‘నీకు ఇదేం వినోదం తల్లీ ? సిగ్గు ! సిగ్గు !’ టీవీ నటి దీపికా సింగ్ పై నెటిజన్ల ఫైర్, ఆమె ఏం చేసిందో చూస్తే షాక్ తినాల్సిందే మరి !
హిందీ టీవీ సీరియల్ 'దియా ఔర్ బాతీ ' లో సంధ్య పాత్ర పోషిస్తున్న దీపికా సింగ్ మీద నెటిజన్లు ఇంతెత్తున మండిపడుతున్నారు. మహారాష్ట్ర గుజరాత్ రాష్ట్రాలను ముంచెత్తిన తౌప్తే తుపాను ప్రభావంతో ముంబై నగరం కూడా వణికిపోయింది. భారీ గాలులకు...
హిందీ టీవీ సీరియల్ ‘దియా ఔర్ బాతీ ‘ లో సంధ్య పాత్ర పోషిస్తున్న దీపికా సింగ్ మీద నెటిజన్లు ఇంతెత్తున మండిపడుతున్నారు. మహారాష్ట్ర గుజరాత్ రాష్ట్రాలను ముంచెత్తిన తౌప్తే తుపాను ప్రభావంతో ముంబై నగరం కూడా వణికిపోయింది. భారీ గాలులకు నేల కూలిన ఓ చెట్టు దగ్గర ఈమె తీసుకున్న ఫోటోలు వారికి ఆగ్రహం కలిగించాయి. ఈ ప్రకృతి వైపరీత్యంతో జనాలు చస్తుంటే నువ్వు ఇలా ఎంజాయ్ చేస్తున్నావా ? షేమ్, షేమ్ అని వారు సోషల్ మీడియాలో ఆమెను దుమ్మెత్తిపోశారు. ఈ నెల 17 న ఈమె తన ఇన్స్ టా గ్రామ్ లో ఈ ఫోటోల తాలూకు పోస్టులను చాలానే పెట్టింది. ‘ఈ తుఫానును మనం అణచివేయలేం..అందువల్ల దీన్ని ఆపడానికి ప్రయత్నించకండి..కామ్ గా ఉండి ఈ ప్రకృతిని ఆస్వాదించండి’ అని క్యాప్షన్ కూడా పెట్టింది. మా ఇంటి పక్కనే ఉన్న ఈ చెట్టు కూలిపోయిందని, అయితే ఎవరూ గాయపడలేదని తాను, తన భర్త రోహిత్ ఈ సైక్లోన్ ని గుర్తుంచుకోవడానికి కొన్ని ఫోటోలు తీసుకున్నామని దీపికా సింగ్ పేర్కొంది. రోహిత్ రాజ్ గోయల్ ఈమె భర్త.. అన్నట్టు వర్షంలో తడుస్తూ ఈమె ఓ సాంగ్ కి డ్యాన్స్ కూడా చేయడం విశేషం.
దియా ఔర్ బాతీ సీరియల్ ముఖ్యంగా ముంబైలో బాగా పాపులర్ అయింది. సంధ్య పాత్రకు ఈమె తగినదని నెటిజనులంతా ప్రశంసించినప్పటికీ.. ఈ విడ్డూరపు చోద్యంతో ఆమె మీద ఫైరవుతున్నారు.
మరిన్ని చదవండి ఇక్కడ : Lockdown Violation : నాగిని డ్యాన్స్ వేపించిన పోలీసులు…వైరల్ అవుతున్న వీడియో.లాక్ డౌన్ నియమాలు అతిక్రమిస్తే ఇక అంతే ..