Ammoru Movie: అమ్మోరు సినిమా ఛాన్స్ మిస్ చేసుకున్నా.. కారణం ఇదే.. టాలీవుడ్ హీరోయిన్..
1995లో విడుదలైన ఒక అద్భుతమైన భక్తిరస ఫాంటసీ చిత్రం అమ్మోరు సినిమా. ఈ సినిమాకి కోడి రామకృష్ణ దర్శకత్వం వహించగా, శ్యామ్ ప్రసాద్ రెడ్డి నిర్మించారు. తెలుగు చలనచిత్ర చరిత్రలో విజువల్ గ్రాఫిక్స్ను సమర్థవంతంగా ఉపయోగించిన మొదటి చిత్రాలలో ఇది ఒకటిగా నిలిచింది. ఇందులో సౌందర్య, రమ్యకృష్ణ, సురేష్, రామిరెడ్డి ప్రధాన పాత్రల్లో నటించారు. రమ్యకృష్ణ 'అమ్మోరు' తల్లిగా తన పవర్ ఫుల్ నటనతో ప్రేక్షకులను మంత్రముగ్ధులను చేశారు.
తెలుగు చలనచిత్ర పరిశ్రమలో తనదైన హోమ్లీ లుక్, అద్భుతమైన నటనతో ఒకప్పుడు స్టార్ హీరోయిన్గా వెలిగిన నటి లయ గురించి ప్రత్యేకంగా చెప్పాల్సిన అవసరం లేదు. చైల్డ్ ఆర్టిస్ట్గా కెరీర్ ప్రారంభించి, ఆ తర్వాత ‘స్వయంవరం’, ‘మనోహరం’, ‘ప్రేమించు’ వంటి ఎన్నో సూపర్ హిట్ చిత్రాల్లో హీరోయిన్గా నటించి మెప్పించారు. వివాహం తర్వాత అమెరికాలో స్థిరపడి సినిమాలకు సుదీర్ఘ విరామం ఇచ్చిన లయ, ఇటీవల ‘సాంప్రదాయిని సుప్పిని సుద్ధపూసని’, నితిన్ ‘తమ్ముడు’ వంటి చిత్రాలతో టాలీవుడ్లోకి గ్రాండ్ రీ ఎంట్రీ ఇచ్చారు. ఈ క్రమంలోనే ఓ ఇంటర్వ్యూలో పాల్గొని తన కెరీర్కు సంబంధించిన పలు ఆసక్తికరమైన విషయాలను వెల్లడించారు.
ఈ ఇంటర్వ్యూలో లయ మాట్లాడుతూ.. టాలీవుడ్ క్లాసిక్ భక్తిరస చిత్రం ‘అమ్మోరు’ సినిమా గురించిన ఒక షాకింగ్ సీక్రెట్ను బయటపెట్టారు. కోడి రామకృష్ణ దర్శకత్వంలో గ్రాఫిక్స్ వండర్గా వచ్చిన ‘అమ్మోరు’ చిత్రంలో మొదట చైల్డ్ ఆర్టిస్ట్ పాత్ర కోసం లయనే అనుకున్నారట. అప్పటికి ఆమె చైల్డ్ ఆర్టిస్ట్గా కొన్ని సినిమాలు చేస్తూ క్లాసికల్ డాన్సర్గా గుర్తింపు తెచ్చుకున్నారు. అయితే ఆ సమయంలో లయ వయసు చాలా పెద్దది కావడం, పైగా చదువుపైనే పూర్తిగా దృష్టి పెట్టడం వల్ల ఆ భారీ ఆఫర్ను తిరస్కరించాల్సి వచ్చిందని తెలిపారు. ఒకవేళ ఆ సినిమా చేసి ఉంటే లయ కెరీర్ గ్రాఫ్ మరోలా ఉండేదనే చెప్పాలి. ఆ తర్వాత అదే పాత్రను నటి సునయన పోషించి కెరీర్లో మైలురాయిని అందుకున్నారు.
దీంతో పాటు తన కెరీర్లో అత్యంత ప్రశంసలు తెచ్చిపెట్టిన ‘ప్రేమించు’ సినిమాలోని అంధురాలి పాత్ర గురించి కూడా లయ మాట్లాడారు. ఆ పాత్ర చేసినప్పుడు ఇండస్ట్రీ నుండి, బయటి నుండి తీవ్ర విమర్శలు వచ్చాయని, కమర్షియల్ హీరోయిన్గా ఎదగాల్సిన సమయంలో ఇలాంటి ఆర్ట్ ఫిలింస్, డి-గ్లామర్ రోల్స్ ఎందుకు చేస్తున్నావంటూ భయపెట్టారని గుర్తుచేసుకున్నారు. సినిమా విడుదలైన మొదటి వారం 'కోటి రూపాయల నష్టం' అన్నారని, కానీ మూడో వారానికి అదే సినిమా 'కోటి రూపాయల లాభాన్ని' తెచ్చిపెట్టిందని ఆనందం వ్యక్తం చేశారు.
జీవితంలో గెలుపోటములు సహజమని, 24 ఏళ్లకే కెరీర్ వదిలేసి పెళ్లి చేసుకోవడానికి గల కారణాలను కూడా ఆమె ఈ ఇంటర్వ్యూలో సుదీర్ఘంగా పంచుకున్నారు. ప్రస్తుతం లయ చేసిన ఈ వ్యాఖ్యలు సోషల్ మీడియాలో నెటిజన్లను విశేషంగా ఆకట్టుకుంటున్నాయి. టాలీవుడ్లో తనదైన పద్ధతైన నటన, హోమ్లీ లుక్స్తో 2000ల తొలినాళ్లలో స్టార్ హీరోయిన్గా ఒక వెలుగు వెలిగారు. గ్లామర్ హడావుడి లేకుండా కేవలం నటనతోనే తెలుగు ప్రేక్షకుల గుండెల్లో ‘మన ఇంటి అమ్మాయి’ అనే ముద్ర వేసుకున్నారమె.
లయ విజయవాడలో జన్మించారు. ఆమె ఒక లలిత సంగీత గాయని, క్లాసికల్ డాన్సర్ కూడా. స్టేజ్ ప్రోగ్రామ్స్ ఇస్తున్న సమయంలోనే ఆమెకు సినిమా అవకాశాలు వచ్చాయి. హీరోయిన్ కాకముందే లయ చైల్డ్ ఆర్టిస్ట్గా పరిశ్రమలోకి అడుగుపెట్టారు. రాజేంద్ర ప్రసాద్ నటించిన ‘భద్రం కొడుకో’ (1992) చిత్రంలో బాలనటిగా కనిపించారు. 1999లో వేణు తొట్టెంపూడి సరసన వచ్చిన ‘స్వయంవరం’ సినిమాతో లయ హీరోయిన్గా పరిచయమయ్యారు. ఈ సినిమా బ్లాక్బస్టర్ హిట్ అవ్వడమే కాకుండా, నటిగా లయకు ఇండస్ట్రీలో గ్రాండ్ వెల్కమ్ పలికింది.