Kangana Ranaut : ‘థాకడ్’ మూవీతో నేనేంటో చూపిస్తానంటున్న ఫైర్బ్రాండ్ కంగనా
బాలీవుడ్ కాంట్రవర్సీ క్వీన్ ఇటీవల కాస్త సైలెంట్ మోడ్ లో ఉంటున్నారు. కరోనా సమయంలో కాచుకోండి అంటూ నిత్యం ఎదో ఒక విషయం పై వార్తల్లో నిలిచిన కంగనా..
బాలీవుడ్ కాంట్రవర్సీ క్వీన్ కంగనా (Kangana Ranaut )ఇటీవల కాస్త సైలెంట్ మోడ్ లో ఉంటున్నారు. కరోనా సమయంలో కాచుకోండి అంటూ నిత్యం ఎదో ఒక విషయం పై వార్తల్లో నిలిచిన కంగనా.. ఈ మధ్య పెద్దగా హడావిడి చేయడం లేదు అనేది బీటౌన్ టాక్. ఇక సినిమాల్లోనూ అమ్మడు జోరు తగ్గించిందని వార్త చక్కర్లు కొడుతోంది. అయితే ఈసారి టార్గెట్ మిస్సయ్యే ప్రసక్తే లేదు అంటున్నారు ఫైర్బ్రాండ్ కంగనా రనౌత్. సాహసాలు చేసిచేసి అలసిపోతున్నా.. అలసిపోతున్నట్టు కనిపించడం లేదామె. కానీ.. ఇదిగో ఇప్పుడే గురిపెట్టి కొట్టే మరొకటొచ్చింది. కాచుకోండి అంటున్నారు. ఆలియా, తాప్సీ లాంటి తన కౌంటర్‌పార్ట్స్ అందరూ అటోఇటో ఎటోవైపు దూసుకెళ్తుంటే ఫైర్బ్రాండ్ కంగనా కూడా ఎలర్ట్ అయ్యారు. లాకప్‌ అనే రియాలిటీ షోని హోస్ట్ చేస్తూ డిజిటల్ ఆడియన్స్‌తో టచ్‌లోకొచ్చారు. బిగ్ స్క్రీన్స్‌ని కూడా ఓ పట్టు పట్టాలన్న కసి కనిపిస్తోంది క్వీన్ దగ్గర.
ఈసారి థాకడ్ అనే బలీయమైన సబ్జెక్ట్‌తో బిగ్ ఎఫర్ట్ పెట్టారామె. అర్జున్‌ రాంపాల్‌తో కలిసి నటిస్తున్న కంగనా… ఇందులో ఏజెంట్ అగ్ని అనే స్పై ఏజెంట్‌గా కనిపిస్తారు. టెరిఫిక్ యాక్షన్‌ సీన్స్‌తో హీరోలకే రిటార్ట్ ఇవ్వాలన్న కమిట్‌మెంట్‌తో ఉన్నారు. ట్రయిలర్ లాంచ్‌లో కంగనా చేసిన హల్‌చల్ చూసి.. బీటౌనే హడలిపోతోంది. సౌత్ సినిమాను రిపీటెడ్‌గా పొగుడుతూ నార్త్‌ ఇండస్ట్రీతో శత్రుత్వం పెంచుకున్న కంగనా… తలైవితో సౌత్ మార్కెట్‌లోకి గ్రాండ్‌గా ఎంట్రీ ఇవ్వాలని కల గన్నారు. అది సాకారం కాలేదు. ఇటు.. హిందీలో కూడా పంగా పేరుతో చేసిన స్పోర్ట్స్‌ డ్రామా ఒక్కటే కంగనాకు మిగిలిన లేటెస్ట్ మెమరీ. అందుకే.. థాకడ్ మూవీతో నేనేంటో చూపిస్తానంటూ గర్జిస్తున్నారు కంగనా.
మరిన్ని ఇక్కడ చదవండి :