Pushpa 2: పుష్ప 2 వైల్డ్ ఫైర్ ఈవెంట్.. బన్నీ, రష్మికలతో పాటు సందడి చేయనున్న ఆ ముగ్గురు స్టార్స్

Pushpa 2

అల్లు అర్జున్ పుష్ప 2 వైల్డ్ ఫైర్ ఈవెంట్ కు చెన్నైలోని లియో ముత్తు ఇండోర్ స్టేడియం ముస్తాబైంది. ఈ వైల్డ్ ఫైర్ ఈవెంట్ లో కిస్సిక్ సాంగ్ ను అల్లు అర్జున్ లాంచ్ చేయనున్నారు. ఇందుకోసం అల్లు అర్జున్, రష్మిక తో సహా చిత్ర యూనిట్ ఇప్పటికే చెన్నై చేరుకుంది. కాగా పుష్ఫ 2 వైల్డ్ ఫైర్ ఈవెంట్ లో ప్రధాన ఆకర్షణగా ముగ్గురు స్టార్ సింగర్స్‌ ఉండనున్నారు. వారిలో ఇద్దరూ పుష్ప-1 సినిమాలో తమిళ్‌ వర్షన్‌కు సంబంధించి రెండు సూపర్‌ హిట్‌ సాంగ్స్‌ పాడినవారు కావడం విశేషం. ఆండ్రియా జెర్మియా (ఊ సోల్రియా మావా), రాజలక్ష్మి (సామీ సామీ ) సాంగ్స్‌తో మెప్పించిన వారైతే.. పార్ట్‌2లో ‘కిస్సిక్‌’ అనే పాటను ఆలపించిన సుబ్లాషిని ఈ వేదికపైన సందడి చేయనున్నారు. వీరిలో ఆండ్రియా తెలుగు ఆడియెన్స్ కు బాగా పరిచయమే. పలు తెలుగు సినిమాల్లోనూ నటించి మెప్పించిందీ అందాల తార. ఇక సోషల్ మీడియా రీల్స్ ఫాలో అయ్యే వారికి రాజలక్ష్మి బాగా పరిచయం. ఇక ఇదే ఈవెంట్ లో ‘కిస్సిక్‌’ సాంగ్‌ లాంఛ్ జరగనుంది. ఈ పాటను తెలుగు, తమిళ్‌, కన్నడలో ఆలపించిన సుబ్లాషిణి వైల్డ్ ఫైర్ ఈవెంట్ లో లైవ్ పెర్ఫామెన్స్ ఇవ్వనుంది. సో.. మొత్తానికి ఈ అందాల భామలతో చెన్నైలోని పుష్ఫగాడి వైల్డ్ ఫైర్ ఈవెంట్ మరింత కలర్ ఫుల్ గా ఉండనుంది.

కాగా ఇటీవలే బిహార్ రాజధాని పట్నా వేదికగా గా రిలీజ్ చేసిన పుష్ప 2 ట్రైలర్ కు దేశవ్యాప్తంగా ప్రేక్షకులు బ్రహ్మరథం పడుతున్నారు. యూట్యూబ్ రికార్డులు బద్దలవుతున్నాయి. సుకుమార్ డైరెక్షన్ లో తెరకెక్కుతున్న భారీ బిగ్గెస్ట్ పాన్ ఇండియా మూవీ పుష్ప 2. ఇందులో హీరోయిన్ గా రష్మిక మందన్న నటిస్తోంది. దేవిశ్రీ ప్రసాద్ సంగీత దర్శకుడిగా వ్యవహరిస్తున్నారు. సుకుమార్ రైటింగ్స్ అసోసియేషన్ తో మైత్రి మూవీ మేకర్స్ భారీ బడ్జెట్ తో పుష్ఫ 2 సినిమాను నిర్మిస్తున్నారు. డిసెంబర్ 5న వరల్డ్ వైడ్ గా పుష్ప 2 రిలీజ్ కానుంది. రిలీజ్ కు ముందే దేశ వ్యాప్తంగా ఈ సినిమాపై భారీ అంచనాలు ఉన్నాయి. ఇండియన్ ఫిల్మ్ ఇండస్ట్రీ లో భారీ స్థాయిలో ప్రీ రిలీజ్ బిజినెస్ జరిగింది. ఇక నెల ముందే విదేశాల్లో పుష్ప 2 బుకింగ్స్ ఓపెన్ అయ్యాయి. ఓవర్సీస్ లలో హాట్ కేకుల్లా టికెట్స్ అమ్ముడుపోయాయి. ఈ సినిమాలో ఫహద్ ఫాజిల్, రావు రమేశ్, సునీల్ , జగపతిబాబు, అనసూయ కీలక పాత్రల్లో నటించారు.

స్టార్ సింగర్స్ లైవ్ పెర్ఫామెన్స్..

చెన్నైలో అల్లు అర్జున్ , రష్మిక..

మరిన్ని సినిమా వార్తల కోసం ఇక్కడ క్లిక్ చేయండి.