OTT Movie: ఆస్పత్రిలో మనుషుల్ని పీక్కు తినే దెయ్యాలు.. ఓటీటీలో దడ పుట్టిస్తోన్నహారర్ థ్రిల్లర్.. ఒంటరిగా చూడొద్దు

OTT Movie

సాధారణంగా హారర్, థ్రిల్లర్ సినిమాలన్నీ దయ్యాలు, పిశాచాల చుట్టూ తిరుగుతూ ఉంటాయి. అలాగే ఆత్మ మనిషి బాడీలోకి ప్రవేశించడం, మనుషులను ఇబ్బంది పెట్టడం, హింసించడం.. ఇలా రకరకాల కథలు, కథనాలతో ఈ మధ్యన సినిమాలు వస్తున్నాయి. అయితే ఈ మూవీ కొంచెం నెక్ట్స్ లెవెల్. హాలీవుడ్‌లో మ్యాన్ ఈటర్ మూవీస్ చూసే ఉంటారు. అంటే మనుషుల్ని పీక్కుతినే దెయ్యాల సినిమాలన్నమాట. ఇప్పుడు మనం మాట్లాడుకోబోతున్న ఈ మూవీ కూడా సరిగ్గా ఇదే కోవకు చెందుతుంది. హారర్, సస్పెన్స్, థ్రిల్లింగ్ ఎలిమెంట్స్ తో ఆద్యంతం ఆడియన్స్‌ను భయపెట్టేలా ఈ సినిమా సాగుతుంది. మనిషి చనిపోయిన తరువాత ఆత్మ దేవుడి దగ్గరకు వెళ్లాలి. కానీ, అలా వెళ్లకుండా అదే ఆత్మ ఈవిల్ స్పిరిట్‌గా మారిపోతుందనే కాన్సెప్ట్‌తో ఈ సినిమాను తెరకెక్కించారు. ఈ సినిమా ఒక ఆస్పత్రిలోని వార్డు చుట్టూ తిరుగుతుంది. రాత్రి ఎనిమిది గంటల తర్వాత ఆ వార్డులోకి ఎవరూ అడుగు పెట్టరు. ఎందుకంటే ఆ వార్డులో దెయ్యం ఉందని అక్కడి జనాల నమ్మకం. అయితే ఈ విషయం తెలిసి కూడా ఒక డాక్టర్ పేషెంట్‌ను తీసుకుని వెళుతుంది. మరి ఆ తర్వాత ఏమైంది? ఆ డాక్టర్, పేషెంట్ కు ఎలాంటి అనుభవాలు ఎదురయ్యాయి? అని తెలుసుకోవాలంటే ఈ సినిమాను చూడాల్సిందే.

ఈ హారర్ థ్రిల్లర్ సినిమా పేరు భవానీ వార్డ్ 1997. ఈ ఏడాది ఫిబ్రవరిలో థియేటర్లలో ఈ సినిమా రిలీజైంది. అయితే పేరున్న నటీనటులు లేకపోవడం, పెద్దగా ప్రమోషన్లు నిర్వహించకపోవడంతో ఆడియెన్స్ ఈ మూవీని పెద్దగా పట్టించుకోలేదు. గాయత్రీ గుప్తా, గణేశ్‌ రెడ్డి, పూజా కేంద్రే, సాయి సతీష్‌ ఈ మూవీలో ప్రధాన పాత్రలు పోషించారు. జీడీఆర్‌ మోషన్‌ పిక్చర్, విభూ మీడియా సమర్పణలో చంద్రకాంత సోలంకి, జీడీ నరసింహా నిర్మించారు. థియేటర్లలో మిక్స్ డ్ టాక్ తెచ్చుకున్న ఈ మూవీ ఇప్పుడు ఓటీటీలోకి వచ్చేసింది. ప్రస్తుతం అమెజాన్ ప్రైమ్ వీడియోలో ఈ మూవీ స్ట్రీమింగ్ అవుతోంది. సస్పెన్స్, హారర్, థ్రిల్లర్‌ చిత్రాలను ఇష్టపడేవారికి భవానీ వార్డ్ 1977 సినిమా తప్పకుండా నచ్చుతుందని చెప్పొచ్చు.

మరిన్ని సినిమా వార్తల కోసం ఇక్కడ క్లిక్ చేయండి.