OTT Movies: వీకెండ్ డబుల్ ధమాకా.. ఓటీటీల్లోకి వచ్చేసిన క్రేజీ మూవీస్ ఇవే!
థియేటర్లతో పాటుగా ఓటీటీలు కూడా ప్రతీ వారం సూపర్ హిట్ చిత్రాలతో సందడి చేస్తున్నాయి. ముఖ్యంగా ఓ వర్గం ప్రేక్షకులు..
థియేటర్లతో పాటుగా ఓటీటీలు కూడా ప్రతీ వారం సూపర్ హిట్ చిత్రాలతో సందడి చేస్తున్నాయి. ముఖ్యంగా ఓ వర్గం ప్రేక్షకులు ఓటీటీల్లో వచ్చే సూపర్ హిట్ సినిమాలు, వెబ్ సిరీస్‌ల కోసం ఎదురు చూస్తుంటారు. మరి ఎప్పటిలానే ఈ వీకెండ్ కూడా ఫ్యాన్స్‌కు డబుల్ ధమాకా ఇచ్చేందుకు సినిమాలు సిద్దమయ్యాయి. అవేంటో చూసేద్దాం పదండి..
ఇట్లు మారేడుమిల్లి ప్రజానీకం:
అల్లరి నరేష్ ప్రధాన పాత్రలో దర్శకుడు ఏఆర్ మోహన్ తెరకెక్కించిన చిత్రం ‘ఇట్లు మారేడుమిల్లి ప్రజానీకం’. ఇందులో ఆనంది హీరోయిన్గా నటించింది. నవంబర్ 25న థియేటర్లలో సందడి చేసిన ఈ చిత్రం.. కమర్షియల్‌గా సక్సెస్ కాలేకపోయింది. ఇక ఇప్పుడు ఓటీటీ ప్రేక్షకులను అలరించేందుకు సిద్దమైంది. డిసెంబర్ 23 నుంచి జీ5 ఓటీటీ వేదికగా స్ట్రీమింగ్ అవుతోంది.
మసూద:
చిన్న సినిమాగా వచ్చి బాక్సాఫీస్ దగ్గర సెన్సేషన్ క్రియేట్ చేసింది ‘మసూద’. ఈ సినిమాతో సాయికిరణ్‌ దర్శకుడిగా పరిచయం కాగా.. సంగీత, తిరువీర్, బాంధవి శ్రీధర్ ముఖ్య పాత్రలను కనిపించారు. నవంబర్ 18న ప్రపంచ వ్యాప్తంగా విడుదలైన ఈ మూవీ మంచి వసూళ్లు రాబట్టింది. ప్రస్తుతం ఈ చిత్రం ఆహాలో ఈనెల 21 నుంచి స్ట్రీమింగ్ అవుతోంది.
లవ్ టుడే:
ఈ తమిళ సినిమా బాక్సాఫీస్ దగ్గర పెద్ద సెన్సేషన్ క్రియేట్ చేసింది. ఎలాంటి అంచనాలు లేకుండా కేవలం రూ. 5 కోట్ల బడ్జెట్‌తో రూపొందిన ఈ చిత్రానికి దాదాపుగా రూ. 60 కోట్లకు పైగా కలెక్షన్లు వచ్చాయి. అన్ని సెంటర్ల ప్రేక్షకులకు ఈ లవ్ ఎంటర్టైనర్ విపరీతంగా ఆకట్టుకుంది. ఇక తెలుగులో ‘లవ్ టుడే’ పేరుతో నవంబర్ 25న రిలీజ్ అయిన ఈ మూవీ ఇక్కడ కూడా అద్భుతమైన రెస్పాన్స్ దక్కించుకుంది. ఇప్పటిదాకా థియేటర్లలో సందడి చేసిన ఈ చిత్రం ఓటీటీల్లో అలరించేందుకు సిద్దమైంది. ప్రముఖ ఓటీటీ సంస్థ నెట్ ఫ్లిక్స్ వేదికగా ఈరోజు అర్ధరాత్రి నుంచి లవ్ టుడే తెలుగు వర్షన్ స్ట్రీమింగ్ అవుతుండగా.. దీనితో పాటు కన్నడ, తమిళ వెర్షన్లు కూడా అందుబాటులోకి వచ్చాయి.
థ్యాంక్ గాడ్:
సిద్ధార్థ్‌ మల్హోత్రా, అజయ్ దేవగణ్ ప్రధాన పాత్రల్లో నటించిన చిత్రం’థ్యాంక్ గాడ్’. ఇంద్ర కుమార్ దర్శకత్వం వహించిన ఈ చిత్రంలో రకుల్‌ ప్రీత్‌ సింగ్‌ హీరోయిన్గా నటించింది. ఫాంటసీ కామెడీగా తెరకెక్కిన ఈ చిత్రం అక్టోబర్‌ 25న ప్రేక్షకుల ముందుకు రాగా.. ప్రస్తుతం ఓటీటీలో సందడి చేసేందుకు సిద్దమైంది. ఈ మూవీ డిసెంబర్ 20వ తేదీ నుంచి అమెజాన్‌ ప్రైమ్‌ వీడియోలో స్ట్రీమింగ్ అవుతోంది.
జయ జయ జయ జయహే:
బసిల్‌ జోసెఫ్‌, దర్శనా రాజేంద్రన్‌ ప్రధాన పాత్రల్లో నటించిన మలయాళీ హిట్ మూవీ ‘జయ జయ జయ జయహే’. ఈ చిత్రానికి విపిన్ దాస్ దర్శకుడు కాగా.. అంకిత్ మేనన్ సంగీతం అందించాడు. డిసెంబర్ 22 నుంచి ఈ మూవీ నెట్‌ఫ్లిక్స్‌లో స్ట్రీమింగ్ అవుతోంది.
రామ్ సేతు:
అక్షయ్‌ కుమార్ హీరోగా నటించిన చిత్రం ‘రామ్ సేతు’. రామ్ సేతు కథాంశం నేపధ్యంలో సాగే ఈ అడ్వెంచర్స్ థ్రిల్లర్ బాక్సాఫీస్ దగ్గర పెద్ద ఆకట్టుకోలేకపోయింది. ఇందులో హీరో సత్యదేవ్‌ కీలక పాత్రలో కనిపించగా.. జాక్వెలిన్‌ ఫెర్నాండెజ్‌, నుస్రత్‌ బరూచా హీరోయిన్లుగా నటించారు. ఈ చిత్రం తాజాగా ఓటీటీలోకి వచ్చేసింది. డిసెంబర్ 23 నుంచి ప్రముఖ ఓటీటీ సంస్థ అమెజాన్‌ ఫ్రైమ్‌ వీడియోలో ఈ మూవీని ఉచితంగా చూసేయొచ్చు.
టీచర్:
అమలా పాల్ ప్రధాన పాత్రలో తెరకెక్కించిన మలయాళ చిత్రం ‘ది టీచర్’. దీనికి వివేక్ దర్శకత్వం వహించగా.. హక్కిమ్, చెంబాన్ వినోద్ కీలక పాత్రల్లో నటించింది. ఈ చిత్రం డిసెంబర్ 23 నుంచి నెట్‌ఫ్లిక్స్ వేదికగా తెలుగు, తమిళ, కన్నడ, మలయాళీ భాషల్లో స్ట్రీమింగ్ అవుతోంది.