Bigg Boss 8 Telugu: బిగ్‏బాస్‏లోకి ఆర్జీవీ హీరోయిన్.. హౌస్‏లో అందాల భామ.. ఎవరంటే..

Bigg Boss

ఎప్పుడెప్పుడా అని అడియన్స్ ఎంతో ఆసక్తిగా ఎదురుచూస్తున్న బిగ్‏బాస్ రియాల్టీ షో మరికొన్ని గంటల్లో స్టార్ట్ కానుంది. సెప్టెంబర్ 1న రాత్రి 7 గంటల నుంచి తెలుగు బిగ్‏బాస్ సీజన్ 8 ప్రారంభం కానుంది. ఇప్పటికే చాలా రోజులుగా ఈసారి హౌస్‏లోకి ఎంటరయ్యే కంటెస్టెంట్స్ గురించి నెట్టింట పెద్ద చర్చే నడుస్తుంది. సీజన్ 7 తర్వాత ఈసారి హౌస్ లోకి ఎలాంటి కంటెస్టెంట్స్ రాబోతున్నారనే విషయాలను తెలుసుకోవడానికి నెటిజన్స్ తెగ ఇంట్రెస్ట్ చూపిస్తున్నారు. ఇప్పటికే చాలా మంది పేర్లు బయటకు వచ్చాయి. సీరియల్ యాక్టర్స్, యాంకర్స్, సోషల్ మీడియా స్టార్స్ ఇలా ఎవరెవరో పేర్లు నెట్టింట మారుమోగాయి. అయితే ఈసారి ఎక్కువగా జనాలకు ముఖ పరిచయం ఉన్నవారే రానున్నారని సమాచారం. కానీ జనాలకు అసలే తెలియని ముఖాలు ఒకరిద్దరు ఉండనున్నారట. అందులో ఆకులు సోనియా ఒకరు.

బిగ్‏బాస్ సీజన్ 8లోకి మోడల్‏గా రాబోతుందట ఆకులు సోనియా. ఇప్పుడు ఈ అమ్మడు పేరు నెట్టింట మారుమోగుతుంది. దీంతో అసలు ఎవరీ అమ్మాయి.. ? ఏ సినిమాలో నటించింది ? అనే విషయాలు తెలుసుకోవాలని వెయిట్ చేస్తున్నారు జనాలు. ఆకులు సోనియా.. ఇదివరకే హీరోయిన్‏గా తెలుగు సినీరంగంలోకి అడుగుపెట్టింది. డైరెక్టర్ రామ్ గోపాల్ వర్మ తెరకెక్కించిన కరోనా వైరస్ అనే చిత్రంలో నటించింది. ఇందులో ఆమె నటనకు మంచి మార్కులే పడ్డాయి. ముఖ్యంగా ఆర్జీవి ప్రశంసలు అందుకుంది.

నటిగా గుర్తింపు తెచ్చుకోవడానికి ముందు ఈ బ్యూటీ మోడల్. ఇప్పుడిప్పుడే సినీరంగంలో అవకాశాల కోసం ట్రై చేస్తుంది. ఇక ఇప్పుడు బిగ్‏బాస్ హౌస్ లోకి ఎంట్రీ ఇవ్వబోతుంది. ప్రస్తుతం ఈ బ్యూటీ పేరు ఎక్కువగా వినిపిస్తుండగా.. అమ్మాడి కోసం సెర్చ్ చేస్తున్నారు నెటిజన్స్.

మరిన్ని సినిమా వార్తల కోసం ఇక్కడ క్లిక్ చేయండి.