Harsha Vardhan: అనిల్ రావిపూడి సినిమాలు హిట్ వెనుక సీక్రెట్ ఇదే.. ఓపెన్గా చెప్పేసిన హర్షవర్ధన్
నటుడు హర్ష వర్ధన్ ఇటీవల ఇచ్చిన ఓ ఇంటర్వ్యూలో దర్శకుడు అనిల్ రావిపూడి గురించి ఆసక్తికర విషయాలు పంచుకున్నారు. ఆయన తీసిన ప్రతి సినిమా హిట్గా నిలుస్తుందని అన్నారు. ఆ వివరాలు ఇలా ఉన్నాయి. ఓ సారి లుక్కేయండి మరి. అదేంటంటే..
నటుడు హర్షవర్ధన్ ఇటీవల ఒక ఇంటర్వ్యూలో దర్శకుడు అనిల్ రావిపూడి సినీ కెరీర్, విజయ రహస్యాలు, ఎదుర్కొన్న సవాళ్ళపై తన అభిప్రాయాలను పంచుకున్నారు. అనిల్ రావిపూడి ప్రతి సినిమా హిట్గా నిలుస్తుందని, ఇది మామూలు హిట్ కాదని, ఆయన చెప్పి మరీ కొడతారని హర్షవర్ధన్ అన్నారు. ఒక సినిమాలో సూర్య పాత్ర పక్కన సుధ అని పదేపదే పిలవడం, అలాగే అనిల్ రావిపూడి సినిమాలలో నారాయణ అని పిలవడాన్ని పోలుస్తూ ప్రజలు ప్రశ్నించారని, అయితే అది యాదృచ్ఛికమేనని తనకు అనిపించిందని హర్షవర్ధన్ పేర్కొన్నారు.
అనిల్ రావిపూడి సినిమాల షూటింగ్లో తరచుగా నెగటివ్ క్యాంపెయిన్ నడిచినప్పటికీ, ఆయన సెట్లో అద్భుతమైన ఆత్మవిశ్వాసంతో ఉంటారని హర్షవర్ధన్ వివరించారు. ఈ ఆత్మవిశ్వాసాన్ని చెప్పడానికి, రజనీకాంత్, కమల్ హాసన్ నటించిన అందమైన అనుభవం చిత్రంలోని ఒక సీన్ ఉదాహరించారు. ఆ సన్నివేశంలో రజనీకాంత్ తన సిగరెట్ స్టైల్ను పదిసార్లు చేస్తే పది లక్షలు ఇస్తానని ఒక ధనవంతుడు ఆఫర్ చేస్తాడు. అయితే, ఓడిపోతే చిటికెన వేలు ఇవ్వాలనే షరతు పెడతాడు. ఈ ఒత్తిడిలో కూడా రజనీకాంత్ పాత్ర ఆత్మవిశ్వాసంతో ఆ సవాలును స్వీకరిస్తుంది. అనిల్ రావిపూడి కూడా తన చిత్రాలపై తీవ్రమైన ఒత్తిడి ఉన్నప్పుడు అలాంటి ఆత్మవిశ్వాసాన్నే ప్రదర్శిస్తారని హర్షవర్ధన్ పోల్చారు. అనిల్ రావిపూడి విజయానికి ముఖ్య కారణం ఆయన “మధ్యతరగతి ఆలోచనా విధానాన్ని” పట్టుకోవడమేనని హర్ష వర్ధన్ స్పష్టం చేశారు. ఈ మధ్యతరగతి ఆలోచనా విధానం ఆర్థిక స్థితికి సంబంధించింది కాదని, ఇది ఒక మైండ్సెట్ అని వివరించారు. వేల కోట్లు సంపాదించిన వారికి కూడా ఈ మైండ్సెట్ ఉండవచ్చని చెప్పారు. ఈ లక్షణాలతో కూడిన మైండ్సెట్ను అనిల్ రావిపూడి తన సినిమాలలో విజయవంతంగా చిత్రీకరిస్తున్నారని హర్షవర్ధన్ స్పష్టం చేశారు.