Ranveer Singh: కల్కి సినిమా పై రణవీర్ సింగ్ ప్రశంసలు.. దీపికా గురించి ఏమన్నాడంటే
ఇప్పటికే ఈ సినిమా 600కోట్లకు పైగా వసూల్ చేసి రికార్డ్ క్రియేట్ చేసింది. నాగ్ అశ్విన్ దర్శకత్వంలో వచ్చిన ఈ సినిమా భారీ హిట్ ను సొంతం చేసుకుంది. ఈ సినిమా పై సర్వత్రా ప్రశంసలు కురిపిస్తున్నారు. ఈ సినిమా అను అద్భుతంగా తెరకెక్కించిన నాగ్ అశ్విన్ ను అభినందిస్తున్నారు. సామాన్యుల నుంచి సెలబ్రెటీల వరకు అందరూ సోషల్ మీడియావేదికగా సినిమాను అభినందిస్తున్నారు. పలువురు బాలీవుడ్ సెలబ్రిటీలు ఈ చిత్రాన్ని చూసి ప్రశంసలు కురిపించారు.
రెబల్ స్టార్ ప్రభాస్ కల్కి సినిమా ప్రభంజనం ఇంకా కంటిన్యూ అవుతుంది. పాన్ ఇండియా మూవీగా విడుదలైన ఈ సినిమా భారీ హిట్ దిశగా దూసుకుపోతుంది. ఇప్పటికే ఈ సినిమా 600కోట్లకు పైగా వసూల్ చేసి రికార్డ్ క్రియేట్ చేసింది. నాగ్ అశ్విన్ దర్శకత్వంలో వచ్చిన ఈ సినిమా భారీ హిట్ ను సొంతం చేసుకుంది. ఈ సినిమా పై సర్వత్రా ప్రశంసలు కురిపిస్తున్నారు. ఈ సినిమా అను అద్భుతంగా తెరకెక్కించిన నాగ్ అశ్విన్ ను అభినందిస్తున్నారు. సామాన్యుల నుంచి సెలబ్రెటీల వరకు అందరూ సోషల్ మీడియావేదికగా సినిమాను అభినందిస్తున్నారు. పలువురు బాలీవుడ్ సెలబ్రిటీలు ఈ చిత్రాన్ని చూసి ప్రశంసలు కురిపించారు. ఈక్రమంలోనే తాజాగా దీపికా పదుకొనె భర్త బాలీవుడ్ స్టార్ హీరో రణవీర్ సింగ్ కల్కి సినిమా పై ఇంట్రెస్టింగ్ కామెంట్స్ చేశాడు. తన భార్య దీపికతో పాటు మొత్తం టీమ్‌ను ప్రశంసించాడు రణవీర్ సింగ్.
ఇన్‌స్టాగ్రామ్ స్టోరీలో కల్కి పోస్టర్‌ను షేర్ చేసిన రణ్‌వీర్ సింగ్ అమితాబ్ బచ్చన్, ప్రభాస్, కమల్ హాసన్ అలాగే దీపికా పదుకొనేలను విడివిడిగా ప్రశంసించారు. “కల్కి 2898 AD ఒక గొప్ప సినిమా. ఇది నిజమైన బిగ్ స్క్రీన్ సినిమా. భారతీయ సినిమాలో అత్యుత్తమమైనది, నాగి సర్, మొత్తం టీమ్‌కు అభినందనలు అని రాసుకొచ్చాడు. అలాగే రణవీర్ ప్రభాస్, కమల్ హాసన్ ఇద్దరినీ “రెబల్ స్టార్ రాక్” అని “ఉలగనాయగన్ ఈజ్ ది బెస్ట్” అని రాశాడు.
దీనితో పాటు తాను అమితాబ్ బచ్చన్‌కి వీరాభిమానిని అని తెలిపాడు. అశ్వత్థామ పాత్రను పోషించిన అమితాబ్ బచ్చన్ ను ప్రశంసిస్తూ.. రణ్‌వీర్ ఇలా వ్రాశాడు, “మీరు నాలాంటి అమితాబ్ బచ్చన్‌కి గట్టి అభిమాని అయితే, మీరు ఈ సినిమాను మిస్ చేయలేరు. అన్నాడు అదేవిధంగా రణవీర్ దీపికా పదుకొనే నటనను మెచ్చుకున్నాడు ఆమెపై ప్రేమను కురిపించాడు. “నా బేబీ దీపికా పదుకొనే ఎంతో అద్భుతంగా నటించింది. అంత హత్తుకునే నటన, అంత శక్తి, నీకు ఎవరితోనూ పోటీ లేదు. నేను నిన్ను ప్రేమిస్తున్నాను.” అని రాసుకొచ్చాడు రణవీర్ సింగ్. ఈ కామెంట్స్ ఇప్పుడు వైరల్ అవుతున్నాయి. ఇక కల్కి విడుదలై 6 రోజులైంది. ఈ సినిమా ఒక్క ఇండియాలోనే 400 కోట్లకు పైగా వసూళ్లు సాధించింది. అంతే కాదు విదేశాల్లో కూడా ఈ సినిమాకు విపరీతమైన ఆదరణ లభిస్తోంది. అక్కడ కూడా సినిమా మంచి వసూళ్లు రాబడుతోంది. 160 కోట్లకు పైగా ఓవర్సీస్ బిజినెస్ చేసింది. ఇప్పుడు కల్కి భారీ రికార్డులను బద్దలు కొట్టడం ఖాయంగా కనిపిస్తోంది.
మరిన్ని సినిమా వార్తల కోసం ఇక్కడ క్లిక్ చేయండి.