
రిపబ్లిక్ డే సందర్భంగా జనవరి 25న విడుదలైన ‘ఫైటర్’ సినిమాను ఓటీటీలో చూడాలని ఎదురుచూస్తున్న వారికి ఇప్పుడు శుభవార్త అందింది. హృతిక్ రోషన్ , దీపికా పదుకొణె జంటగా నటించిన ఈ బాలీవుడ్ చిత్రం డిజిటల్ స్ట్రీమింగ్ కు వచ్చేసింది. దీనికి సంబంధించిన సమాచారాన్ని హృతిక్ రోషన్ కూడా సోషల్ మీడియాలో షేర్ చేసుకున్నారు. ‘ఫైటర్’ సినిమా ఓటీటీ విడుదల గురించి సోషల్ మీడియాలో పోస్ట్ చేశాడు . థియేటర్లలో ఈ చిత్రాన్ని మిస్ అయిన వారు ఇప్పుడు ప్రముఖ ఓటీటీ ప్లాట్ ఫామ్ నెట్ఫ్లిక్స్లో చూడవచ్చు. సిద్ధార్థ్ ఆనంద్ దర్శకత్వంలో తెరకెక్కిన చిత్రం ‘ఫైటర్’. ఫైటర్ ప్లేన్స్ యాక్షన్ సీన్స్ ఈ సినిమాలో హైలైట్గా నిలిచాయి. దీపికా పదుకొణె, అనిల్ కపూర్, హృతిక్ రోషన్ ఫైటర్ పైలట్లుగా కనిపించారు. థ్రిల్గా సాగే యాక్షన్ సన్నివేశాలను ప్రేక్షకులు మెచ్చుకున్నారు. భారీ బడ్జెట్తో నిర్మించిన ఈ చిత్రం థియేటర్లలో సంచలన విజయం సాధించి ఇప్పుడు OTT లోకి అడుగుపెట్టింది.
ఫైటర్’ సినిమా శుక్రవారం (మార్చి 21) అర్ధరాత్రి నుంచి నెట్ఫ్లిక్స్లోకి వచ్చేసింది. అయితే ప్రస్తుతం కేవలం హిందీ వెర్షన్ మాత్రమే అందుబాటులో ఉంది. అందుకే తెలుగు వెర్షన్ కూడా రిలీజ్ చేయాలంటున్నారు ఫ్యాన్స్. ఈ సినిమాలో దీపికా పదుకొణె కొన్ని సన్నివేశాల్లో బోల్డ్గా నటించింది. దీనిపై ఇండియన్ ఎయిర్ ఫోర్స్ కూడా అభ్యంతరం వ్యక్తం చేసింది. అయినా ఫైటర్ సినిమా భారతీయ బాక్సాఫీస్ వద్ద 199.45 కోట్ల రూపాయలను వసూలు చేసింది. OTTలో కూడా రికార్డ్ వ్యూయర్షిప్ను అందుకునే అవకాశముంది. యుద్ధం’, ‘పఠాన్’ సినిమాలతో అటెన్షన్ని సొంతం చేసుకున్న దర్శకుడు సిద్ధార్థ్ ఆనంద్ ‘ఫైటర్’ సినిమాతో మరోసారి తన సత్తా ఏంటో నిరూపించుకున్నాడు. అక్షయ్ ఒబెరాయ్, కరణ్ సింగ్ గ్రోవర్, సంజీదా షేక్ తదితరులు కూడా ఈ సినిమాలో నటించారు. మరి థియేటర్లలో ఫైటర్ సినిమాను మిస్ అయ్యారా? లేదా మళ్లీ చూడాలనుకుంటున్నారా? ఎంచెక్కా ఓటీటీలో చూసి ఎంజాయ్ చేయండి.
మరిన్ని సినిమా వార్తల కోసం ఇక్కడ క్లిక్ చేయండి.