Bigg Bigg 5 Telugu: వామ్మో.. ఇదేక్కడి గోల రా బాబు.. నామినేట్ చేయమంటే నోటికి పని చెప్పారు… బూతులతో రెచ్చిపోయిన కంటెస్టెంట్..
బిగ్బాస్ సీజన్ 5 గత షోలకు భిన్నంగా సాగుతుందనే చెప్పుకోవాలి.. ప్రారంభమైన రెండో రోజు నుంచే ఇంట్లో రచ్చ షురు చేశారు కంటెస్టెంట్స్.
బిగ్బాస్ సీజన్ 5 గత షోలకు భిన్నంగా సాగుతుందనే చెప్పుకోవాలి.. ప్రారంభమైన రెండో రోజు నుంచే ఇంట్లో రచ్చ షురు చేశారు కంటెస్టెంట్స్. మొదటి నుంచి గొడవలు, డ్రామాలతో ఫిట్టింగ్లు పెట్టే బిగ్బాస్కే పనిలేకుండా చేస్తున్నారు. ఇక మొదటి వారం ఎలిమినేషన్ ప్రక్రియ ఆదివారం జరిగిన సంగతి తెలిసిందే. ఇందులో భాగంగా మొదటగా సరయు ఇంటి నుంచి బయటకు వచ్చింది. ఇక రెండో వారం నామినేషన్ ప్రక్రియ సోమవారం రసవత్తరంగా జరిగింది. నామినేషన్ ప్రక్రియ కోసం బిగ్బాస్ సభ్యులను రెండు టీంలుగా విడగొట్టారు. నక్క, గ్రద్ద అంటూ రెండు టీంలుగా విభజించగా.. నక్క టీంలో ఉమా, లహరి, మానస్, జెస్సీ, రవి, సన్నీ, శ్వేత, నటరాజ్, కాజల్ ఉన్నారు. ఇక గ్రద్ద టీంలో లోబో, విశ్వ, యానీ, శ్రీరాం, ప్రియ, హమీద, సిరి, షణ్ముఖ్, ప్రియాంకలు ఉన్నారు. ఇక ఒక టీంలోని సభ్యుడు ఇతర టీంలోని ఇద్దరు సభ్యులను నామినేట్ చేయాల్సి ఉంటుందని చెప్పాడు.
మొదటగా సిరి… ఉమా, నటరాజ్లను నామినేట్ చేసింది. ఆ తర్వాత నటరాజ్ మాస్టర్.. ప్రియ, ప్రియాంకలను.. యానీ మాస్టర్… ఉమా, కాజల్లను, సన్నీ.. ప్రియ, ప్రియాంక.. ప్రియాంక సింగ్.. నటరాజ్, సన్నీలను నామినేట్ చేసింది. ఇక మానస్.. లోబో, ప్రియాలను నామినేట్ చేస్తూ.. లోబో తనకు సాయం చేయలేదని.. ప్రియ సరిగ్గా మాట్లాడటం లేదని చెప్పాడు. ఇక అసలైన రచ్చ విశ్వ నామినేట్ ప్రక్రియతో మొదలైంది. విశ్వ వచ్చి ఉమా, కాజల్ను నామినేట్ చేశాడు. మళ్లీ పాత గొడవలను తవ్వి తీశాడు. నాగార్జున ఇచ్చి ఆలు కర్రీని ఇంట్లో వాళ్లకి ఇవ్వలేదని ఉమాను నామినేట్ చేశాడు. దీంతో ఉమా స్పందిస్తూ.. నాగార్జున తనను మాత్రమే తినాలన్నాడని.. అందుకే ఎవరికి ఇవ్వలేదని చెబుతూ దారుణమైన కామెంట్స్ చేసింది. దీంతో ఇంట్లో ఉన్నవాళ్లంతా షాక్ అయ్యారు. షన్ను అయితే నోరెళ్లబెట్టాడు. ఇక ప్రియాంక సింగ్ అయితే కింద పడి మరీ నవ్వేసింది. ఇక ఆ తర్వాత ఉమా..నామినేట్ చేసేందుకు వచ్చి మరోసారి రెచ్చిపోయింది. యానీ మాస్టర్, విశ్వలను నామినేట్ చేస్తూ.. నోటికి పని చెప్పింది.. దారుణమైన బూతులు మాట్లాడుతూ.. ఇంట్లో రచ్చ చేసింది. మొత్తానికి రెండో వారం నామినేషన్ ప్రక్రియ రసవత్తరంగా జరిగింది.
Also Read: MAA Elections 2021: రసవత్తరంగా మా ఎన్నికలు.. ఊపందుకున్న విందు రాజకీయాలు.. మంచు విష్ణు ఆధ్వర్యంలో..