Pushpa 2: అల్లు అర్జున్ ఫ్యాన్స్ గెట్‌ రెడీ.. పుష్ఫ2 ట్రైలర్ రిలీజ్ టైమ్, డేట్ ఫిక్స్‌

Pushpa 2 Movie

టాలీవుడ్ ఐకాన్ స్టార్ అల్లు అర్జున్ అభిమానులు వేయి కళ్లతో ఎదురు చూస్తోన్న చిత్రం పుష్ప-2 ది రూల్. 2021లో విడుదలై బ్లాక్‌బస్టర్‌గా నిలిచిన పుష్ప చిత్రానికి సీక్వెల్‌గా ఈ సినిమా తెరకెక్కుతోంది. సుకుమార్ తెరకెక్కిస్తోన్నఈ మూవీ డిసెంబర్ 5 న ప్రపంచ వ్యాప్తంగా విడుదల అవుతోంది. రిలీజ్ డేట్ కు సమయం సమీపిస్తుండడంతో ప్రమోషన్స్ లో జోరు పెంచారు మేకర్స్. వరుసగా అప్డేట్స్ ఇస్తున్నారు. తాజాగా పుష్ప-2 ట్రైలర్ పై అధికారిక ప్రకటన ఇచ్చారు. ఈనెల 17న అల్లు అర్జున్ సినిమా ట్రైలర్ ను విడుదల చేయనున్నట్లు ప్రకటించారు. ఆ రోజు సాయంత్రం 06 గంటల 03 నిమిషాలకు రిలీజ్ చేయనున్నట్లు వెల్లడించారు. ఈ మేరకు సినిమాకు సంబంధించి అల్లు అర్జున్‌ పోస్టర్‌ కొత్త పోస్టర్ ను కూడా రిలీజ్ చేశారు. ఈ ట్రైలర్‌ రిలీజ్‌ ఈవెంట్‌ను బిహార్‌లో పాట్నాలో భారీఎత్తున నిర్వహిస్తున్నట్లు సోషల్ మీడియా ద్వారా అఫీషియల్ గా అనౌన్స్ చేశారు మేకర్స్. దీంతో బన్నీ ఫ్యాన్స్ తెగ సంబరపడిపోతున్నారు. ‘ట్రైలర్ కోసం వెయిటింగ్’ అంటూ క్రేజీ కామెంట్స్ పెడుతున్నారు. కాగా పుష్ప-1 లాగే ఈ సినిమాలోనూ స్పెషల్ సాంగ్ స్పెషల్ అట్రాక్షన్ గా ఉండనుంది. పార్ట్-1లో సమంత ఫ్యాన్స్‌ను అలరించగా.. పుష్ప-2లో లేటెస్ట్ సెన్సేషన్, డ్యాన్సింగ్ క్వీన్ శ్రీలీల బన్నీతో స్టెప్పులేయనుంది. ఇటీవల ఈ విషయాన్ని అధికారికంగా ప్రకటించారు మేకర్స్.

క్రియేటర్ డైరెక్టర్ సుకుమార్ తెరకెక్కిస్తోన్న పుష్ఫ 2 సినిమాలో నేషనల్ క్రష్‌ రష్మిక మందన్నామరోసారి శ్రీవల్లిగా ఆడియెన్స్ ను అలరించనుంది. అలాగే మలయాళ నటుడు ఫాహద్ ఫాజిల్ విలన్ గా కనిపించనున్నాడు. మైత్రీ మూవీ మేకర్స్ సంస్థ భారీ బడ్జెట్ తో అత్యంత ప్రతిష్ఠాత్మకంగా పుష్ప 2 సినిమాను నిర్మిస్తోంది. త్వరలోనే ఈ సినిమాకు సంబంధించి మరిన్ని అప్ డేట్స్ రానున్నాయి.

బిహార్ లో పుష్ప 2 ట్రైలర్ లాంఛ్ ఈవెంట్..

డిసెంబర్ 05న గ్రాండ్ రిలీజ్..

.మరిన్ని సినిమా వార్తల కోసం ఇక్కడ క్లిక్ చేయండి.