Paramporul OTT: ఓటీటీలోకి వచ్చేసిన తమిళ్‌ సస్పెన్స్‌ క్రైమ్‌ థ్రిల్లర్‌.. తెలుగులోనూ స్ట్రీమింగ్‌.. ఎక్కడంటే?

Paramporul Movie

ఓటీటీల్లో సస్పెన్స్‌, క్రైమ్‌, హార్రర్‌, థ్రిల్లర్‌ జానర్‌ సినిమాలకు మంచి ఆదరణ ఉంటుంది. అందుకే పలు ఓటీటీ సంస్థలు వివిధ భాషల్లో హిట్‌ అయిన సినిమాలు, సిరీస్‌లను తెలుగులోకి అనువాదం చేసి ఇక్కడి ఆడియెన్స్‌కు అందుబాటులోకి తీసుకొస్తున్నాయి. అలా తమిళంలో సూపర్‌ డూపర్‌ హిట్‌గా నిలిచిన ఒక సస్పెన్స్‌ క్రైమ్‌ థ్రిల్లర్‌ మూవీ ఒకటి ఓటీటీలోకి వచ్చింది. తెలుగు వెర్షన్‌ కూడా అందుబాటులో ఉంది. అదే ‘పరంపోరుల్‌’. అమితాశ్‌ ప్రధాన్‌, శరత్ కుమార్‌ ప్రధాన పాత్రల్లో నటించిన ఈ సినిమా గతేడాది త‌మిళంలో సెప్టెంబ‌ర్ 1న థియేట‌ర్ల‌లో రిలీజైంది. ఆకట్టుకునే కథా, కథనాలు, గ్రిప్పింగ్‌ స్క్రీన్‌ప్లే ఉండడంతో అక్కడి ప్రేక్షకులను పిచ్చ పిచ్చగా నచ్చేసింది పరంపోరుల్‌. బాక్సాఫీస్‌ వద్ద బాగానే వసూళ్లు రాబట్టింది. ఇప్పుడీ పరంపోరుల్‌ సినిమా డిజిటల్‌ స్ట్రీమింగ్‌కు వచ్చేసింది. ప్రముఖ తెలుగు ఓటీటీ ప్లాట్‌ఫామ్‌ ఈటీవీ విన్‌లో ఈ మూవీ స్ట్రీమింగ్‌ కు వచ్చేసింది. ఈ విషయాన్ని తమ అధికారిక సోషల్‌ మీడియా ద్వారా షేర్‌ చేసింది ఈటీవీ విన్‌ ఓటీటీ సంస్థ.

అర‌వింద్‌రాజ్ తెరకెక్కించిన పరంపోరుల్‌ సినిమాలో క‌శ్మీరా ప‌ర‌దేశీతో పాటు బాలాజీ శ‌క్తివేల్ కీలక పాత్రల్లో మెరిశారు. యువన్‌ శంకర్‌ రాజా బాణీలు సినిమా విజయంలో ప్రధాన పాత్ర పోషించాయి. ఇక సినిమా కథ విషయానికొస్తే.. ఆది (అమితాశ్‌ ప్రధాన్‌) నీతి, నిజాయితీగా లైఫ్‌ ను లీడ్‌ చేస్తుంటాడు. అయితే కొన్ని అత్యవసర సరిస్థితుల కారణంగా అతను పురాతన విగ్రహాలు చోరీ చేసే ముఠా సభ్యులతో చేతులు కలుపుతాడు. ప్రముఖ పోలీస్ ఆఫీస‌ర్ మైత్రేయ‌న్‌తో (శ‌ర‌త్‌కుమార్‌) క‌లిసి ప‌నిచేయ‌డానికి అంగీకరిస్తాడు. మరి ఆ ఒప్పందం ఆది జీవితాన్ని ఎలా మార్చేసింది అన్నదే పరంపోరుల్‌ సినిమా కథ. వీకెండ్‌లో మంచి యాక్షన్ అండ్‌ సస్పెన్స్‌ థ్రిల్లర్‌ మూవీని చూడాలనుకునే వారికి పరంపోరుల్‌ ఒక మంచి ఛాయిస్‌.

ఈటీవీ విన్ లో స్ట్రీమింగ్..

h3>ఈటీవీ విన్ లో స్ట్రీమింగ్ అవుతోన్న ఇతర సినిమాలు..

మరిన్ని సినిమా వార్తల కోసం ఇక్కడ క్లిక్ చేయండి..