Priyanka Chopra: పుట్టిన మూడు నెలల తర్వాత కూతురుకు నామకరణం చేసిన ప్రియాంక.. ఏం పేరు పెట్టిందంటే..

Priyanka Chopra

Priyanka- Nick Jonas: బాలీవుడ్‌లో స్టార్‌ హీరోయిన్‌ గా గుర్తింపు తెచ్చుకున్న ప్రియాంక చోప్రా (Priyanka Chopra) ఇప్పుడు హాలీవుడ్‌లోనూ సత్తా చాటుతోంది. వరుస సినిమాలు, వెబ్‌సిరీస్ లు చేస్తోంది. ఇదిలా ఉంటే 2018లో ప్రముఖ అమెరికన్‌ పాప్‌ సింగర్ నిక్‌జొనాస్‌ (Nick Jonas) తో కలిసి ప్రియాంక పెళ్లిపీటలెక్కిన సంగతి తెలిసిందే. నాలుగేళ్ల దాంపత్య బంధానికి గుర్తుగా ఈ ఏడాది జనవరిలో సరోగసి ద్వారా పండంటి ఆడబిడ్డకు జన్మినిచ్చారు. అయితే అప్పటి నుంచి బిడ్డ ఫొటోలు కానీ, పేరును కానీ బయటకు తెలియనివ్వకుండా జాగ్రత్తపడ్డారీ లవ్లీ కపుల్‌. తాజాగా తమ గారాల పట్టికి ‘మాల్తీ మేరీ చోప్రా జోనస్‌’ (Malti Marie Chopra Jonas) అని పేరు పెట్టారట. కాగా మాల్టీ అంటే సంస్కృతంలో సువాసన కలిగిన పువ్వు అని అర్థం. అంతేకాకుండా ప్రియాంక త‌ల్లి పేరు మ‌ధుమాలతి నుంచి మాలతి అని తీసుకున్నార‌ట‌. ఇక మేరీ అంటే నక్షత్రం అని అర్థం. అలాగే జోనస్‌ తల్లి పేరు కూడా కలుస్తుంది. ఇక చివరిగా తన పేరు, భర్త పేరు వచ్చేలా చోప్రా జోనస్‌ కూడా జోడించారట.

బర్త్‌ సర్టిఫికెట్‌లో..

ప్రియాంక దంపతులు ఇటీవలే తమ కూతురుకు ఇటీవలే బర్త్ సర్టిఫికెట్ తీసుకున్నారట. అందులో పాప పేరుపే మాలతి మేరీ చోప్రా జోనాస్ అని రాయించారట. ఆ సర్టిఫికెట్‌లో మాలతి, కాలిఫోర్నియాలోని శాండియాగోలో జనవరి 15న రాత్రి 8 గంటలకు పుట్టినట్లు ఉందట. ఇక సినిమాల విషయానికొస్తే.. ఇటీవలే ‘ది మ్యాట్రిక్స్:​ రిసరెక్షన్స్’​తో సినిమాతో హాలీవుడ్ ప్రేక్షకులను అలరించింది ప్రియాంక. ప్రస్తుతం ‘సిటాడెల్’ అనే వెబ్‌సిరీస్‌లో నటిస్తోంది. దీనిని అమెజాన్​ ప్రైమ్ ప్రతిష్ఠాత్మకంగా తెరకెక్కిస్తోంది.

Also Read:Bandi Sanjay: లెక్కలు తెలియకుంటే తెలుసుకో.. మంత్రి కేటీఆర్‌కు బండి సంజయ్‌ కౌంటర్‌

PM Modi Address Live Updates: గురుతేజ్ బహదూర్ 400వ ప్రకాష్ పర్వ్.. ఎర్రకోట నుంచి ప్రధాని మోదీ ప్రసంగం..

Volvo Cars: వాహనాల కొనుగోలుదారులపై బాదుడే.. బాదుడు.. ఈ కంపెనీ కార్ల ధరలు భారీగా పెంపు