Allu Arjun: స్టేజ్ పైకి ఎక్కి స్టెప్పులేసి బన్నీ.. ఊ అంటావా మావా పాటకు ఇలా ఇరగదీశాడు

Allu Arjun

ఐకాన్ స్టార్ అల్లు అర్జున్ నటించి పుష్ప సినిమా ఎంతటి సంచలన విజయం సాధించిందో ప్రత్యేకంగా చెప్పాల్సిన అవసరం లేదు. సుకుమార్ దర్శకత్వంలో తెరకెక్కిన ఈ సినిమా భారీ విజయాన్ని అందుకుంది. బన్నీ మునుపెన్నడూ లేని విధంగా ఊర మాస్ గెటప్ లో కనిపించి ఆకట్టుకున్నాడు. ఎర్రచందనం స్మగ్లింగ్ బ్యాక్ డ్రాప్ లో ఈ సినిమాను తెరకెక్కించాడు సుకుమార్. ఇక ఈ సినిమాలో అల్లు అర్జున్ నటన ప్రత్యేక ఆకర్షణగా నిలిచింది. నేషనల్ క్రాష్ రష్మిక మందన్న హీరోయిన్ గా నటించిన ఈ సినిమాకు రాక్ స్టార్ దేవి శ్రీ సంగీతం అందించారు. అలాగే స్టార్ హీరోయిన్ సమంత స్పెషల్ సాంగ్ లో నటించింది. ఆ పాట ఎంత పాపులర్ అయ్యింది ప్రత్యేకంగా చెప్పాల్సిన అవసరం లేదు.

ఊ అంటావా అంటూ సాగే ఈ పాట.. దేశం మొత్తాన్ని ఊపేసింది. తాజాగా ఈ పాటకు స్టేజ్ పై డాన్స్ చేశారు అల్లు అర్జున్ హైదరాబాద్‌లో జరిగిన ఓ కార్యక్రమంలో సింగర్‌ మార్టిన్‌ గ్యారిక్స్‌  పుష్ప పాటలతో సందడి చేశాడు. ఈ కార్యక్రమానికి హాజరైన అల్లు అర్జున్ ఊ అంటావా మావా సాంగ్ కు స్టేజెక్కి స్టెప్పులేశాడు.

పాట మధ్యలో బన్నీ స్టేజ్‌ మీదకు వచ్చి డ్యాన్స్‌ వేయడంతో ఆడియన్స్‌ కూడా రెచ్చిపోయారు. హుషారుగా కేరింతలు కొడుతూ ఎంజాయ్ చేశారు. అదేవిధంగా మార్టిన్‌ గ్యారిక్స్‌తో కలిసి దిగిన ఫొటోలను అల్లు అర్జున్‌ తన సోషల్‌మీడియాలో షేర్‌ చేశారు. ఈ ఫోటోలకు ఎంతో ఆనందంగా ఉంది. తగ్గేదెలే అని రాసుకొచ్చాడు. ఈ ఫోటోలు ఇప్పుడు వైరల్ అవుతున్నాయి.