంటుంది. సినిమాలో కుటుంబ బాధ్యతలు తీసుకునే కొడుకే నెంబర్ వన్. అలా నా సినిమాకు నెంబర్ వన్ అని టైటిల్ పెట్టాం అని క్లారిటీ ఇచ్చారు కృష్ణారెడ్డి. ఇక ఈ సినిమా మంచి విజయాన్ని అందుకుంది.