The Legend: ఇట్స్ అఫీషియల్! ఓటీటీలోకి లెజెండ్ శరవణన్ ‘ది లెజెండ్’.. ఎక్కడ చూడొచ్చునంటే?

The Legend

గతేడాది ప్రముఖ వ్యాపారవేత్త లెజెండ్ శరవణన్ ‘ది లెజెండ్’ అనే పాన్ ఇండియా చిత్రంతో సినీ ఇండస్ట్రీలోకి అరంగేట్రం చేసిన సంగతి తెలిసిందే. దీనికి జే.డీ జెర్రీ దర్శకుడు కాగా, బాలీవుడ్ హీరోయిన్ ఊర్వశి రౌతేలా కథానాయికగా నటించింది. బాక్సాఫీస్ దగ్గర ఈ చిత్రం డిజాస్టర్‌గా నిలవడమే కాదు.. నెట్టింట విపరీతమైన ట్రోలింగ్‌ కూడా జరిగింది. ఇక ఈ మూవీ ఓటీటీలోకి ఎప్పుడెప్పుడు రిలీజ్ అవుతుందా అని అభిమానులు ఎదురు చూశారు. ఇక తాజాగా ఈ సైన్స్ ఫిక్షన్ యాక్షన్ చిత్రానికి ఓటీటీ రిలీజ్ డేట్ ఫిక్స్ అయింది. మార్చి 3వ తేదీ మధ్యాహ్నం 12.30 గంటల నుంచి డిస్నీ ప్లస్ హాట్ స్టార్ వేదికగా తమిళం, తెలుగు, హిందీ, మలయాళ భాషలలో ఈ చిత్రం స్ట్రీమింగ్ కానుంది. ఈ విషయాన్ని లెజెండ్ శరవణన్ కొద్దిసేపటి క్రితం స్వయంగా ప్రకటించారు.