Tollywood : తండ్రి బ్యాడ్మింటన్ ప్లేయర్.. కూతురు పాన్ ఇండియా హీరోయిన్.. ఈ చిన్నారి ఎవరంటే..

ఎలాంటి బ్యాగ్రౌండ్ సపోర్ట్ లేకుండానే సినీరంగంలోకి అడుగుపెట్టింది. బెంగుళూరుకు చెందిన ఈ బ్యూటీ పాన్ ఇండియా ఫిల్మ్ ఇండస్ట్రీలో చక్రం తిప్పింది. ఎన్నో సూపర్ హిట్ చిత్రాలు.. అగ్ర హీరోల సరసన నటించి మెప్పించింది. ప్రస్తుతం ఫ్యామిలీ లైఫ్ ఎంజాయ్ చేస్తుంది. తెలుగు, హిందీలో అనేక చిత్రాల్లో నటించి మెప్పించిన ఈ బ్యూటీకి ప్రపంచవ్యాప్తంగా అభిమానులు ఉన్నారు.

Actress

Rajitha Chanti | Edited By: Janardhan Veluru|
Updated on: Mar 21, 2025 | 4:39 PM

పైన ఫోటోలో కనిపిస్తున్న చిన్నారి ఎవరో గుర్తుపట్టారా.. ? తండ్రి ఒడిలో ఉన్న ఈ బుజ్జాయి ఇప్పుడు క్రేజీ హీరోయిన్. సౌత్ అమ్మాయి అయినప్పటికీ నార్త్ ఇండస్ట్రీని ఏలేసింది. నటిగా తనకంటూ ఓ గుర్తింపు తెచ్చుకోవాలని గ్రాడ్యుయేషన్ తర్వాత ముంబైకి చేరి ఒంటరిగా సినీప్రయాణం స్టార్ట్ చేసింది. ఫస్ట్ మూవీతోనే సూపర్ హిట్ అందుకుని ఆ తర్వాత వెనుదిరిగి చూడలేదు. ఇండస్ట్రీలో అత్యధిక రెమ్యునరేషన్ తీసుకునే నటిగా మారింది. ఆమె తండ్రి ఒకప్పుడు బ్యాడ్మింటన్ ప్లేయర్. ఇన్నాళ్లు హిందీలో అగ్ర హీరోల సరసన నటించిన ఈ ముద్దుగుమ్మ.. ఇటీవలే టాలీవుడ్ స్టార్ హీరోతో జతకట్టింది. తెలుగులోనూ సూపర్ హిట్ మూవీ చేసింది. ఈ హీరోయిన్ మరెవరో కాదు.. బీటౌన్ బ్యూటీ దీపికా పదుకొణె.

దీపికా తండ్రి బ్యాడ్మింటన్ ప్లేయర్ ప్రకాష్ పదుకొణె. చిన్న వయసులోనే నటనపై ఆసక్తి పెంచుకున్న ఆమె.. గ్రాడ్యుయేషన్ కంప్లీట్ కాగానే ముంబై చేరి అక్కడ మోడలింగ్ రంగంలోకి అడుగుపెట్టింది. బాలీవుడ్ స్టార్ షారుఖ్ ఖాన్ తో తన ఫస్ట్ మూవీ చేసే ఛాన్స్ కొట్టేసింది. ఓం శాంతి ఓం సినిమాతో ఇండస్ట్రీలోకి ఎంట్రీ ఇచ్చిన ఈ తార.. ఆ తర్వాత అనేక చిత్రాల్లో నటించి మెప్పించింది. అటు సినిమాలు.. ఇటు వాణిజ్య ప్రకటనలు చేసింది.

కొన్ని రోజుల క్రితం ప్రభాస్, నాగ్ అశ్విన్ కాంబోలో వచ్చిన కల్కి చిత్రంతో సౌత్ అడియన్స్ ముందుకు వచ్చింది. అంతకు ముందు జవాన్, పఠాన్ చిత్రాలతో మరిన్ని సక్సెస్ లు అందుకుంది. ప్రస్తుతం దీపికా తన కూతురుతో కలిసి ఫ్యామిలీ లైఫ్ ఎంజాయ్ చేస్తుంది. ఆమెకు ఇన్ స్టాలో 8 కోట్ల మంది ఫాలోవర్స్ ఉన్నారు.