Shaakuntalam: అమ్మబాబోయ్.. శాకుంతలం సినిమా కోసం అన్ని కిలోల బంగారం ఉపయోగించారా..!!

Samantha

సమంత నటిస్తున్న లేటేస్ట్ మూవీ శాకుంతలం. ఇటీవల సామ్ అనారోగ్యం కారణంగా జోరు తగ్గించింది. మొన్నీమధ్య యశోద సినిమాతో మంచి హిట్ అందుకుంది ఈ చిన్నది. ఆ తర్వాత ఇప్పుడు శాకుంతలం సినిమాతో ప్రేక్షకుల ముందుకు రానుంది. గుణశేఖర్ దర్శకత్వంలో ఈ సినిమా తెరకెక్కుతోంది. ఈ సినిమాను సోషియో ఫాంటసీగా తెరకెక్కించారు గుణశేఖర్. కాళిదాసు ర‌చించిన అభిజ్ఞాన శాకుంతలం ఆధారంగా ఎపిక్ ఫిల్మ్ మేక‌ర్ గుణ శేఖ‌ర్ రూపొందించిన పౌరాణిక ప్రేమ కావ్యం ‘శాకుంతలం’. ప్ర‌తి ఫ్రేమ్‌ను అత్య‌ద్భుతంగా తెర‌కెక్కించే గుణ శేఖ‌ర్ మ‌రోసారి ‘శాకుంతలం’ వంటి విజువ‌ల్ వండ‌ర్‌తో పాన్ ఇండియా ప్రేక్ష‌కుల‌ను మెస్మ‌రైజ్ చేయ‌టానికి సిద్ధ‌మ‌వుతున్నారు. ఈ మూవీ ప్ర‌మోష‌న్స్ పెద్ద ఎత్తున సాగుతున్నాయి.

అయితే ఇప్పటికే ఈ సినిమా నుంచి విడుద లైన పాటలు, టీజర్, ట్రైలర్ ప్రేక్షకులను ఆకట్టుకున్నాయి. ఇక ఈ సినిమాలో సమంత లుక్ ప్రత్యేకంగా ఆకట్టుకుంది. అయితే ఈ సినిమా కోసం సుమారు 14 కోట్ల రూపాయల విలువ చేసే నిజమైన బంగారు ఆభరణాలు ఉపయోగించమని డైరెక్టర్‌ గుణశేఖర్ తెలిపారు.

సుమారు 6 నుంచి 7 నెలలు శ్రమించి ఆభరణాలను తాయారు చేశారట. అలాగే సమంత పాత్ర కోసం 15 కిలోల బంగారంతో సుమారు 14 రకాల ఆభరణాలను తయారు చేశారట. దుష్యంత మహారాజు పాత్ర కోసం 8 నుంచి 10 కిలోల బంగారం, మేనక పాత్రధారి మధుబాల కోసం 6 కోట్లతో వజ్రాలు పొదిగిన దుస్తులను రూపొందించినట్లు గుణశేఖర్ తెలిపారు.