సినిమా చూసినోళ్లందరూ బాలేదన్నారు.. నాకు కూడా సినిమా మీద డౌట్ కొట్టింది.. కానీ హిట్ అయ్యింది

దర్శకుడు శ్రీనివాస్ అవసరాల తన రెండవ చిత్రం జ్యో అచ్యుతానందకు సంబంధించి సంచలన వ్యాఖ్యలు చేశారు. ఈ చిత్రం విడుదలకు ముందు తాను విజయంపై కనీసం 1 శాతం కూడా నమ్మకంగా లేనని, అనేక సందేహాలు తనను వెంటాడాయని ఆయన వెల్లడించారు. తన మొదటి చిత్రం ఊహలు గుసగుసలాడే విషయంలో విజయంపై పూర్తి నమ్మకం ఉందని, అయితే జ్యో అచ్యుతానంద విషయానికొస్తే పరిస్థితి పూర్తిగా భిన్నంగా ఉందని ఆయన పేర్కొన్నారు. సినిమా విడుదలకు ముందు నెలన్నర రోజులు నరకం చూశానని శ్రీనివాస్ అవసరాల చెప్పుకొచ్చారు. సినిమా చూసినవారెవరికీ, తన డైరెక్షన్ డిపార్ట్‌మెంట్‌లోని సహచరులకు సైతం, సినిమా నచ్చలేదని ఆయన స్పష్టం చేశారు. “నాకే స్క్రిప్ట్‌లో కొన్ని సమస్యలున్నాయని అనిపించిందని ఒప్పుకుంటూ, ఈ సమస్యలను ప్రేక్షకులు విస్మరించి సినిమాను ఆదరించడం తనకెంతో ఆనందాన్ని ఇచ్చిందని తెలిపారు. నిర్మాతకు కూడా సినిమాపై పూర్తి నమ్మకం ఉన్నప్పటికీ, కమర్షియల్‌గా విజయం సాధిస్తుందా అనే ఆందోళన ఉండేదని చెప్పారు.

ఎన్టీఆర్, పవన్, మహేష్‌లతో ఆడిపాడింది.. కట్ చేస్తే ఇప్పుడు కనిపించకుండాపోయింది.

సినిమా జానర్ గురించి మాట్లాడుతూ, జ్యో అచ్యుతానంద ఒక ఫ్యామిలీ డ్రామా అని, హాస్యం ఉన్నప్పటికీ, సెకండ్ హాఫ్‌లో చాలా సీరియస్‌గా, హృదయాన్ని హత్తుకునేలా ఉంటుందని చెప్పారు. స్క్రిప్ట్ పరంగా ఊహలు గుసగుసలాడే పరిపూర్ణమైనదని, అయితే రెవెన్యూ పరంగా, భావోద్వేగ అనుభూతి పరంగా జ్యో అచ్యుతానందనే అగ్రస్థానంలో నిలిచిందని అవసరాల వివరించారు. ఈ చిత్రం అందించిన ఎమోషన్ ఎమోషన్, ముఖ్యంగా అన్నదమ్ముల బంధాన్ని చిత్రించిన తీరు అద్భుతమని కొనియాడారు.

అలాంటి సినిమాలు ఆడవు అన్నారు.. కానీ నా సినిమా బ్లాక్ బస్టర్ అయ్యింది: దుల్కర్ సల్మాన్

సినిమా చూస్తున్నప్పుడు చాలా మంది ప్రేక్షకులు కంటతడి పెట్టుకున్నారని, అన్నయ్యలతో గొడవపడిన వారు కూడా వెంటనే వారితో మాట్లాడాలనిపించిందని సందేశాలు పంపినట్లు ఆయన తెలిపారు. రైలు దిగిన తర్వాత అన్నదమ్ములు ఆలింగనం చేసుకునే సన్నివేశం అత్యంత కీలకంగా నిలిచిందని, ఏ మాత్రం తేడా కొట్టినా ప్రేక్షకులు అంగీకరించేవారు కాదని అన్నారు. స్క్రిప్ట్‌లో లోపాల గురించి ప్రస్తావిస్తూ, అది రాసినప్పుడు “చాలా అడ్వెంచరస్ స్క్రిప్ట్” అని, కొన్ని సన్నివేశాలు సాహసోపేతంగా రాశానని చెప్పారు. అయితే, ఎడిట్ టేబుల్‌పైకి వచ్చేసరికి కొన్ని సన్నివేశాలు వర్కౌట్ కావేమోనని భయాలు మొదలయ్యాయని పేర్కొన్నారు. అన్నదమ్ముల మధ్య ఆస్తి కోసం కాకుండా, కేవలం ఒక అమ్మాయి విషయంలో చిన్న డిస్కషన్ నుంచి ఇంత లోతైన విభేదాలు ఎలా వస్తాయని కొందరు ప్రశ్నించగా, వాస్తవ జీవితంలో అనేకమంది అన్నదమ్ములు ఆస్తి కోసం కొట్టుకున్నారని, జీవితాల్లో విభేదాలు రావడానికి ఒక అమ్మాయి కారణం కాదని, జీవితాలు నెమ్మదిగా వేరుపడతాయని ఆయన వివరించారు. మొత్తానికి, అన్ని అంచనాలను దాటి జ్యో అచ్యుతానంద భారీ విజయం సాధించి, కమర్షియల్‌గా, భావోద్వేగపరంగా ప్రేక్షకుల మనసులను గెలుచుకుందని అన్నారు శ్రీనివాస్.

ఇవి కూడా చదవండి

వాళ్లకు నాకు ఐఫోన్, నోకియా ఫోన్‌కు ఉన్నంత తేడా ఉంది

ఒకొక్కరికి అంత రెమ్యునరేషనా..!

ఆ హీరోయిన్‌ను చూస్తే ఎవ్వరికైనా గౌరవం ఇవ్వాలనిపిస్తుంది..

కనీసం గూగుల్ కూడా నీ పేరు రాదని అవమానించారు

Prabhas Sreenu: ఆ హీరో ఎవ్వరికీ రికమెండ్ చేయడు.. చాలా మొహమాటస్తుడు : ప్రభాస్ శ్రీను

మరిన్ని సినిమా వార్తల కోసం ఇక్కడ క్లిక్ చేయండి.