బాలీవుడ్ యంగ్ హీరో సుశాంత్ సింగ్ రాజ్పుత్ మరణం అతడి అభిమానులను, ఫిల్మ్ ఇండస్ట్రీని ఓ కుదుపు కుదిపింది. కాగా అతడు నటించిన చివరి సినిమా ‘దిల్ బెచారా’ ట్రైలర్ ఇప్పటికే రిలీజై రికార్డులు క్రియేట్ చేస్తోంది. ఈ క్రమంలో తాజాగా టైటిల్ సాంగ్ విడుదల చేశారు. ఇందులోనూ తన గ్రేస్, స్మైల్ తో అభిమానులు మనసుల్ని కదిలిస్తున్నాడు సుశాంత్. అయితే 2 నిమిషాల 44 సెకన్లు ఉన్న ఈ సాంగ్ మొత్తాన్ని సింగిల్ టేక్లో సుశాంత్ కంప్లీట్ చెయ్యడం విశేషం. అతడి డ్యాన్స్ కూడా అద్భుతంగా ఉంది.
ట్రైలర్ లాగానే ఈ గీతానికి లైకులు ఓ రేంజులో వస్తున్నాయి. 2014లో వచ్చిన హాలీవుడ్ రొమాంటిక్ డ్రామా ‘ది ఫాల్ట్ ఇన్ అవర్ స్టార్స్’కు రీమేక్ ‘దిల్ బెచారా రూపొందింది. ఇద్దరు క్యాన్సర్ పేషెంట్ల మధ్య సాగే ప్రేమ కథతో ఈ మూవీని తెరకెక్కించారు. సంజన సంఘీ హీరోయిన్గా ఇంట్రడ్యూస్ అవుతుంది. సైఫ్ అలీ ఖాన్ గెస్ట్ రోల్ లో కనిపించనున్నారు. ఏఆర్ రెహమాన్ మ్యూజిక్ అందించగా, ముఖేశ్ చబ్రా దర్శకుడిగా పరిచయమవుతున్నారు. జులై 24 నుంచి డిస్నీ ప్లస్ హాట్స్టార్లో స్ట్రీమింగ్ కానుందీ చిత్రం. ఈ సినిమాను అందరూ ఫ్రీగా వీక్షించే ఏర్పాటు చేసింది హాట్స్టార్.