Rana Daggubati: మరో యంగ్ హీరోతో కలిసి మల్టీస్టారర్ మూవీ చేయనున్న దగ్గుబాటి వారబ్బాయి..
గ్గుబాటి హీరో రానా.. ఎలాంటి క్యారెక్టర్ అయినా ఇట్టే ఒదిగిపోతారు ఈ టాల్ హీరో. చేసింది తక్కువ సినిమాలే అయినా రానా తన నటనతో విపరీతమైన క్రేజ్ సొంతం చేసుకున్నారు
Rana Daggubati: దగ్గుబాటి హీరో రానా.. ఎలాంటి క్యారెక్టర్ అయినా ఇట్టే ఒదిగిపోతారు ఈ టాల్ హీరో. చేసింది తక్కువ సినిమాలే అయినా రానా తన నటనతో విపరీతమైన క్రేజ్ సొంతం చేసుకున్నారు. హీరోగా లీడర్ సినిమాతో పరిచయం అయినా రానా ఆ తర్వాత వరుసగా సినిమాలు చేస్తూ దూసుకుపోతున్నారు. హీరోగానే కాకుండా నటనకు ప్రాధాన్యత ఉంటే విలన్ గాను నటించి మెప్పించారు ఈ హ్యాండ్సమ్ హంక్. దర్శక ధీరుడు రాజమౌళి దర్శకత్వంలో తెరకెక్కిన బాహుబలి సినిమాలో నెగిటివ్ రోల్ చేశారు రానా. ఈ సినిమా రానాకు అంతులేని పేరు తెచ్చిపెట్టింది. రానా పేరు దేశాలు దాటి వినిపించేలా చేసింది బాహుబలి సినిమా. అలాగే బాలీవుడ్ లోనూ నటించారు రానా. అక్షయ్ కుమార్ నటించిన హౌస్ ఫుల్ 4లో విలన్‌గా నటించారు రానా. ఇక ఇప్పుడు పవర్ స్టార్ పవన్ కళ్యాణ్ నటిస్తున్న సినిమాలో నెగిటివ్ షేడ్స్ ఉన్నపాత్రలో నటిస్తున్నారు రానా.
పవన్ కళ్యాణ్ నటిస్తున్న భీమ్లానాయక్ సినిమాలో రానా నటిస్తున్న విషయం తెలిసిందే. ఈ సినిమా డానియల్ శేఖర్ గా కనిపించనున్నారు రానా. ఈ సినిమా తరువాత బాబాయి వెంకటేష్‌తో కలిసి ఓ వెబ్ సిరీస్ చేయనున్నారు రానా. ప్రముఖ ఓటీటీ సంస్థ కోసం వెంకీ రానా కలిసి నటిస్తున్నారు. అయితే ఈ సినిమాల తర్వాత రానా మరో యంగ్ హీరోతో కలిసి ఓ మల్టీస్టారర్ మూవీ చేస్తున్నారని తెలుస్తుంది. మైత్రి మూవీ మేకర్స్ నిర్మించబోతున్న సినిమాలో శర్వానంద్ తో కలిసి రానా నటించబోతున్నాడు. ఈ సినిమా లో శర్వా మరియు రానాలు ఇద్దరు కూడా హీరోలుగానే కనిపించబోతున్నారు. ప్రస్తుతం ఈ ఇద్దరు హీరోలు తమ తమ సినిమాలతో బిజీగా ఉన్నారు.. ఆయా సినిమాలు పూర్తయిన తర్వాత ఈ మల్టీస్టారర్ సెట్స్ పైకి వచ్చే అవకాశం ఉంది. ఈ సినిమాను నూతన దర్శకుడు తెరకెక్కించనున్నాడట..అతి త్వరలోనే మైత్రి వారు ఈ ప్రాజెక్ట్ కు సంబంధించి అప్డేట్ ఇవ్వబోతున్నారు. దర్శకుడు ప్రస్తుతం స్క్రిప్ట్ కు తుది మెరుగులు అద్దుతున్నట్లుగా తెలుస్తోంది.
మరిన్ని ఇక్కడ చదవండి :